სხვადასხვა პროფესიისა და ასაკის ადამიანები სხვადასხვანაირად გამოხატავენ უკრაინის მიმართ მხარდაჭერას. დღეს OK! გიამბობთ ქართველ მხატვრებზე, რომლებიც თავიანთ ნამუშევრებში გადმოსცემენ სოლიდარობას უკრაინის მიმართ.
art__theodor (თედო რეხვიაშვილი) − ნამუშევარი დაფუძნებულია რუსი სამხედროების მიერ უკრაინაში ჩადენილ სამხედრო დანაშაულებზე, სადაც ბოლო ორი თვის განმავლობაში წამებით მოკლეს ასობით უდანაშაულო მშვიდობიანი მოქალაქე და მცხოვრები. საშინელი ტრაგედიები ხდება ყოველდღე, სადაც უნდა გადაადგილდნენ რუსული ჯარები, და ყველაფერი იმის სახელით, თითქოს ისინი იბრძვიან ნაცისტების, უკრაინელი აგრესორების წინააღმდეგ.
ლევან სონღულაშვილის ახალი ტილოს ფრაგმენტი − „დაკარგული პატარა ბიჭუნა“.
„შეუძლებელია, მშვიდად უყურო ომისგან დასახიჩრებულ, უგზო-უკვლოდ დაკარგულ ბავშვებს, რომლებიც დაობლდნენ, და მშობლებს, რომლებიც შვილის ცხედრებს ვერ ეთხოვებიან“.
მხატვრის მეორე ნახატი კი ბუჩას ტრაგედიას ეძღვნება.
„ვმონაწილეობ უკრაინელთა დასახმარებლად. საზღვარგარეთ მყოფი კოლეგები, მეგობრები, გავაერთიანე ლტოლვილთა დახმარების პროგრამებში და სხვა, თუმცა ჩემი მაქსიმუმი, რის გაკეთებაც ომის წინააღმდეგ და უკრაინელთა მიმართ სოლიდარობის ნიშნად შემიძლია. მემორიალური ტილოა“, − ამბობს ლევან სონღულაშვილი.
ლალი დანილუკის ნამუშევრები უკრაინის თემატიკით. მხატვარი ამჟამად ცხოვრობს და მუშაობას აგრძელებს ბრუკლინში (ნიუ იორკი, აშშ).
გიორგი გაგოშიძე საინტერესო და ორიგინალურ ნამუშევრებს ქმნის.
მაშო მარგიშვილი საქველმოქმედო პროექტის ფარგლებში, ილუსტრატორი და სხვა არტისტები შექმნიან NFT-ნამუშევრებს, რომელიც გაზრდის ცოდნას უკრაინაში არსებულ ვითარებასთან დაკავშირებით.
გამოგზავნილი ნამუშევრები ოფიციალური წესების მიხედვით განიხილება და Singular-ზე განთავსდება. შემოწირულებები გადაირიცხება უკრაინაში.
სალომე რიგვავა იხსენებს, რომ პირველი ნახატი ომის თემაზე 2013 წელს შექმნა. პერიოდულად ხატავდა აფხაზეთის ომის შემდეგ განცდილ ემოციებს.
„შემდეგ უკვე დაიწყო უკრაინის ომი და ვფიქრობ, კვლავ გაგრძელდა ჩვენი ისტორიაც. დიპლომის დაცვამდე ცოტა დრო რჩება და ეს ის დროა, როცა „ლამაზ“ ნახატებზე უარი უნდა ვთქვა და დავხატო ის, რასაც მართლა განვიცდი და რაც ბევრ ტკივილს მახსენებს… იმედია, ბავშვებს, რომლებიც ახლა ასეთ რთულ განსაცდელში არიან, ლტოლვილისა და დევნილის სტატუსით ცხოვრება არ მოუწევთ!“ − აღნიშნავს სალომე.
ვლადიმერ (ვალო) იმერლიშვილი − ქართველი მოქანდაკის მიერ შესრულებული შოთა რუსთაველის ძეგლი კიევში დგას.
