შეგახსენებთ, რომ სასამართლო დავა ემბერჰერდსა და ჯონი დეპს შორის, რომელიც უკვე დიდი ხანია გრძელდება, ყველა დროის ერთ–ერთი ყველაზე საკულტო როლების შემსრულებელი მსახიობის ჯონიდეპის სასარგებლოდ დამთავრდა.
სასამართლოზე წარდგენილიუამრავი დოკუმენტაციის, თვითვმხილველების, მტკიცებულებების წარდგენისა და არაერთი მოწმის დაკითხვის შემდეგ რამდენიმეთვიანი დავა ჯონი დეპმა მოიგო.
როგორც უცხოური გამოცემები იუწყებიან, ემბერ ჰერდი ჯონი დეპს ზარალის ასანაზღაურებლად 15 მილიონ დოლარს გადაუხდის.
მსახიობს თანხის გადახდების გზებთან დაკავშირებით არაფერი უთქვამს, თუმცა სასამართლოს გადაწყვეტილებას არაკომპეტენტური უწოდა და აღნიშნა, რომ შედეგი ქალთან უფლებების თვალსაზრისით რეგრესიულია.
ამჯერად კი გავრცელდა ინფორმაცია, რომ ემბერ ჰერდი სასამართლოს გადაწყვეტილების გასაჩივრებას გეგმავს.
“სიტყვებით ვერ გადმოვცემ იმედგაცრუებას, რომელსაც ახლა ვგრძნობ. გული მტკივა, რომ მტკიცებულებების დიდი რაოდენობაც კი არ აღმოჩნდა საკმარისი იმისთვის, რომ ჩემი ყოფილი ქმრის გავლენების, ზეწოლისა და არაპროპორციული ძალისთვის წინააღმდეგობა გამეწია. კიდევ უფროიმედგაცრუებული ვარ იმ ქალების გამო, რომლებისთვისაც ეს ვერდიქტი ბევრს ნიშნავდა. ეს ძალიან დიდი რეგრესია, რეგრესი იმ დროში, სადაც ქალებს არ შეეძლოთ ხმის ამოღება”.
