ALTA-ს აღმასრულებელ დირექტორად ნოკა ბაინდურაშვილი დაინიშნა. ის 20 წელზე მეტია რითეილ ინდუსტრიაში, მარკეტინგისა და სტრატეგიული კომუნიკაციების მიმართულებით მუშაობს.
ნოკა ბაინდურაშვილი: აღნიშნული პოზიცია ძალიან საპასუხისმგებლო და მნიშვნელოვან მომენტზე ჩემს კარიერაში – სიამაყითა და დიდი პასუხისმგებლობით ვიღებ ALTA-ს აღმასრულებელი დირექტორის (CEO) პოზიციას. “ალტა” დიდი ისტორიის მქონე კომპანია, რომელიც წლების განმავლობაში იყო და არის ერთ-ერთი წამყვანი მოთამაშე საყოფაცხოვრებო ტექნიკის საცალო ბაზარზე საქართველოში. ეს ნდობა და არჩევანი, რომელსაც ყოველდღიურად გვიცხადებენ ჩვენი მომხმარებლები, არის მთავარი მოტივაცია, რომ კიდევ უფრო მაღალი სტანდარტებით ვიმუშაოთ.
როგორია თქვენი გეგმები? რა სახის პროექტების განხორციელებას გეგმავთ სამომავლოდ?
ჩემი მთავარი მისიაა იმ მყარი საფუძვლის გამოყენებით და ძლიერი გუნდთან ერთად შევქმნათ ისეთი ეკოსისტემა, რომელიც მომხმარებელს მისცემს მაქსიმალურ კომფორტს – როგორც მაღაზიებში, ისე ონლაინ სივრცეში. ვგეგმავთ განვავითაროთ ინოვაციური სერვისები, ციფრული პლატფორმები, ლოიალობის პროგრამები და ისეთი გამოცდილება, რომელიც საქართველოში საცალო ვაჭრობის ახალ სტანდარტს ჩამოაყალიბებს. ვაცნობიერებ, რომ ეს დიდი პასუხისმგებლობაა – როგორც გუნდთან, ისე მომხმარებლებთან, პარტნიორებთან და მთლიანად ბაზართან. მჯერა, რომ ერთობლივი ძალებით შევძლებთ გავაგრძელოთ წარმატებული გზა და გავაუმჯობესოთ ის გამოცდილება, რომელსაც ჩვენი ბრენდი ყოველდღიურად სთავაზობს მომხმარებლებს. მადლობას ვუხდი კომპანიის გუნდს, პარტნიორებს და თითოეულ მომხმარებელს ნდობისთვის. ეს არის გზა, რომელსაც ერთად გავივლით – მეტი ხარისხის, მეტი სანდოობის და მეტი სიახლეებისკენ.
თქვენი გამოცდილების შესახებაც რომ მოგვიყვეთ. ის, რაც აქამდე გაიარეთ.
20 წელზე მეტია მარკეტინგისა და სტრატეგიული კომუნიკაციების მიმართულებით ვმუშაობ, ძირითადად რითეილ ინდუსტრიაში. ჩემი კარიერის თითოეულ ეტაპზე იყო მნიშვნელოვანი გამოწვევები, პროექტები და გეგმები, რამაც გამზარდა და დიდი გამოცდილება შემძინა. ყველა ბიზნესს აქვს სპეციფიური და დარგობრივი განმასხვავებლები, რაც მეტად საინტერესოს ხდის თითოეულ მათგანს.
რას ურჩევდით ადამიანებს, რომლებიც ახლა იწყებენ გარკვეული ნაბიჯების გადადგმას და სურთ მარკეტინგისა და PR-ის სფეროში მოღვაწეობა?
არასდროს დაკმაყოფილდნენ მიღწეული შედეგებით და ყოველთვის იფიქრონ ჩარჩოებს მიღმა.
როგორ ფიქრობთ, რა არის ის მთავარი, რაც პირადად თქვენ კარიერულ წინსვლაში გეხმარებათ?
საქმისადმი სიყვარული, თავდაუზოგავი შრომა, თვითგანვითარებაზე ზრუნვა, რაც არ გვაძლევს მოდუნების საშუალებას.
