2023 წელი რომელიმე პერსონასთან რომ ასოცირდებოდეს და გასული წელიწადი მთლიანად მას “ეკუთვნოდეს”, ეს ადამიანი აუცილებლად ტეილორ სვიფტი იქნებოდა. 34 წლის პოპვარსკვლავი გახდა პირველი მომღერალი, რომელიც Time-მა წლის პერსონად დაასახელა, ეს ნიშნავს იმას, რომ ტეილორ სვიფტი 2023 წლის ყველაზე განხილვადი, გავლენიანი და პოპულარული ადამიანია. მან მიმდინარე წლის განმავლობაში გამოუშვა ორი ახალი ალბომი: (ტეილორის ვერსიები/ Taylor’s Version Rerecords) Speak Now და 1979, რომელიც Billboard-ის 200-ეულში მოწინავე პოზიციებზე მოხვდა. მან ასევე ჩაწერა ორი ნომერ პირველი ჰიდი, რომელიც მრავალი კვირის განმავლობაში Billboard-ის 100-ეულს ამშვენებდა.
ტეილორმა ჩაატარა ისტორუაში ერთ-ერთი ყველაზე გახმაურებული ტურნე Eras Tour, რომლის შემოსავალმაც 1 მილიარდ დოლარს გადააჭარბა. მან ასევე გამოუშვა ფილმი The Eras Tour Movie, რომელიც ტოპ საკონცერტო ფილმი გახდა მუსიკის ისტორიაში. Washington Post-ის მიხედვით ტეილორ სვიფტის ტურნემ და შემოსავლებმა ამერიკის შეერთებული შტატების ეკონომიკაზე მნიშვნელოვანი ზეგავლენა მოახდინა. წინასწარი მონაცემებით, ტურნეს დასასრულა (2024 წლის დეკემბერში) ტეილორის დახმარებით ამერიკის ეკონომიკა 5.7 მილიარდი დოლარით გაძლიერდება, რაც ძირითადად ტურისტული ფაქტორის გამო იქნება.
ერთ-ერთი მუზეზი, რატომაც ტეილორ სვიფტი არამარტო წლის პერსონა, არამედ პირველი მილიარდერი ქალი მომღერალია, რომელმაც მილიარდერის სტატუსი მოიპოვა, არის ის, რომ მისი შემოსავლები ასოცირდება მხოლოდ მის მუსიკალურ კარიერასთან. ტეილორი წლების განმავლობაში უარს აცხადებდა ბრენდებთან კოლაბორაციაზე, რაც ნიშნაგს იმას, რომ არ აინტერესენდა სხვებთან თანამშრომლობით პოპულარობის მოპოვება, თანხის გამომუშავება ან თუნდაც საკუთარი კომპანიის დაარსება, რასაც დღეს ბევრი მომღერალი და მსახიობი აკეთებს. მისი დევიზი იყო ხალხს ტეილორ სვიფტის სახელის და გვარის გაგონებისთანავე ასოციაცია მის მუსიკალურ კარიერაზე გასჩენოდათ და არა რომელიმე ტანსაცმლის, აქსესუარების ან თავის მოვლის ბრენდზე.
