UNFPA GEORGIA-ს „მამის დღის“ ვიდეომ EU NEAR-ის კონკურსში გაიმარჯვა. ამის შესახებ ინფორმაციას თავად UNFPA ავრცელებს სოციალურ ქსელში:
„შესანიშნავი ახალი ამბავი გვაქვს: ჩვენმა “მამის დღის” ვიდეომ EU NEAR-ის კონკურსში გაიმარჯვა გენდერული თანასწორობის შესახებ მომზადებულ საუკეთესო ვიდეოებს შორის.
ვიდეო 2022 წელს შეიქმნა UNFPA-ს და არასამთავრობო ორგანიზაციის „ვიზრუნოთ ერთად“ თანამშრომლობით და ევროკავშირის მხარდაჭერით, პროგრამის „ევროკავშირი გენდერული თანასწორობისთვის: ერთად გენდერული სტერეოტიპებისა და გენდერული ძალადობის დასაძლევად“ ფარგლებში.
ორგანიზაცია მადლობას უხდის თითოეულ ადამიანსა და ორგანიზაციას ვინც ამ იდეის განხორციელებაში დაეხმარა:
„მადლობას ვუხდით ჩვენს ერთგულ პარტნიორს – “ვიზრუნოთ ერთად” არაჩვეულებრივი იდეებისთვის, ევროკავშირის დელეგაციას კი – უპირობო ნდობისა და მხარდაჭერისთვის.
განსაკუთრებული მადლობა ასევე გაგა კაპანაძეს და სრულ შემოქმედებით გუნდს.თავისი პროგრამებით UNFPA ხელს უწყობს თანასწორი მშობლობის წახალისებას, რათა დედებმა და მამებმა ერთნაირად იზრუნონ შვილებზე და თანაბრად გადაინაწილონ საოჯახო საქმეები, შეძლონ პიროვნული და პროფესიული განვითარება და იცხოვრონ ჰარმონიულ გარემოში.
კამპანიის #კაცებიზრუნავენ ფარგლებში, მამის დღეს საქართველოში 2016 წლიდან აღვნიშნავთ.“
