#OK! TOMUS DEVELOPMENT ერთ სივრცეში გაერთიანებული სამშენებლო და სარემონტო მომსახურება

Tomus Development გთავაზობთ წინასწარ დათქმულ ვადებში თანამედროვე სტანდარტს მორგებული სააგარაკო და საცხოვრებელი სახლების აშენებას უმაღლესი ხარისხის მასალით. ეს არის კომპანია, რომელიც ერთ სივრცეში სრულად აერთიანებს სამშენებლო და სარემონტო მომსახურებას. შესაბამისად, იგი ვერც ერთ კლიენტს გულგრილს ვერ ტოვებს. დეტალური ინფორმაციისთვის OK! გაესაუბრა Tomus Development-ის მარკეტინგის მენეჯერ ანი ჯალალიშვილს.

რა სახის მომსახურებას სთავაზობს Tomus Development-ი კლიენტებს?

ჩვენ კლიენტებს სამშენებლო და სარემონტო სფეროში სრულ მომსახურებას ვთავაზობთ. დაწყებული საჯარო რეესტრში იურიდიული დოკუმენტაციის მოწესრიგებით, დამთავრებული არქიტექტურული მომსახურებით, დიზაინით, სამშენებლო სფეროთი და ინტერიერის რემონტით.

გაგვაცანით მიმდინარე პროექტები.

ამჟამად ვმუშაობთ რამდენიმე სააგარაკო და საცხოვრებელი ტიპის სახლებზე თბილისის, მცხეთისა და საგურამოს მიმდებარე ტერიტორიებზე. აღსანიშნავია, რომ ჩვენ მხოლოდ და მხოლოდ 1-2-სართულიან ინდივიდუალურ საცხოვრებელ შენობებს ვაშენებთ.

რა სახისა და ხარისხის მასალას იყენებთ მშენებლობისას და როგორია მუშაობის პროცესი?

ჩვენი და დამკვეთის თანამშრომლობა სრულიად გამჭვირვალეა. ამდენად, ყოველთვის ყველაფერი ზუსტად გაწერილი გეგმის იდენტურია − ვადები, ხელშეკრულებაში მითითებული მასალები და ა.შ. რაც შეეხება მასალებს, ყოველთვის ვცდილობთ გამოვიყენოთ ქართული წარმოების მაღალი ხარისხის საშენი მასალა: ცემენტი, ბლოკი და ა.შ. თუმცა რიგ შემთხვევებში იმპორტირებულ პროდუქციასაც მოვიხმართ. ძირითადად, ეს ვრცელდება რკინის მასალაზე, არმატურასა და ინტერიერში სამუშაო პროდუქციაზე.

მთავარი ნიშა, რითაც Tomus Development-ი ყველაზე მეტად იპყრობს საზოგადოების ყურადღებას…

უპირველეს ყოვლისა, ჩვენი კომპანია ორიენტირებულია ხარისხზე. მე საკუთარ თავზე სრულ პასუხისმგებლობას ვიღებ თითოეული ობიექტის ყოველდღიურად ჩემ მიერ შემოწმების თვალსაზრისით. აგრეთვე, მაქსიმალურად ვცდილობთ, კლიენტს დასრულებული ობიექტი შეთანხმებულ ვადებში ჩავაბაროთ. დაბოლოს, მნიშვნელოვანია ის ფაქტიც, რომ ჩვენთან მოსულ დამკვეთს არანაირი დამატებითი რესურსის მოძიება არ უწევს, რადგან ჩვენთან, ერთ სივრცეში გაერთიანებულია არაერთი მომსახურების სერვისი.

გაგვაცანით ფასდაკლებები, რომლებსაც პერიოდულად სთავაზობთ თქვენს კლიენტებს.

როდესაც ერთსა და იმავე ლოკაციაზე ობიექტების რაოდენობა იზრდება, ყოველი დამატებული სამშენებლო მასალის ტრანსპორტირების ხარჯს ვამცირებთ ან ვაუქმებთ.

სამომავლო გეგმები.

გვინდა განვვითარდეთ და მოვიცვათ მთელი საქართველო. აუცილებელი პირობაა, რომ არ შევიცვლით პროფილს და დამკვეთებს კვლავაც მხოლოდ საცხოვრებელ და სააგარაკო ტიპის შენობებს შევთავაზებთ. გვაქვს ჯანსაღი ამბიცია იმისა, რომ ამ სფეროში ვიყოთ მოწინავეები.