წამყვანი თურქული საბავშვო და მამაკაცთა ბრენდები − „პანჩო“ და „ლუფიანი“ უკვე საქართველოშია. ორივე ბრენდი პრემიუმხარისხის დახვეწილ და ტრენდულ არჩევანს გვთავაზობს, რითაც წლებია მომხმარებლის გულს იგებს. „პანჩოს“ და „ლუფიანის“ ქართულ ბაზარზე დამკვიდრების მნიშვნელობასა და გამოწვევებზე დაწვრილებით Millennials General Trading Group LLC Georgia-ს დირექტორი აიათ ხანი გვესაუბრა.
გვიამბეთ თქვენ შესახებ. როდის და როგორ გადაწყვიტეთ ქართულ ბაზარზე შემოსვლა?
ქართულ ბაზარს მტკიცე მისიით ვუერთდებით, რადგან გვსურს ახალგაზრდების გაძლიერებაში წვლილის შეტანა. გვინდა, ხელმისაწვდომი გავხადოთ ჩვენი გამოცდილება და შევქმნათ ახალი სამუშაო ადგილები, რაც ახლანდელ და მომავალ თაობებს ცხოვრებას უკეთესობისკენ შეუცვლის.
გაგვაცანით ბრენდები − „პანჩო“ და „ლუფიანი“. რამდენი ხანია, რაც ქართულ ბაზარზე საქმიანობთ?
ქართულ ბაზარზე 2022 წლიდან ვსაქმიანობთ, ამიტომ ჩვენთვის უდიდესი პატივია გაგეცნოთ, როგორც Millennials General Trading Group LLC. ჩვენთვის სამუშაო არ შემოისაზღვრება მხოლოდ ბიზნესით და კონკურენციით. ჩვენთვის ძალიან მნიშვნელოვანია მომხმარებლის სურვილების მოსმენა და მათი გულის ხარისხიანი პროდუქციით მოგება. ჩვენი ბრენდი ყოველთვის ცდილობს იყოს ლოიალური, სანდო და ჰქონდეს ბრწყინვალე სერვისი.
„პანჩოს“ კომერციული საქმიანობა 1978 წელს დაიწყო და უკვე 40 წელია, რაც თავისი მრავალფეროვანი და ტრენდული კოლექციებით ბავშვებისა და მშობლების გულის მოგებას ცდილობს. ის „ბავშვთა ლიდერ ბრენდად“ მიიჩნევა და „ხარისხიანი და ჯანსაღი წარმოების“ ხედვას არ ღალატობს. „პანჩო“ 0-14 წლის ბავშვებზეა გათვლილი, ამიტომ ჩვენთვის არსებითად მნიშვნელოვანია ეკოლოგიურად სუფთა პროდუქციის წარმოება. ხარისხიანი ქსოვილების გამოყენებით, კოლექციები ყველა სეზონისთვის იქმნება. დღეს თურქეთში 232, ხოლო ევროპასა და შუა აზიაში 67 ფილიალი ფუნქციონირებს. „პანჩოს“ პირველი ფილიალი უკვე საქართველოშიც გაიხსნა და მისი პოვნა „თბილისი მოლის“ მე-2 სართულზე შეგიძლიათ.
ხოლო რაც შეეხება „ლუფიანს“, იგი მამაკაცების თურქული ბრენდია, რომელიც 1995 წელს დაარსდა და ჯამში 205 ფილიალს მოიცავს. მრავალფეროვანი ასორტიმენტით „ლუფიანმა“ თანამედროვე და მოდური ბრენდის სახელის დამკვიდრება მცირე დროში მოახერხა. „ლუფიანი“ მაღალი ხარისხის, ტრენდულ ტანისამოსს აწარმოებს.
„ლუფიანით“ ბაზარზე ნამდვილად მყარად გვიჭირავს პოზიციები, რადგან ზომების მრავალფეროვნებაში თითქმის არ გვყავს კონკურენტები. ჩვენთან მომხმარებელი მოდურ და ტრენდულ სამოსთან ერთად 22-50+ ასაკის მამაკაცებისთვის XS-იდან 4XL-ის ჩათვლით ზომებს იხილავს. ჩვენ ვაკვირდებით ყველა ასაკობრივი ჯგუფის გემოვნებას და ეს ერთ ჭერქვეშ ხდება. ასეთ ასორტიმენტს რეგიონში თითქმის არცერთი კონკურენტი არ სთავაზობს მომხმარებელს. ამ ფაქტორმაც უპირატესობის შეგრძნება მოგვცა და მეტი გამბედაობით გადაგვაწყვეტინა ბრენდის შემოტანა საქართველოში.
როგორ არეგულირებთ და აკონტროლებთ ტანსაცმლის იმპორტს უმაღლესი ხარისხის შესანარჩუნებლად?
როგორც აღვნიშნეთ, არავითარ შემთხვევაში არ დავთმობთ ხარისხსა და მომხმარებლის ნდობას. წარმოების სტადიის შემდეგ, პროდუქციისა და ქსოვილის ხარისხი გადის მრავალრიცხოვან შემოწმებას − ლაბორატორიული მეთოდებით დაწყებული, ფიზიკური შემოწმებით დამთავრებული. ჩვენთვის ძალიან მნიშვნელოვანია მომხმარებლების მხრიდან ღია, გულწრფელი შეფასება, რადგან ეს გვმატებს უკეთესი სერვისის მიწოდების მოტივაციას.
დაბოლოს, მოგვიყევით სამომავლო გეგმების შესახებ. გეგმავთ თქვენი ბიზნესის გაფართოებას?
Millennials General Trading Group LLC Georgia ჩვენი ძირითადი ღირებულებებისა და მისიის შესასრულებლად ძალისხმევას გააგრძელებს. ჩვენ ყურადღებას დავუთმობთ ისევ და ისევ ახალგაზრდების გაძლიერებას, ტრენინგებს, ახალი სამუშაო შესაძლებლობების შექმნას, და ამავე დროს სხვადასხვა საერთაშორისო ბრენდთან მოლაპარაკებებსაც განვაგრძობთ. გარდა ამისა, საქართველოს სხვადასხვა რეგიონში „ლუფიანის“ და „პანჩოს“ უფრო მეტი ფილიალის გახსნით, გვსურს ბაზარზე ჩვენი წილის გაზრდა.
