ამჯერად ვისაუბროთ ტროპიკულ მიმართულებებზე, რომლებიც უფრო მაღალბიუჯეტურია და ერგება მაღალი ხარისხის მოთხოვნის მქონე მოგზაურებს. გამორჩეულია მალდივები, რომელიც რომანტიკული ტიპის დამსვენებლებისთვის, საქორწინო მოგზაურობებისთვის და ზოგადად, წყვილებისთვის საუკეთესო არჩევანია. მით უფრო, თუ გსურთ სიმშვიდე, აუცილებლად უნდა იმოგზაუროთ მალდივების მიმართულებით. ულამაზესი თეთრი ქვიშა, ლაგუნას ტიპის წყალი და მაღალი კლასის სასტუმროები, საბოლოო ჯამში მომხმარებელს აძლევს კომფორტისა და განტვირთვის საუკეთესო საშუალებას. სასტუმროების თემატიკა სხვადასხვანაირია, შესაბამისად დამსვენებლებს დიდი არჩევანი აქვთ ამ კუთხითაც.
კიდევ ერთი გამორჩეული მიმართულება ტაილანდია, რომელიც მთელი პანდემიის განმავლობაში დაკეტილი იყო და ახლა უკვე მზად არის მიიღოს დამსვენებელი. მოცემულ მიმართულებებზე სეზონი დაახლოებით ოქტომბრის ბოლოდან და ნოემბრის პირველი რიცხვებიდან იწყება, ამ დროს ყველაზე ნაკლებადაა წვიმიანი ამინდი. ტაილანდი გვაძლევს იმის საშუალებას, რომ ეგზოტიკურად და ძალიან ხარისხიანად ვიმოგზაუროთ.
შესაძლებელია კომბინირებული ვარიანტიც განვიხილოთ ბანგკოკის მიმართულებით, სადაც ქალაქის ტიპის დასვენებას და ქალაქის დათვალიერებას შევძლებთ. ღამის ცხოვრებასაც რომ გაუგოთ გემო, ამასაც მოასწრებთ. მეორე მიმართულება ფუკეტია, რომელიც ძალიან ლამაზი სანაპიროებით გამოირჩევა. აქ მშვიდად დასვენებასთან ერთად, ღამის ცხოვრებით ტკბობასაც მოახერხებთ. ფუკეტიდან ასევე შესაძლებელია დაიგეგმოს ექსკურსიები სხვადასხვა კუნძულზე. ეს ყველაფერი კი, საბოლოო ჯამში გვაძლევს იმის შესაძლებლობას, რომ დრო გავატაროთ ძალიან მრავალფეროვნად, საინტერესოდ და ეგზოტიკურად.
აღსანიშნავია ინდოეთის მიმართულებაც, რომელიც ძალიან პოპულარული და ამავდროულად, შემეცნებითია. აქ კარგი საზღვაო დასვენებაა შესაძლებელი.
ტოპ-მიმართულებებში ასევე შედის ოქროს სამკუთხედი – დელი, აგრა, ჯაიპური. ისტორიულად ვეცნობით თითოეულ მათგანს, მოვინახულებთ ტაჯ-მაჰალს და უამრავ საინტერესო, უძველეს ძეგლს. ასევე ძალიან პოპულარულია გოა, სადაც უზომოდ აქტუალურია ღამის ცხოვრება, ელექტრონული მუსიკა და გართობა, თუმცა ყველაფერი რასაკვირველია ზომიერად და დაბალანსებულად. ნებისმიერ მოგზაურს შეუძლია მიიღოს მისთვის შესაბამისი კომფორტი და სიამოვნება მოცემულ ადგილზე.
