ხელნაკეთი•ge უმაღლესი ხარისხის, დახვეწილი, ხელნაკეთი სუვენირების სახელოსნოა, რომლის მთავარი კონცეფცია ქართულ მოტივებზე შექმნილი სუვენირებისა და დეკორატიული ნივთების თქვენთვის და თქვენი საყვარელი ადამიანებისათვის შეთავაზებაა. ინდივიდუალური მიდგომა, განსხვავებული ნამუშევრები და ქართული ხასიათი კომპანიის მთავარი ნიშა და უპირატესობაა. გთავაზობთ ინტერვიუს ხელნაკეთი•ge-ის დამფუძნებელ ბორის ხურცილავასთან.
რამდენი ხანია რაც კომპანია გამოჩნდა საზოგადოების წინაშე და როგორ დაიბადა იდეა?
იდეა, შეგვექმნა ქართული სუვენირები, დაახლოებით 10 წლის წინ დაიბადა, თუმცა მისი სრულად რეალიზება 2018 წელს დავიწყეთ.
ყოველთვის მინდოდა ქართულ მოტივებზე დაფუძნებული ნივთები შეგვექმნა, რომლებიც საქართველოში ჩამოსულ უცხოელ სტუმრებს დააინტერესებდა, აქედან წასვლის შემდეგ კი, ეს ნივთები ყოველთვის ჩვენს ქვეყანას და აქ გატარებულ მოგონებებს დაუკავშირდებოდა. თუმცა პანდემიამ კონცეფცია სრულად შეგვიცვალა.
გვიამბეთ კომპანიის დაფუძნების ეტაპებზე. როგორ განვითარდა კონცეფციის შეცვლის პროცესი?
შევკრიბე გუნდი და ორი წლის განმავლობაში შევქმენით დაახლოებით 250 ნამუშევარი. 2019 წლის ბოლოს პანდემიიდან გამომდინარე მოგვიწია სეგმენტის შეცვლა და აქცენტი ქართველ მომხმარებელზე გავამახვილეთ, რაც შეიძლება პანდემიის დადებით მხარედ ჩაითვალოს.
რას სთავაზობთ მომხმარებლებს?
ნატურალური მასალების − ხის, ტყავისა და ქვის გამოყენებით ვქმნით ხელნაკეთ კედლის საათებს, სანათებს, ბლოკნოტებს, სასანთლეებს, ფოტოჩარჩოებს და სხვადასხვა სახის დეკორატიულ ნივთებს. ასევე ვმუშაობთ და ვიღებთ როგორც ინდივიდუალურ, ისე კორპორაციულ შეკვეთებს.
მთავარი ნიშა, რომელიც სხვებისგან გამოგარჩევთ…
ნებისმიერ ადამიანს ვაძლევთ საშუალებას, საკუთარი წარმოსახვა თუ იდეა განახორციელოს და სასურველი ნივთი რამდენიმე დღეში დავუმზადოთ. ჩვენ მიერ შექმნილი თითოეული ნაკეთობა უნიკალურია, რადგან იქმნება და მუშავდება ხელით. მოპოვებული გვაქვს საავტორო უფლება და არ ვიპარავთ სხვის ნამუშევრებს.
როგორია მუშაობის პროცესი?
პროდუქციის შექმნაში იდეიდან რეალიზებამდე ჩართულია მთელი გუნდი, რომლის უცვლელი წევრები ვართ მე და მხატვარ-დიზაინერი ეთერ კობაივანოვა. საზოგადოებას ვთავაზობთ მუდმივად განახლებულ ნამუშევრებს − იქნება ეს საბავშვო ხაზი თუ ქართულ მოტივებზე დაფუძნებული სხვადასხვა დეკორატიული ნამუშევარი.
სად არის შესაძლებელი პროდუქციის შეძენა?
ამ ეტაპზე პროდუქციის შეძენა შესაძლებელია ონლაინ, ჩვენი Facebook-ისა და Instagram-ის გვერდების საშუალებით. უახლოეს პერიოდში ამუშავდება ვებგვერდი და ონლაინმაღაზია: khelnaketi.ge
როგორია კომპანიის სამომავლო გეგმები?
იგეგმება მაღაზია-შოურუმის გახსნა, სადაც ადგილზე შეძლებთ დაათვალიეროთ, შეიძინოთ და შეუკვეთოთ სასურველი ნივთები ინდივიდუალური გრავირებით. ასევე, გვაქვს მაღაზია eatsy.com რომლის მეშვეობით უცხოელი მოქალაქეებისთვის ხელმისაწვდომია ჩვენი პროდუქცია.
FB: ხელნაკეთი•ge• / Khelnaketi•GE•
Insta: khelnaketi.ge
khelnaketi.ge
Mail: khelnaketi.ge@gmail.com
Tel: 592 88 86 88
სამუშაო საათები: 10:00 AM – 6:00 PM
