საქართველოში კოვიდინფიცირების შემთხვევების დრამატულ ზრდასთან ერთად, ქართული სამედიცინო დაწესებულებები კვლავ მთელი მონდომებით ებრძვიან უხილავ მტერს, რომელიც ახალი შტამების სახით გაცილებით უფრო რთული დასამარცხებელია, ვიდრე ის, რომელსაც ორი წელია სხვადასხვა რეგულაციით ვიგერიებდით. შესაბამისად, ხშირია რეინფიცირების შემთხვევებიც და სწორედ ამასთან გვაქვს საქმე საავიაციო ასოციაციის “ავიაკომუნიკატორის” პრეზიდენტის – თამუნა თანდაშვილის შემთხვევაშიც, რომელიც სოციალურ ქსელებში სულისშემძვრელ პოსტს აქვეყნებს.
“20 დღეა კორონას ვებრძვი მეორე შტამს, უფრო ვერაგსა და საშიშს, ვიდრე პირველი იყო. ისევ რეანიმაციაში ვარ, დაფრიალებენ შავი პარკები, რეანიმაციებში კივიან აპარატები, ყველას სუნთქვა უნდა, მაგრამ ულიმიტო არ არის ადგილები ((( სიცოცხლეც რა ცოტა ყოფილა
37 წლის მე, 65 წლის ვულკანი ქალი ინეზა და სასულიერო პირი- მამაო. ერთად ვცდილობთ გადარჩენას. ვინ რა იცის ვინ ვიზე კეთილი, ლაღი, მკაცრი თუ თავისებური ადამიანები ვართ, რა გაგვიკეთებია ან რა უნდა გავაკეთოთ, სამივეს გვინდა სიცოცოცხლე ძალიან და რას არ მივცემდით ახლა აცრილები რომ ვიყოთ! სამივე ვიბრძვით დაუნდობლად, ექიმების ხელში ვართ, გულიკო ქილიფთარი მთელი თავისი გუნდით სიკვდილის დარაჯია, კლანჭებით უჭირავს ჩვენნაერი მშიშრები. აცრილები რო ვიყოთ, ესე მძიმედ არ ვიქნებოდით. ინეზა მღერის, შვილიშვილი ელოდება, არ დათმობს არაფერს. ესეთი სევდიანი და ოპტიმისტური მელოდია აჩუმებს აგუგუნებულ აპარატებს (((( 💫
არ მოგიწოდებთ, გთხოვთ რომ აიცრათ და აქ არ მოხვდეთ” -წერს ის.
გარდა ამისა, თამუნა მადლიერებას გამოხატავს ქართული სამედიცინო პერსონალის მიმართ და საზოგადოებას აცრისკენ მოუწოდებს, რომლის გაკეთებაც კოვიდიდან კოვიდამდე მან ვერ მოასწრო და სურს საზოგადოება მაინც დაიცვას მდგომარეობის გართულებისგან.
მიუხედავად ამისა, ჩვეულ იუმორსა თუ პოზიტივს არ ივიწყებს და გამომწერებს სახალისო პოსტებსაც უზიარებს:
