#OK! სხვა უბანი - ადგილი, სადაც ყველაფერია

ეკოლოგიური გარემო, სწორი დაგეგმარება, მშენებლობის ხარისხი, ყველა საჭირო ინფრასტრუქტურასთან სიახლოვე – ეს ის პრიორიტეტებია, რის მიხედვითაც დღეს ადამიანები არჩევანს აკეთებენ საცხოვრებელი სივრცის შერჩევისას. „ალფა სახლის“ ახალი, უპრეცედენტო მასშტაბის პროექტი „სხვა უბანი“ სწორედ ამ მოთხოვნებზეა მორგებული და გარდა ამისა, კიდევ ბევრ უპირატესობას სთავაზობს მომავალ მობინადრეებს. მეტი დეტალის გასაგებად კომპანიის ბიზნესგანვითარების მენეჯერს, ირა მელიმონაძეს, მივმართეთ.

ირა, პირველ რიგში, გვიამბეთ „ალფა სახლის“ შესახებ…

„ალფა სახლი“ ბაზარზე 2004 წლიდან პოზიციონირებს და არაერთი მნიშვნელოვანი სამშენებლო პროექტის ავტორია. ამ ხნის განმავლობაში განხორციელებული პროექტებით, ბაზარზე ღირსეული ადგილი დაიმკვიდრა და გაყიდვების მიმართულებით ბაზრის 10-12% უჭირავს, რაც მოგეხსენებათ, არსებული მაღალი კონკურენციის პირობებში საკმაოდ დიდი გამოწვევაა.

რა გამოარჩევს მას კონკურენტებისგან?

„ალფა სახლისთვის“ თითოეული მომხმარებელი განსაკუთრებული და უნიკალურია. რაც უფრო გავიზარდეთ, მით უფრო ძვირფასია ჩვენი მობინადრეები, ამიტომ მათზე ზრუნვა და მათი ინდივიდუალური მოთხოვნების დაკმაყოფილება „ალფა სახლისთვის“ უმნიშვნელოვანესი მისიაა.

დიდ დიღომში მიმდინარე ახალ პროექტზე რას გვეტყვით? რა მიგაჩნიათ მის მთავარ უპირატესობად?

პირველ რიგში, აღვნიშნავ, რომ „სხვა უბანი“ თავისი მასშტაბურობით დედაქალაქის მთავარ რეკრეაციულ სივრცეებს ტოლს არ უდებს, როგორებიცაა:

დიღმის ტყე-პარკი (20.5 ჰა);

„ექსპო ჯორჯიას“ ტერიტორია (15,3 ჰა);

კუს ტბის ტერიტორია (20 ჰა);

კიკვიძის პარკი (8 ჰა) და ა.შ.

შესაბამისად, თავისი მასშტაბით ის უნიკალურია ამიერკავკასიაში.

მთავარი უპირატესობა აქამდე არარსებულად დიდი და მრავალფეროვანი რეკრეაციული სივრცეა, რომელიც 6 ჰა-ს მოიცავს. ხუმრობით რომ ვთქვა, 8 ათასამდე მობინადრიდან, თითოეულს თავისი წილი 8 კვ.მ. გამწვანება „ერგება“.

საიდან გაჩნდა ამ პროექტის იდეა და რატომ შეარჩიეთ დიდი დიღომი?

ჩვენ მომხმარებელი უკვე კარგად გვიცნობს და იცის, რომ „ალფა სახლი“ დიდ ყურადღებას აქცევს ინფრასტრუქტურას, ცდილობს, საცხოვრებელი გარემო იყოს ყველა იმ საჭიროებით აღჭურვილი, რაც ადამიანს მშვიდი, უსაფრთხო, კომფორტული და ბედნიერი ცხოვრებისთვის შეიძლება დასჭირდეს.

ჩვენი მიზანია არამხოლოდ სახლების აშენება, არამედ ეკოლოგიურად სუფთა, ჯანსაღი გარემოს შექმნა, სადაც მეტი სიმწვანე და ბუნებასთან ახლოს ყოფნის საშუალება იქნება, რაც თბილისს ასე სჭირდება. დიდი დიღომი კი დღითიდღე სულ უფრო მოთხოვნადი საცხოვრებელი და საინვესტიციო მდებარეობა ხდება.

რატომ „სხვა უბანი”?

სახელწოდება ჩანაფიქრს ამართლებს, რადგან პროექტი 16 ჰექტარის ათვისებას და მასზე უბნის გაშენებას გულისხმობს. ფაქტობრივად, ეს იქნება „უბანი უბანში”, სადაც მცხოვრებლები მიიღებენ ახალი სტილის ცხოვრებას კეთილმოწყობის მრავალფეროვანი ელემენტებით, რაც მოიცავს 14-22-სართულიან საცხოვრებელ კორპუსს, სკოლას, საბავშვო ბაღს, საოფისე და კომერციულ ფართებს, სპორტულ მოედნებს, რეკრეაციულ ზონას, რომელიც 6 ჰექტარს დაიკავებს და სხვ.

მიმდინარეობს წინასწარი გაყიდვები!