უკვე რამდენიმე საათია რაც ჯიჯი ჰადიდისა და ზეინ მალიკის დაშორების შესახებ გავრცელებული ინფორმაცია სოციალური მედიის განხილვის საგანია.
როგორც უცხოური გამოცემა People ოჯახთან დაახლოებულ სანდრო წყაროზე დაყრდნობით იუწყება დაშორების მიზეზიამერიკელი ტოპ მოდელის დედის იოლანდა ჰადიდის და One Direction-ის ყოფილ წევრს შორის არსებული უთანხმოება გახდა.
ინფორმაცია ოფიციალურად დადასტურებული არ არის, თუმცა იოლანდა ზეინს ფიზიკურ ძალადობაში ადანაშაულებს, 57 წლის ვარსკვლავმა შესაძლოა დავით სასამართლოსაც მიმართოს.
თავად ზეინ მალიკი მომხდართან დაკავშირებით ვრცელ კომენტარს არ აკეთებს, თუმცა ბრალდებებს უარყოფს და მას აბსურდულს უწოდებს.
ჯიჯი ჰადიდისა და ზეინ მალიკის სიყვარულის ისტორია 2015 წელს დაიწყო, გასული წლების განმავლობაში წყვილი ერთმანეთს რამდენჯერმე დაშორდა, შემდეგ კი კვლავ შერიგდა. შეიძლება ითქვას, რომ მომავალი მშობლები თავდაპირველად ერთმანეთს კარიერული წინსვლის ერთ-ერთ ყველაზე მნიშვნელოვან ეტაპზე შეხვდნენ.
ჯიჯი ჰადიდის პროფესიული დებიუტი 2014 წელს შედგა, ფართო საზოგადოებამ კი 2016 წელს გაიცნო, როდესაც ბრიტანეთის მოდის საბჭომ ის წლის საერთაშორისო მოდელად დაასახელა. მისი მომავალი შვილის მამა, ზეინ მალიკი მაყურებელმა პირველად 2010 წელს ბრიტანულ მუსიკალურ კონკურსში X Factor-ში იხილა, რომლის შემდეგაც მისი კარიერული საქმიანობისთვის ყველაზე მნიშვნელოვანი და წარმატებული ჯგუფი One Direction ჩამოყალიბდა, რომელიც ზეინმა მოგვიანებით, 2015 წელს დატოვა.
შემსრულებელი სწორედ ამ პერიოდში სოლო კარიერის წამოწყებაზე მუშაობდა. ჯიჯი და ზეინი სწორედ ამ პერიოდში გადაადგილდებოდნენ ერთსა და იმავე ქალაქებში, ნიუ-იორკსა და ლოს ანჯელესში, ჰყავდათ საერთო მეგობრები, ესწრებოდნენ მსგავს ღონისძიებებს, ამიტომ ერთმანეთთან შეხვედრა ხშირად უწევდათ.
მას შემდეგ რაც წყვილმა ურთიერთობა 2016 წელს ოფიციალურად გაასაჯაროვა, ხშირად სარგებლობენ ჰოლივუდის ერთ-ერთი ყველაზე საყვარელი და პოპულარული ვარსკვლავური წყვილის სახელით. ისინი ერთმანეთს ურთიერთობის დაწყებიდან რამდენიმე თვეში დაშორდნენ, თუმცა იმავე წელს შერიგდნენ.
2017 წელს წყვილმა “ვოგის” გარეკანი დაამშვენა, რამაც საზოგადოებაში არსებული ეჭვები წყვილის დაცილების შესახებ კიდევ ერთხელ გააქარწყლა.
წყვილი მეორედ ერთმანეთს 2018 წელს წელს დაშორდა, რამდენიმეთვიანი პაუზის შემდეგ კვლავ აღადგინეს ურთიერთობა.
2019 წელს ჯიჯი და ზეინი მესამედ დაშორდნენ ერთმანეთს.
2020 წელს ვარსკვლავურ წყვილს ქალიშვილი შეეძინა, რამაც კიდევ ერთხელ დაადასტურა მათი ურთიერთობის აღდგენა.
იქიდან გამომდინარე, რომ წყვილი ჯიჯის ორსულობის პერიოდში დეტალურ ინფორმაციას იშვიათად ავრცელებდა, პენსილვანიაში არსებული ოჯახური ფერმა ზეინისა და ჯიჯისთვის საუკეთესო არჩევანი გახლდათ.
როგორც თავად ოჯახი იტყობინებოდა, მანამ, სანამ ჯიჯი და ზეინი მომავალი მშობლების ამპლუას ერგებოდნენ, მოდელის და და დედა, ბელა და იოლანდა ჰადიდები სამეურნეო საქმიანობით კავდებოდნენ. ჯიჯიმ W Magazine-თან საუბრისას განაცხადა, რომ საკუთარ ფერმაში შრომა მისთვის ერთგვარი თერაპია გახლდათ. რაზეც დადებითი კომენტარი ჟურნალისტებთან საუბრისას მისმა მეგობარმა მამაკაცმაც გააკეთა..
„საკუთარი თავის აღმოსაჩენად უნდა იპოვნო ძალა, რათა აკეთო საყვარელი საქმიანობა. მე ეს ყველაფერი დიდი ხნის წინ გავაანალიზე. ფერმაში მუშაობის დროს ისეთი ვარ, როგორიც სინამდვილეში, არ მჭირდება მაკიაჟის გაკეთება, არ ვარ ვალდებული გამოვიყურებოდე ლამაზად, არ მიწევს იმაზე ფიქრი, თუ რა უნდა გამოვაქვეყნო სოციალურ ქსელში, რადგან მუშაობის დროს მაქსიმალურად კომფორტულად ვარ.“ – ჯიჯი
ჯიჯის პარალელურად მისმა მეგობარმა მამაკაცმა, ზეინ მალიკმაც გამოხატა ფერმერის ცხოვრების წესისადმი საკუთარი ენთუზიაზმი: „ცხოველებით ყოველთვის ვიყავი დაინტერესებული, მიყვარს, როდესაც ცხენებს ვაჭმევ, მათი გამოკვება კი სიამოვნებას მანიჭებს.“ – ზეინი
რამდენიმეთვიანი იდილიის შემდეგ, როდესაც ჯიჯი ჰადიდი მოდის კვირეულის ფარგლებში ქალაქში აღარ იმყოფებოდა, მისი ქალიშვილის გამო მოდელის დედასა და მის მეგობარ მამაკაცს უთანხმოება მოუვიდათ.
თავად ჯიჯი მომხდართან დაკავშირებით კომენტარის გაკეთებას ერიდება.
