ფოტომოდელ თამო ვაშალომიძის თავის მოვლის საშუალებების ბრენდი TAMOSKIN-ი ორი წელია ბაზარზე წარმატებით ოპერირებს. როგორც თამომ ჟურნალ OK!‑ისთან საუბრისას აღნიშნა, ეს არის ბრენდი, რომელიც ყველა ქალს დაეხმარება საკუთარი თავის ყველაზე კარგი ვერსიის შექმნაში.
თამო, რატომ გადაწყვიტეთ TAMOSKIN‑ის შექმნა? და რა სახის პროდუქტებს სთავაზობს TAMOSKIN-ი საზოგადოებას?
დამეთანხმებით, ალბათ, რომ ძალიან მნიშვნელოვანია, როგორ გამოვიყურებით. მინდოდა შემექმნა ისეთი რამ, რაც ადამიანებს საკუთარი თავის უკეთესი ვერსიის შექმნაში დაეხმარებოდა.
TAMOSKIN-ის პროდუქცია მომხმარებელს ეხმარება ისეთი პრობლემების გადაჭრაში, როგორიცაა სტრიები, ცელულიტი, აკნე, პიგმენტური ლაქები და ჭარბი წონა. ეს უკანასკნელი და ცელულიტი ყველაზე აქტუალური პრობლემაა დღეს ქალებისთვის, სწორედ ამიტომ ბესტსელერად შემიძლია ანტიცელულიტური ცხიმის მწველი და სახის გასახდომი კრემები დავასახელო.
რა გამოარჩევს TAMOSKIN-ს სხვებისგან ბაზარზე?
თამამად შემიძლია ვთქვა, რომ TAMOSKIN-ი პირველი ქართული კომპანიაა, რომელიც მომხმარებელს ისეთ საშუალებებს სთავაზობს, რომელსაც ანალოგი თითქმის არ გააჩნია, რაც, დამეთანხმებით, ძალიან დიდი უპირატესობაა.
ასევე, აღსანიშნავია, რომ მომხმარებლებს ვთავაზობთ მაღალ ხარისხს. ეს ის შემთხვევაა, როცა ხარისხი ფასზე მაღალია. TAMOSKIN-ის პროდუქცია ყველასათვის ხელმისაწვდომია.
მიხარია, რომ TAMOSKIN-მა შეძლო მომხმარებლის ნდობის მოპოვება. უშუალოდ მე მაქვს თითოეულ ჩემს მომხმარებელთან კომუნიკაცია, მათი აზრი ჩემთვის ძალიან მნიშვნელოვანია.
როგორ დაახასიათებდით თქვენს მომხმარებელს?
TAMOSKIN-ის მომხმარებელი არის მიზანდასახული ადამიანი, რომელმაც ზუსტად იცის, რა უნდა და როგორ მიაღწიოს ამას. მან ასევე იცის, რომ სილამაზე მსხვერპლს სულაც არ მოითხოვს.
სად არის შესაძლებელი TAMOSKIN-ის პროდუქციის შეძენა?
ამ ეტაპზე მხოლოდ ონლაინ-პლატფორმებზეა წარმოდგენილი და გაყიდვის საკმაოდ მაღალი მაჩვენებლით გამოირჩევა. მომხმარებელს საშუალება აქვს შინიდან გაუსვლელად, მინიმალური ძალისხმევით მიიღოს სასურველი პროდუქტი სასურველ მისამართზე.
აღსანიშნავია, რომ მიწოდებას ვახორციელებთ არა მხოლოდ საქართველოს მასშტაბით, არამედ ევროპის ქვეყნებსა და აშშ-ში.
გეგმავთ თუ არა საახალწლოდ ფასდაკლებას?
TAMOSKIN-ი ხშირად ანებივრებს მომხმარებლებს ფასდაკლებებით, განსაკუთრებით სადღესასწაულო დღეებში. არც წლევანდელი ახალი წელი იქნება გამონაკლისი და ლოიალურ თუ პოტენციურ მომხმარებლებს საშუალება ექნებათ შეიძინონ მათთვის საჭირო და სასურველი პროდუქცია კიდევ უფრო ხელმისაწვდომ ფასად.
როგორია თქვენი თავის მოვლის რუტინა?
ჩემი თავის მოვლის ყოველდღიური რუტინა ძალიან მარტივია: დილას ყინულის კუბებით ვიწყებ, რომელიც ძალიან კარგად ამშვიდებს სახეს, შემდეგ ჩემს სახის გასახდომ კრემს ვისვამ, რომელიც არა მხოლოდ ახდუნებს სახეს, არამედ შეშუპებასაც ხსნის.
შემდეგი ნაბიჯია მკვებავისა და მზისგან დამცავის გამოყენება. ასევე, ტანზე აქტიურად ვიყენებ ანტიცელულიტურ ცხიმის მწველ კრემს.
რას ურჩევდით ქალებს?
გირჩევთ, არასდროს თქვათ უარი საკუთარ მიზნებზე, არ შეუშინდეთ დაბრკოლებებს და ყოველთვის გჯეროდეთ საკუთარი თავის. მნიშვნელოვანია გვახსოვდეს, რომ წარმატებული ბიზნესი თავდაუზოგავი შრომის შედეგია.
როგორია თქვენი სამომავლო გეგმები?
ვინაიდან ჩვენ მუდმივად ორიენტირებული ვართ სიახლეზე და არ გვეშინია გამოწვევების, მომხმარებელს ბევრ ძალიან საინტერესო და საჭირო პროდუქტს ვპირდებით. ასევე მნიშვნელოვანია, რომ 2023 წლიდან TAMOSKIN-ი სავაჭრო ცენტრებში იქნება წარმოდგენილი, რაც დამატებითი კომფორტი გახდება მომხმარებლისთვის. მათ საშუალება ექნებათ ადგილზევე მიიღონ კონსულტაცია, გამოცადონ და შეაფასონ პროდუქცია.
საახალწლო სურვილები…
მინდა, ყველა ჩემი ახლობელი ადამიანი იყოს ბედნიერი და ჯანმრთელი.
ტექსტი: სოფიო მალანია
