მრავალმხრივ ნიჭიერი ბარბადოსელი მომღერალი, მსახიობი, ბიზნესვუმენი და მოდის დიზაინერი რობინ რიანა ფენტი მაყურებლის წინაშე საკუთარი თეთრეულის ხაზის ახალი შოუთი (Savage X Fenty Volume 3) ბრუნდება, რომელშიც წელს პირველად მონაწილეობა Victoria’s Secret-ის ყოფილმა ანგელოზმა ბრაზილიელმა ტოპმოდელმა ადრიანა ლიმამ მიიღო.
ბრენდის ახალი კოლექციის პრეზენტაცია 24 სექტემბერს Amazon Prime Video-ზე გაიმართება.
ჩვენების პრემიერამდე რამდენიმე საათით ადრე მოდელმა სოციალურ ქსელში შოუზე გადაღებული ფოტოები გამოაქვეყნა.
შოუში მონაწილეობა ადრიანა ლიმასთან ერთად მსოფლიოს ერთ-ერთმა ყველაზე მოთხოვნადმა და ანაზღაურებადმა ტოპ მოდელებმა მიიღეს, როგორებიც არიან ჯოან სმოლსი, ჯიჯი ჰადიდი, ირინა შეიკი, ემილი რატაკოვსკი და სხვები.
