რა არის მნიშვნელოვანი იმისათვის, რომ ვარჯიშის პროცესი ბევრად სასიამოვნო გახდეს? რასაკვირველია კომფორტული სავარჯიშო სამოსი – ის, რაც მეტად თავდაჯერებულსა და მოტივირებულს გაგხდით. Fitroom არის სივრცე, სადაც შეძლებთ შეარჩიოთ და მოირგოთ თქვენთვის სასურველი, მრავალფეროვანი და მოდური ორეულები, სავარჯიშო ელასტიკები, ტოპები და სხვადასხვა სპორტული აქსესუარი. ჟურნალი OK! Fitroom-ის დამფუძნებელ მარიამ კვარაცხელიას ესაუბრა, რომელმაც უფრო ვრცლად გვიამბო ბრენდის კონცეფციის შესახებ.
უპირველესად, გაგვაცანით Fitroom.
Fitroom არის საქართველოში ქალის N1 სავარჯიშო სამოსისა და სპორტული აქსესუარების მაღაზია, რომელიც მომხმარებლებს სთავაზობს კომფორტული, ხარისხიანი და დახვეწილი სავარჯიშო სამოსის ფართო არჩევანს. ვარჯიში უფრო ეფექტური და შედეგისმომცემი რომ იყოს, საჭიროა გვეცვას პრაქტიკული სამოსი და ვიყოთ თავდაჯერებულები. Fitroom-ის სამოსი კი თითოეულ ქალბატონს აძლევს როგორც თავისუფლებას, შეასრულონ ნებისმიერი მოძრაობა ზედმეტი ძალისხმევის გარეშე, ისე მოტივაციას. გამორჩეული და ხარისხიანი სამოსი არის ერთ-ერთი მთავარი მოტივაციის წყარო, რაც თითოეულ ჩვენგანს სჭირდება ვარჯიშში უკეთესი შედეგების მისაღწევად.
რამდენი ხანია, რაც „ფიტრუმი“ ქართულ ბაზარზე გამოჩნდა?
„ფიტრუმი“ ქართულ ბაზარზე 2019 წლიდან ოპერირებს. ჩვენ პირველებმა შემოვიტანეთ საქართველოში Push-up და არაერთი სხვა მოდელი, რომელიც 3 წელია საკმაოდ პოპულარული და მოთხოვნადია ქალბატონებში.
უფრო ვრცლად გვიამბეთ, რა სახის პროდუქციას სთავაზობთ მომხმარებლებს?
ჩვენს ქალბატონებს ვთავაზობთ პროდუქციის ფართო არჩევანს, ესენია: ორეულები, სავარჯიშო ელასტიკები, ტოპები და სხვადასხვა სპორტული აქსესუარი. ასევე, მათ, ვისაც საყვარელი ადამიანების გახარება სურთ, შეუძლიათ შეიძინონ Fitroom-ის სასაჩუქრე ვაუჩერი.
ვინ არიან თქვენი ძირითადი მომხმარებლები?
ჩვენი მომხმარებლები არიან ქალბატონები მთელი საქართველოს მასშტაბით და არა მარტო. გვქონია შემთხვევებიც, როდესაც საზღვრებს გარეთ გაგვიგზავნია საკუთარი პროდუქცია. Fitroom-ი მომხმარებლებს სთავაზობს მოსახერხებელ და სწრაფი მიწოდების სერვისს, რაც მათ ძალიან მოსწონთ და ახარებთ.
სად მდებარეობს მაღაზია?
Fitroom-ის შოურუმის მისამართია: საბურთალო, უნივერსიტეტის ქუჩა N2, სპორტკომპლექს „არენა I“-ის პირველი სართული. ასევე გვაქვს ონლაინმაღაზია სწრაფი მიწოდების სერვისით: www.fitroom.ge
გვესაუბრეთ ხარისხსა და ფასებზე.
ჩვენ გვაქვს მხოლოდ მაღალი ხარისხის პროდუქცია, რომელიც ინარჩუნებს ფორმას, ფერს და ეფექტურობას, არ ტოვებს ლაქებს და არის ვარჯიშისთვის სრულიად შესაფერისი, წელვადი და ამავდროულად, თანამედროვე. მომხმარებელი ჩვენთან შეხვდება სხვადასხვა ფასის სამოსს. „ფიტრუმის“ პროდუქცია შეუძლია შეიძინოს ნებისმიერმა ადამიანმა საკმაოდ ხელმისაწვდომ ფასად, რაც კიდევ ერთი პრიორიტეტია ჩვენი მომხმარებლებისთვის.
როგორია „ფიტრუმის“ სამომავლო გეგმები?
„ფიტრუმი“ ამჟამად ქართულ ბაზარზე წარმოდგენილია მხოლოდ ერთი შოურუმით და ონლაინმაღაზიით. სამომავლოდ ვგეგმავთ ფიზიკური შოურუმების რიცხვი გავზარდოთ. ამასთანავე, მიმდინარეობს მუშაობა სპორტულ ხაზზე, რომელიც იქნება ადგილობრივი, ქართული წარმოების.
FB: Fitroom • ფიტრუმი
Insta: fitroom.ge
www.fitroom.ge
ტელ: +995 579 15 88 39
მის: უნივერსიტეტის ქუჩა #2, არენა I
სამუშაო საათები: ყოველდღე, 10:00-20:00
