ქართული ბრენდი „ზიხარ“ ნატურალური ხისგან დამზადებულ ხელნაკეთ ავეჯს გვთავაზობს. კომპანია უკვე სამი წელია, რაც ბაზარზე გამოჩნდა და ამ დროის განმავლობაში უამრავი ერთგული და ძალიან კმაყოფილი მომხმარებელი გაიჩინა. ბრენდი გამოირჩევა მაღალხარისხიანი და გემოვნებიანი პროდუქციით, რომელიც თქვენს სახლს აუცილებლად დაამშვენებს. ჟურნალი OK! „ზიხარ“-ის დამფუძნებელ ზურა ბრეგაძეს ესაუბრა, რომელიც უფრო ვრცლად გვიამბობს კომპანიის შესახებ.
უპირველესად გვიამბეთ ბრენდის „ზიხარ“ შესახებ. რამდენი ხანია, რაც კომპანია ბაზარზე ოპერირებს?
კომპანია „ზიხარ“ 2019 წლის 2 ივნისს დაფუძნდა და უკვე 3 წელია რაც ქართულ ბაზარზე წარმატებით ოპერირებს. თავდაპირველად მე და ჩემმა მეუღლემ, როგორც უამრავმა სხვა ბიზნესმა, 20 კვ.მეტრ ფართობში, ძალიან მცირე ხელსაწყოებით დავიწყეთ.
საქმისადმი სერიოზულმა დამოკიდებულებამ და სიყვარულმა მიგვიყვანა იმ შედეგამდე, რომ დღესდღეობით უკვე გვაქვს საკუთარი საწარმო, სადაც 10-მდე თანამშრომელი გვყავს დასაქმებული.
ჩვენს წარმატებას ხელი კიდევ უფრო შეუწყო იმან, რომ 2021 წელს გავხდით კონკურსის „აწარმოე საქართველოში“ გამარჯვებული კომპანია და მივიღეთ სახელმწიფო დაფინანსების გრანტი.
რა სახის პროდუქციას სთავაზობთ მომხმარებლებს?
მომხმარებლებს ვთავაზობთ გემოვნებიან, დახვეწილ და ხარისხიან ავეჯს.
სად იქმნება ავეჯი და ვინ მუშაობს დიზაინზე?
ჩვენი საწარმო ქუთაისში, წერეთლის 192 ნომერში მდებარეობს. დიზაინისა და ყოველი ახალი პროდუქციის შექმნაში უშუალოდ მე ვიღებ მონაწილეობას, როგორც ნახაზის შექმნაში, ასევე მის შესრულებასა და სრულყოფაში.
გვესაუბრეთ ხარისხზე.
ჩვენი საწარმო იყენებს წიფლისა და წაბლის მასალას, რომელიც ავეჯისთვის ერთ-ერთი საუკეთესოა, ხოლო ლაქი და საღებავები გამოიყენება მაღალი ხარისხის – vechro და millesi-ის ბრენდის.
რა მიგაჩნიათ კომპანიის მთავარ ნიშად და უპირატესობად?
ჩვენ ვიყენებთ ხის მოხრის ტექნოლოგიას, რომელიც გამოგვარჩევს სხვა საწარმოებისგან და ვქმნით განსხვავებულ ავეჯს ქართულ ბაზარზე.
როგორ ხდება ავეჯის მომხმარებლამდე მიწოდება?
ჩვენ შეკვეთებს ვიღებთ ფეისბუქის ონლაინმაღაზიით. რაც შეეხება ადგილზე მიტანას, ჩვენი კომპანია თავად უზრუნველყოფს პროდუქციის მომხმარებლამდე უსაფრთხოდ მიწოდებას.
ბოლოს, სამომავლო გეგმებზეც გვესაუბრეთ.
ჩვენი სამომავლო გეგმები რასაკვირველია კიდევ უფრო მეტად გაზრდას მოიცავს. ვაპირებთ შევქმნათ ახალი და განსხვავებული პროდუქცია და გავიტანოთ ჩვენი ნამუშევრები ექსპორტზე.
ვმუშაობთ ასევე მცირე მოცულობისა და ზომის პროდუქტების შექმნაზე, რომელსაც სულ მალე გავყიდით ebay-ის, amazon-ისა და etsy-ის საშუალებით.
ვაპირებთ წარმოების კიდევ უფრო მეტად გაფართოებას და შოურუმის გახსნას თბილისში.
FB: ზიხარ • Zikhar
Tel: 555 45 41 22
