ბათუმი რომ ადგილობრივებისთვისაც და დამსვენებლებისთვისაც ერთ-ერთ ყველაზე გამორჩეულ და დასამახსოვრებელ განცდებსა და ემოციებს იწვევს, ეს ახალი არავისთვისაა. Flowers City Batumi კი ამ ემოციებს კიდევ უფრო დაუვიწყარს ხდის თავისი არომატითა და სიფერადით. ეს არის ყვავილების სალონი, რომელიც რამდენიმე თვეა გაიხსნა და უკვე დაიმკვიდრა საკუთარი განსხვავებული ნიშა. ამ და სხვა საინტერესო საკითხებთან დაკავშირებით დამფუძნებელ თამთა ქურდაძეს ვესაუბრეთ.
უპირველესად გაგვაცანით Flowers City Batumi. რამდენი ხანია, რაც საზოგადოების წინაშე გამოჩნდა?
დიდი დრო არ არის გასული მას შემდეგ, რაც Flowers City Batumi საზოგადოების წინაშე გამოჩნდა. იდეა ზაფხულში დაიბადა და მალევე განხორციელდა.
ყვავილები ასოცირდება ბუნებასთან, სილამაზესთან… რის მიმართაც განსაკუთრებული დამოკიდებულება გვაქვს მე და ჩემს მეგობრებს. აი ასე, ერთ დღესაც გადავწყვიტეთ და 20 დღეში მოვიყვანეთ სისრულეში ჩვენი იდეა…
კიდევ უფრო სასიამოვნოა, როცა შენს ორ უახლოეს მეგობართან ერთად აკეთებ შენთვის საყვარელ საქმეს, ასე ვთქვათ – ესეც ერთ-ერთი წარმატების საწინდარია, რაც დიდ ბედნიერებას ჰგვრის ადამიანს.
ლოგოს შესახებ მოგვიყევით.
ჩვენი ლოგოს, ბაბუაწვერას იდეა ერთ-ერთ მეგობარს, თანადამფუძნებლს ეკუთვნის, მისი დანახული ხედვით ეს ჩვენი ხასიათი, ხალისი და ლაღი ბავშვობის მოგონებაა.
როგორია თქვენი ხელწერა? ის, რაც სხვებისგან გამოგარჩევთ?
ჩვენი მთავარი ხელწერა და რაც სხვებისგან გამოგვარჩევს არის ის, რომ ბათუმში ბათუმელებისთვის შეიქმნას თაიგულები, რომლებიც სრულიად სხვა ხედვით არის შექმნილი. განსაკუთრებული ემოცია და განწყობაა მასში ჩაქსოვილი. ჩვენი თავდაპირველი მიზანიც ეს იყო, ვიყოთ გამორჩეულები და ვაკეთოთ კონკრეტულად ჩვენეული ხედვით.
ამ ყველაფერში ჩადებული გვაქვს ჩვენი ხასიათი, სიყვარული და შრომა, რაც, დამეთანხმებით, რთულია მომხმარებელს შეუმჩნეველი დარჩეს.
უფრო ვრცლად და კონკრეტულად რომ გვიამბოთ, რას სთავაზობთ საზოგადოებას?
საზოგადოებას ვთავაზობთ განსხვავებულ და ორიგინალურ თაიგულებს. ასევე ჩვენთან წარმოდგენილია საჩუქრები, შეფუთვები. რასაკვირველია, სურვილის შემთხვევაში ამ ყველაფერს უზრუნველყოფს მიტანის სერვისი.
მცენარეების სახეობებზეც გვიამბეთ.
მცენარეებს რაც შეეხება, ჩვენთვისაც სიახლეა ეს ყველაფერი. თავადაც გაოცებულები ვართ, ისეთი საოცარი მცენარეები ჩამოგვდის ჰოლანდიიდან, იმდენად მიმზიდველი და ლამაზია, ხშირად ხელოვნურიც კი გვგონია მანამ, სანამ ხელს შევახებთ.
ბოლოს სამომავლო გეგმები გაგვიზიარეთ.
ამ ეტაპზე ვიზრდებით, ვიხვეწებით, ამავდროულად, ვსწავლობთ. სამომავლოდ უამრავი გეგმა გვაქვს. შემდეგი ეტაპი Flowers City Batumi-ს ივენთკომპანიის განვითარება იქნება. აქვე გაგიმხელთ, ჩვენი მთავარი ნიშა იქნება ის, რომ ვიმუშავებთ მხოლოდ ბუნებრივი ყვავილებით.
ფოტო: გიორგი კალანდაძე
ჟურნალისტი: ციაკო ღამბაშიძე
