ბიონატურალური ბრენდი „ველედა“ 1921 წლიდან დღემდე მომხმარებლის ნდობას იმსახურებს. ამის მიზეზი კი, უპირველესად, ნედლეულისა და თავად პროდუქტის მაღალი ხარისხია. მნიშვნელოვანია, რომ ბრენდი თავის ვალდებულებად მიიჩნევს იზრუნოს ნიადაგის გაჯანსაღებაზე, მიკროორგანიზმებზე, წყალსა და ჰაერზე, მცენარეებსა და ცხოველებზე. ამასთანავე, „ველედა“ წარმოების მთელ ჯაჭვში დასაქმებული ადამიანების ჯანმრთელობისა და უფლებების დამცველია.
„ველედა“, თავისი არსებობის მანძილზე, მუდმივად ცდილობს კიდევ უფრო გაამკაცროს ხარისხის კონტროლი, სწორედ ამიტომ უკავშირდება ხარისხის მაკონტროლებელ ისეთ კომპანიებს, როგორიცაა DEMETER, NATRUE, UEBT, B-Corp. ნედლეულს „დემეტრას“ მიერ სერტიფიცირებულ ბიოდინამიკურ მეურნეობებში მოიპოვებს, სადაც დაცულია მრავალფეროვნება და არ არის გამოყენებული ქიმიური ნივთიერებები. „ველედას“ თავის მოვლის საშუალებები კი სერტიფიცირებულია ბიო და ნატურალური კოსმეტიკის მწარმოებელთა ევროპული გაერთიანების ხარისხის ნიშნით – NATRUE, რაც გულისხმობს, რომ აღნიშნული პროდუქცია არ შეიცავს სინთეზურ არომატიზატორებს, საღებავებსა და კონსერვანტებს, სილიკონის ზეთებს, პარაბენებს, ასევე, ის არ იტესტება ცხოველებზე. დამეთანხმებით, რომ 102 წლის განმავლობაში ხარისხის ასეთი მკაცრი მოთხოვნების შენარჩუნება, რასაკვირველია, მომხმარებლის ნდობას იმსახურებს.
ამ ყველაფერთან ერთად, ნდობის შენარჩუნების ერთ-ერთი მთავარი მიზეზი, რა თქმა უნდა, თავად პროდუქტის ეფექტურობაა. კანის ყველა ტიპისა და ყველა ასაკისთვის „ველედას“ შემუშავებული აქვს კანის მოვლის პროდუქტების შესაბამისი სერია. „ველედას“ ყველა პროდუქტი არა მხოლოდ კანის გარეგნულ ეფექტზე ან სიგლუვეზე ზრუნავს, არამედ მისი მიზანია კანის ჯანმრთელობისა და ბუნებრივი სილამაზის შენარჩუნება, თვითრეგულირების უნარის გაძლიერება და წონასწორობის აღდგენა.
„ველედას“ შოურუმი
„ველედას“ პროდუქციის შეძენა მომხმარებელს სააფთიაქო ქსელებში შეუძლიათ, სულ ახლახან კი „ველედას“ შოურუმი პეკინის 45-ში გაიხსნა. სასიამოვნო და მყუდრო გარემო, სადაც პროდუქციის სრული ასორტიმენტი დაგხვდებათ – თავის მოვლის საშუალებები ჩვილებისთვის, ქალებისა და მამაკაცებისთვის, ასევე ბუნებრივი სამკურნალო საშუალებები, წამლები. და, რაც მთავარია, პროდუქციის ღრმა და საფუძვლიანი ცოდნის მქონე კონსულტანტები ამომწურავ პასუხებს გაგცემენ თქვენს კითხვებზე.
„ეკობრენდსი“ 26 წელია, „ველედას“ ექსკლუზიური პარტნიორია საქართველოში. ჩვენი მიზანი მხოლოდ „ველედას“ პროდუქტების ცნობადობის გაზრდა არ არის, ვცდილობთ, ბიო და ნატურალური კოსმეტიკის მნიშვნელობით დავაინტერესოთ ჩვენი მომხმარებელი და მის ამოცნობაში დავეხმაროთ. გვინდა ჩვენმა მომხმარებელმა გააცნობიეროს, რომ ბიო და ნატურალური კოსმეტიკა მხოლოდ ადამიანების ჯანმრთელობისთვის არ არის სასიკეთო. ნედლეულის მოპოვებისას ნიადაგიც დაცულია. ნიადაგი კი დედამიწის კანია – ცოცხალია, სუნთქავს და ისევე სჭირდება დაცვა, როგორც ჩვენს კანს. ვფიქრობთ, ამ საქმეში „ველედას“ ახალი შოურუმიც დაგვეხმარება“. – აღნიშნავს „ეკობრენდსის“ მარკეტინგის ხელმძღვანელი, ლელა ბაკურაძე.
„ველედას“გამორჩეულ პროდუქტებზე ქ-ნ ლელასთან განვაგრძობთ საუბარს.
„სქინ ფუდი“
ველედას პროდუქტების დიდი ნაწილი თითქმის 100 წლისაა და დღემდე არ დაუკარგავს აქტუალობა, მათ შორის არის მამაკაცის სახის კანის მოსავლელი სერია, თმის გამაჯანსაღებელი „როზმარინის ტონიკი“, რათანიას პირის ღრუს სავლები, ზღვის მარილის კბილის პასტა, „ქოლდკრემი“ და ტუჩის ბალზამი „ევერონი“.
1926 წელს შექმნილ ლეგენდარულ „სქინ ფუდს“, „პატარა შავი კაბის“ მსგავსად, „პატარა მწვანე ტუბს“ უწოდებენ და ასე ამბობენ: „სქინ ფუდი“ – კრემი, რომლის გარეშე ცხოვრება გაჭირდებოდა“.
სახისა და ტანის მოსავლელი „სქინ ფუდი“ განსაკუთრებული სიმშრალის დროს გამოიყენება. მცენარეული ზეთებისა და ცვილების მდიდარი შემადგენლობა უხეშ, აქერცლილ და მშრალ კანს კვებავს, არბილებს და ხსნის მოჭიმულობის შეგრძნებას. აცოცხლებს სიმშრალისგან გაუფერულებულ კანს, ამცირებს ქავილის შეგრძნებას და ღრმად ატენიანებს კანს.
„სქინფუდი“ უნივერსალური კრემია მთელი ოჯახისთვის. ტენდენციური სიმშრალის გარდა მისი გამოყენება შეგიძლიათ მზისგან დამწვარი და გაუხეშებული კანის აღსადგენად, ზამთრის სუსხიან დღეებში გამომშრალი კანის დასაცავად და მოსავლელად, პროფესიული მაკიაჟის ხშირი გამოყენების შედეგად დაზიანებული კანის მოსავლელად ან მაკიაჟის საფუძვლად, აკნეს მკურნალობის შემდეგ გამომშრალი, ლაქებიანი და დაზიანებული კანის სამკურნალოდ, სხვადასხვა პროცედურისა თუ მედიკამენტებისგან გამოფიტული კანის აღსადგენად.
„სქინ ფუდის“ სერიაში შეგიძლიათ თქვენთვის კომფორტული ტექსტურის კრემი შეარჩიოთ: სახისა და ტანის „სქინ ფუდი“ „კლასიკი“ და „სქინ ფუდი“ მსუბუქი, ტანის კარაქი, ტანის ლოსიონი და დამატენიანებელი მსუბუქი ზეთი.
კიდევ ერთი სიახლე! „სქინ ფუდის“ ულტრამსუბუქი მშრალი ზეთი.
ვერ ვიფიქრებდი, რომ შეიძლება ზეთი წაისვა და ასეთი სისწრაფით შეიწოვოს კანმა და, რაც მთავარია, ხანგრძლივად დარჩეს ტენიანი. ჟოჟობასა და მზესუმზირას ზეთს როზმარინის, გვირილისა და კალენდულას ექსტრაქტები ემატება. ექსტრაქტი და ზეთის ერთობლივი კომპოზიცია არ არის ტრადიციული, მას ორფაზიანს უწოდებენ. ამიტომ გამოყენების წინ ბოთლი აუცილებლად უნდა შეანჯღრიოთ. დარწმუნებული ვარ, ყველა, ვინც ამ ზეთს გასინჯავს, თავად გაგვიზიარებს „ველედას“ ახალი „მშრალი ზეთის“ ეფექეტს – შეანჯღრიე, წაისვი და შეგიძლია ჩაიცვა – მზად ხარ ბზინვარე და დატენიანებულ კანთან ერთად!
ბროწეული&მაკას პეპტიდები განახლებული სერია
„ველედას“ 100-წლოვანი გამოცდილება აქვს და დღესაც განუწყვეტლივ ტარდება კვლევები. 2023 წელს ბროწეულის ანტიოქსიდანტური სერია განახლდა. ვფიქრობ, ამ პროდუქტების ეფექტურობა ბუნებრივი კოსმეტიკის და თუნდაც „ველედას“ ნაკლებმოყვარულ მომხმარებელსაც დაარწმუნებს ბუნებრივი, ჯანმრთელი პროდუქტის უპირატესობაში.
როგორც იცით, ბროწეულის ზეთს ძლიერი ანტიოქსიდანტური თვისებები აქვს და ნაადრევი დაბერებისა და ლაქებისგან იცავს კანს. სწორედ ეს არის ერთ-ერთი მიზეზი, რისთვისაც ბროწეულს მარადიული სილამაზისა და ახალგაზრდობის სიმბოლოდ მიიჩნევენ. ბროწეულის განახლებულ სერიას პერუს ანდებში მოპოვებული მაკას ფესვიდან მიღებული პეპტიდები დაემატა. მაკას ფესვს – „სუპერსაკვებს“ეძახიან. „ველედა“ პირველია, ვინც მისი უნიკალური თვისებები კოსმეტიკაში გამოიყენა. კვლევის შედეგებით დასტურდება, რომ ბუნებრივი გზით მიღებული პეპტიდები 102 %-ით ზრდის უჯრედულ ენერგიას და განსხვავებულ სხივს მატებს კანს.
რისთვის სჭირდება პეპტიდები ჩვენს კანს?
პეპტიდები ანუ ამინომჟავების მოკლე ჯაჭვი, კანის უჯრედების სამშენებლო მასალაა და ფიზიოლოგიური პროცესების რეგულირებაში მონაწილეობს. პეპტიდების საშუალებით კანში ბუნებრივად ხდება კოლაგენის, ელასტინისა და ჰიალურონის მჟავას გამომუშავება. ეს ნივთიერებები კანის სიმკვრივეს ზრდის, არბილებს და სიღრმეს უკარგავს ნაოჭებს, ანტიოქსიდანტური სტრესისგან იცავს და გადაჭიმავს კანს.
ასაკთან ერთად კანში პეპტიდების რაოდენობა კლებულობს და ამიტომ კოლაგენი და ჰიალურონის მჟავა ხელოვნურად, ინიექციების საშუალებით შეჰყავთ. ბროწეულის ხაზის პროდუქტებში მაკას ფესვიდან მიღებული პეპტიდების დამატებით „ველედა“ სიბერესთან ბრძოლის ბუნებრივ მეთოდს გვთავაზობს.
საკონტაქტო ინფო:
შოურუმის ტელ: 0322382128
FB: weleda.ge
Instagram – weleda. georgia
ვებსაიტი – weleda.ge
