ფრანგულმა ტელეარხმა TF1 2025 წლის ოქტომბერში მომხდარი ლუვრის ძარცვის ექსკლუზიური ვიდეო-კადრები გამოაქვეყნა.
კადრებში მოჩანს როგორ ჭრის ორი მძარცველი კუთხსახეხით (ე.წ. ბალგარკა) დამცავ მინას, შემდეგ როგორ ამსხვრევს იდაყვით და სამკაულებს იპარავს.
ლუვრში ძარცვა 19 ოქტომბერს მოხდა. ქურდები მუზეუმში დილით შევიდნენ, ყვითელი სამუშაო ჟილეტები ჩაიცვეს, აპოლოს გალერეის ვიტრინამდე სამშენებლო კიბით ავიდნენ და სულ რამდენიმე წუთში ნაპოლეონის სამკაულების კოლექციიდან ცხრა ნივთი მოიპარეს. მოპარული ნივთების საერთო ღირებულება დაახლოებით 76 მილიონ ევროდ არის შეფასებული.
ლუვრის ძარცვაში ეჭვმიტანილმა ერთ-ერთმა პირმა განაცხადა, რომ დანაშაულის ჩადენა მას სლავური აქცენტით მოლაპარაკე ორმა მამაკაცმა შესთავაზა. პოლიცია დამნაშავის ჩვენებებს სიფრთხილით ეკიდება, მაგრამ აღიარებს, რომ შესაძლოა, დანაშაული საზღვარგარეთ დაიგეგმა.
ვიდეო ნახეთ აქ
ასევე დაგაინტერესებთ
#OK! როგორ გაქრა „მონა ლიზა“ ლუვრიდან? – “საუკუნის ქურდობის” ისტორია
