ახალი წლის დადგომამდე რამდენიმე დღით ადრე, 18 დეკემბერს ისი პარიმ იაპონური ესთეტიკისა და სილამაზის გამომხატველი ბრენდის, Shiseido-ს კანის მოვლის ახალი პროდუქტის Vital Perfection LiftDefine Radiance Night Concentrate პრეზენტაცია გამართა.
ახალი შრატი, გათვლილია ყველა ქალბატონისათვის, ვინც ეძებს კანის მოვლის პროდუქტს ლიფტინგისა და გამამკვრივებელი ეფექტით; ვისაც სურს მიიღოს თვალსაჩინო ეფექტი ელასტიური, გამკვრივებული კანი და მეტად გაამრავალფეროვნოს თავისი ღამის მოვლის რუტინა. კლინიკურად დადასტურებულია, რომ ახალი შრატი ხვეწავს ღაწვებს და ასწორებს ნიკაპის ხაზებს სულ რაღაც 2 კვირაში. პროდუქტის მოქმედების გაძლიერება ხდება სპეციალური ღამის გამამკვრივებელი მასაჟის მეშვეობით.
იაპონური კულტურით შთაგონებული საღამო მედიის, პრესისა და ინფლუენსერებისთვის რესტორან ფუნიკულიორის წვეულებათა დარბაზში გაიმართა. პრეზენტაცია მთლიანად ბრენდისა და პროდუქტის კონცეფციით იყო სთაგონებული, მიღება სასიამოვნო მუსიკით, კოქტეილებით და ნეონებით განათებულ ბანერთან ფოტოსესიით დაიწყო. მოსულ სტუმრებს ულამაზესი ნატვრის ხე დახვდათ, რომელზეც ტკბილეულის ყუთები იყო ჩამოკიდებული, თითოეულ მათგანს უნდა ჩამოეხსნა ტკბილეული და მის ნაცვლად საკუთარი საახალწლო სურვილი ჩამოეკიდა.
ჯადოსნობით და იაპონური სულით გაჯერებული საღამო, ახალი ღამის შრატის პრეზენტაციით გაგრძელდა, რომელსაც ისი პარის პიარისა და კონტენტის მენეჯერი ლინა ქალდანი წარუძღვა. ბრენდის ისტორიის მოსმენის შემდეგ, სტუმრებს სიურპრიზი ელოდათ, პროდუქტი სწორედ Shiseido-ს ტრეინინგმენეჯერმა ამიერ კავკასიაში, მაია მოშიაშვილმა წარადგინა. პროდუქტის გაცნობის შემდეგ, პატარა სახალისო გათამაშების დროც დადგა და ბრენდის შესახებ რამოდენიმე კითხვის გამოცნობის შემდეგ, 5 სტუმარს საჩუქრები გადაეცათ. პრეზენტაცია სენტიმენტალური და მრავლისმეტყველი ვიდეოთი დასრულდა.
დადგა დრო იაპონური კერძების და ნუგბარისა, სტუმრებმა უამრავი იაპონური კერძი და სასმელი დააგემოვნეს. თითქოს საღამო დასასრულს უახლოვდებოდა, რომ დაიწყო გასაოცარი იაპონური ცეკვა, რომელმაც სრულიად წარმოაჩინა იაპონიის კულტურის სილამაზე. ცეკვის შემდეგ ყველაზე ტკბილი, საჩუქრების გადაცემის ნაწილიც დადგა. თითოეულ სტუმარს გადაეცა ბრენდის არაჩვეულებრივი საჩუქრები და საღამოც გრანდიოზული ფოიერვერკით დასრულდა.
