„ტექნოლოგიები ყოველდღიურობას გვიმარტივებს და ეს სიმარტივე ჩვენს ცხოვრებას ჰარმონიულს ხდის. სწორედ ასეთი, ჰარმონიული ცხოვრებისთვის შეიქმნა სრულიად ახალი „კია სპორტიჯი“. რევოლუციური ექსტერიერით ევროპული წარმოების ეს ავტომობილი უკვე ჩვენს შოურუმშია“, − ამბობენ „კია საქართველოს“ გუნდში და სიამაყით წარგვიდგენენ მართლაც შთამბეჭდავ ახალ ავტომობილს.
გასულ წელს ავტომობილების წარმოების მრავალწლიანი ისტორიის მქონე კომპანიამ საკუთარ რებრენდინგს „ხელახლა დაბადება“ უწოდა და მთელი ფილოსოფია თანამედროვე, თავისუფალი ადამიანის მოთხოვნებს, საჭიროებებსა და სურვილებს უახლესი ტექნოლოგიებითა და მაღალი ხარისხის პროდუქტებით შეუსაბამა.
„გამოცადე პროგრესის ძალა“ − ეს ფრაზა ახალი „სპორტიჯით“ მოძრაობის გამოცდილებას ნამდვილად გამოხატავს.
„კია სპორტიჯი“ არის ახალი, ერთგვარი ევოლუციური ტრანსფორმაციის მაგალითი, რომელიც ხაზს უსვამს ახალი „კიას“ ფილოსოფიას და ბრენდის განახლებულ კონცეფციას − მოძრაობა, რომელიც შთაგაგონებს.
ბუმერანგის ფორმის ფარები, კომპაქტური აღნაგობის კორპუსი, ტევადი ინტერიერი, არაერთი თანამედროვე პასიური თუ აქტიური უსაფრთხოების სისტემა − ქალაქში თუ ქალაქგარეთ მანძილის დაფარვას მხოლოდ სასიამოვნოს ხდის. ტურბირებული ძრავა, 360-გრადუსიანი პანორამული ხედვის კამერა, ადაპტირებული დისტანციის კონტროლი, ბრმა ზონის მონიტორი − ეს Kia Sportage GT line-ის ევროპული წარმოების მახასიათებლების არასრული ჩამონათვალია და ამ დროს შეგიძლიათ წარმოიდგინოთ მოგზაურობა ოჯახთან ერთად ზღვის სანაპიროზე, ან მეგობრებთან ერთად მთიან კურორტზე − ხოლო ამ წარმოდგენის რეალიზებისთვის „კია საქართველოს“ ახალ შოურუმს უნდა ეწვიოთ.
ახალი „კიას“ შოურუმი ახალ მისამართზეა: აღმაშენებლის ხეივანი 84. გლობალურად, „კიას“ განახლების შემდეგ, „კია საქართველო“ ევროპაში პირველი იყო, რომელმაც შოურუმი ახალი კონცეფციით უახლესი სტანდარტის შესაბამისად შექმნა. შემოდგომაზე კი შოურუმთან ერთად „კია საქართველო“ მომხმარებელს ახალ სერვისცენტრს შესთავაზებს.
„მოძრაობა შთააგონებს იდეებს − ახალი იდეები მოძრაობას უკავშირდება. „კიას“ მომხმარებელი ბუნებრივად გამბედავი, თანამედროვე, თავისუფალი ადამიანია, ვისთვისაც დრო და სივრცე მნიშვნელოვანია. „კიას“ ფლობის გამოცდილება მომხმარებელს აძლევს საშუალებას კომფორტულ სივრცეში დრო საკუთარი შთაგონებისთვის გამოიყენოს და გზა მხოლოდ სასიამოვნო მოგზაურობად აქციოს“, − ამ დაპირებას ჩვენთან საუბარში „კიას“ გუნდის წევრები იძლევიან. გარემო შოურუმში, სადაც გვიმასპინძლეს და ავტომობილი, რომელიც წარგვიდგინეს, ეჭვის საფუძველს არ გვაძლევს, რომ მოძრაობა „კიასთან“ ერთად მართლაც შთააგონებს.
