ჰოლივუდის ერთ-ერთი ყველაზე ინტელექტუალი და ელეგანტური მსახიობი ნატალი პორტმანი, 1981 წლის 9 ივნისს იერუსალიმში დაიბადა და ლონგ აილენდში გაიზარდა. 10 წლის ასაკში უარი თქვა სამოდელო სააგენტოს შეთავაზებაზე, რადგან უკვე იცოდა რომ მსახიობი იქნებოდა.
მსახიობმა თავისი კარიერის ერთ-ერთი ყველაზე მნიშვნელოვანი როლი 13 წლის ასაკში, ფილმ “ლეონში” შეასრულა, სადაც პარტნიორობას ჟან რენო და გარი ოლდმანი უწევდნენ.
„ამ ფილმმა ჩემი კარიერა შექმნა, მაგრამ დღეს, როცა ვუყურებ საკმაოდ უხერხულ განცდებს იწვევს, ამიტომ მის მიმართ არაერთგვაროვანი დამოკიდებულება მაქვს“ – ამბობს მსახიობი
პორტმანმა მსოფლიო პოპულარობა პადმე ამიდალას როლით მოიპოვა, “ვარსკვლავური ომების” ტრილოგიაში.
2010 წელს ფილმი „შავი გედის“ გადაღებების დროს (სწორედ ამ როლმა მოუტანა ოსკარი), გაიცნო ფრანგი ქორეოგრაფი ბენჟამენ მილეპიედი, რომელთანაც 2012 წელს იქორწინა. მათ ორი შვილი ჰყავთ – ალეფი და ამალია. წყვილი 2023 წელს დაშორდა. გავრცელებული ინფორმაციით, მილეპიდმა ცოლს 26 წლის ფრანგ ქალთან უღალატა. მსახიობს ამის შესახებ კომენტარი არ გაუკეთებია.
ამჟამად მსახიობი ფრანგ მუსიკოს, ტანგი დეტაბლს ხვდება.
