ახალი ფილმი ,,The Narrow Bridge’’ amazon-ის კინო პლათფორმაზეა. ფილმის სცენარის ავტორი და პროდიუსერი პაპუნა მირზა დავითაიაა. ,,ვიწრო ხიდის’’ სიუჟეტი აღმოსავლეთ უკრაინაში მებრძოლი ქართული ქვედანაყოფის გარშემო ვითარდება. ფილმის სიუჟეტის მსგავსად, ბოლო რამდენიმე კვირაა აღმოსავლეთ უკრაინის საკითხი ძალიან აქტუალურია, ამერიკა და რუსეთს შორის ურთიერთობა კი ძალიან დაძაბული.
#OK-ისთან საუბრისას, დავითაიამ აღნიშნა, რომ ფილმში გამოყენებულია ვაჟა-ფშაველას ,,სტუმარ-მასპინძლის’’ მოტივები.
,, მთავარ გმირს სეპარატისტების ტერიტორიაზე ბევრი მტერი ჰყავს. სანადიროდ წასულს გზა აერვა და მტრის ტერიტორიაზე აღმოჩნდება, სადაც ადგილობრივ მონადირეს ხვდება, რომელიც ღამის გასათევად მას სახლში ეპატიჟბა…’’
აღსანიშნავია, რომ ფილმის რეიტინგი imdb-ზე 8.5-ია. ფილმში ერთ-ერთ მთავარ როლს უკრაინაში მოღვაწე ქართველი მსახიობი ზაზა ჭანტურია ასრულებს.
პაპუნა დავითაია ამერიკაში 2014 წლიდან მოღვაწეობს, ის ისეთი ფილმების პროდიუსერია, როგორიცაა : ,,აგვისტოს 5 დღე’’ და ,,ანტონი’’, რომლის რეჟისორი ზაზა ურუშაძეა.
