პრენიტი ნატურალური ქვის სახელია. ამბობენ, რომ მას ადამიანის ცხოვრებაში სიყვარულის მოტანა შეუძლია, ის ასევე ეხმარება მფლობელს პიროვნულად გაზრდასა და საკუთარი თავის პოვნაში. შესაძლოა სწორედ ეს ქვა დაეხმარა ჩვენს რესპოდენტს ახალი ჰობის და ეხლა უკვე ახალი საქმის პოვნაში. Preniti- ქართული სტარტაპია, რომელიც დახვეწილ ხელნაკეთ აქსესუარებს ქმნის ნატურალური ქვებისგან.
,,Preniti-ს’’ შექმნის ისტორია
პროფესიით სტომატოლოგ ნანა გრიგოლავას ,,preniti’’-ს შექმნის იდეა პანდემიის დროს მოუვიდა. ის ბუნებრივი ქვებით სხვადასხვა ხელნაკეთ აქსესუარებს ქმნის. სამი შვილის დედისთვის ეს საქმიანობა თავდაპირველად განტვირთვის საშუალება იყო, თუმცა მოგვიანებით ის მეორე პროფესიად იქცა.
პრენიტში წარმოდგენილი პროდუქცია..
,,პრენიტი” მომხმარებელს სთავაზობს მაღალი ხარისხის ქვებისგან დამზადებულ სხვადასხვა აქსესუარებს, როგორიცაა ბეჭედი, ყელსაბამი, საყურე თუ სამაჯური. ასევე, მომხარებელს შეუძლია თავისი გემოვნებით შეუკვეთოს სასურველი აქსესუარი.
,,მომხმარებელს შეუძლია როგორც მაღალი ხარისხის ისე ბიუჯეტური ქვების შეძენა. თითოეული აქსესუარი უნიკალურია. ის იქმნება დიდი შრომის და ძალისხმევის შედეგად. ჩვენთვის მნიშვნელოვანია მომხმარებლის აზრი, ვცდილობთ მუდმივად სიახლეები, სხვადასხვა გათამაშებები და ფასდაკლებები შევთავზოთ მათ.’’
ბუნებრივი ქვის თვისებები
გარდა იმისა, რომ ნატურალური ქვებისგან დამზადებული აქსესუარები ლამაზია, მას აქვს სამკურნალო თვისებები და დანიშნულება. მაგალითად, ამბობენ, რომ პრენიტის ერთი ნატეხის ქონაც კი სასარგებლოა, რადგანაც ის ეხმარება ადამიანს ქვეცნობიერის გააქტიურებაში და ყოველდღიური საფრთხის თავიდან აცილებაში. სამკურნალო თვისებას რაც შეეხება, ის აძლიერებს იმუნურ სისტემას, წესრიგში მოჰყავს მეტაბოლიზმი და ასტაბილურებს სისხლის წნევას.
სამომავლო გეგმები
,,2020 წლის მიწურულს ხელოვნებაში შეტანილი წვლილისთვის მოვიპოვე ,,პერსონა 2020″-ის ტიტული,ასევე ,,ბრენდ პერსონა 2021″. ეს ყველაფერი სტიმულია ჩემთვის, რომ უფრო მეტს მივაღწიო. ჩემი მიზანია ,, Preniti” ასოცირდებოდეს ხარისხით გამორჩეულ გემოვნებიან კომპანიასთან, რომელიც მუდმივად საინტერესო სიახლეებს სთავაზობს მომხმარებელს.”
საკონტაქტო ინფორმაცია: https://www.facebook.com/preniti.ge
