სივრცეს, სახელად Studio 995, განსხვავებული ისტორიის, ვიზუალის, ემოციის, ეპოქისა და საუკუნის ნივთები ავსებენ. ამ ჯადოსნურ გარემოში პირველსავე შემოსვლისას სხვა სამყაროში ხვდები და ნივთებთან ერთად დროში მოგზაურობას იწყებ. ჟურნალი OK! Studio 995-ის დამფუძნებელ დავით ჭოჭუას ესაუბრა, რომელმაც იდეის, პროდუქციის, კოლექციის შერჩევის პროცესისა და სამომავლო გეგმების შესახებ ვრცლად ისაუბრა და ადგილის ირგვლივ საინტერესო დეტალები გაგვაცნო.
გაგვაცანით შოურუმი Studio 995. რამდენი ხანია, რაც ქართულ ბაზარზე გამოჩნდით და როგორ დაიბადა მისი შექმნის იდეა?
Studio 995 შოურუმის სახით 5 წლის წინ გაიხსნა, თუმცა ვინტაჟური ნივთებით ჩემი გატაცება გაცილებით ადრე დაიწყო. თინეიჯერობიდან მოყოლებული, ძველებური ნივთები განსაკუთრებით მიზიდავდა. ის, რომ მათ უკან სხვადასხვა ისტორიაა და ყოველ ნივთს განსაკუთრებული ხასიათი აქვს, მუდამ დიდ ინტერესს იწვევდა ჩემში. ცხოვრების გარკვეული პერიოდი ჰოლანდიაში გავატარე და იქ ჩემი ჰობი ფაქტობრივად უკვე პროფესიად იქცა. გამორჩეული და იშვიათი ნივთების პოვნა და ამ ძველი ნივთებიდან განსაკუთრებულის შერჩევა მახვილ თვალსა და ალღოს მოითხოვს. როგორც ჩანს, მე ეს არც ისე ცუდად გამომდის. დღეს ჩვენს სტუდიას უამრავი კმაყოფილი და ერთგული კლიენტი ჰყავს. ძალიან მახარებს, როდესაც ჩვენი დამკვეთისთვის ევროპის სხვადასხვა ქალაქიდან ზუსტად ისეთი ნივთი ჩამოგვაქვს, როგორიც მას სურდა, ან უკეთესიც.
იდეა, ჰობი ბიზნესად გარდამექმნა, ბუნებრივად გამიჩნდა, რადგან პირადი კოლექციისთვის ნაყიდი ნივთები აღარსად მეტეოდა. ზოგადად, ძალიან აზარტული საქმიანობაა, რადგან ევროპაში უამრავი ვინტაჟური ბაზრობა და ბევრი კოლექციონერია. შესაბამისად, გამორჩეული ნივთების პოვნა და ამორჩევა ყოველთვის დასწრებაზეა.
შოურუმი ბაზარზე საკმაოდ განსხვავებული ნიშნით ოპერირებს. გვიამბეთ, რა არის Studio995-ის მთავარი ნიშა და უპირატესობა?
როდესაც ვინტაჟზე ვსაუბრობთ, უნდა გვესმოდეს, რომ ვინტაჟი არ ნიშნავს უბრალოდ ძველს. აუცილებელია, ვინტაჟური ნივთი ლიმიტირებული რაოდენობის იყოს. როგორც წესი, ჩვენ მიერ შერჩეულ ავეჯს კონკრეტული ავტორი და დიზაინერი ჰყავს, გამორჩეული ხელწერით. ვინტაჟური ნივთების შერჩევა პროცესის გააზრებულ ცოდნას მოითხოვს. ინტერიერის დიზაინით და ავეჯის ისტორიით 17 წლიდან ვარ გატაცებული, ამიტომ ჩვენ უბრალოდ ძველმანებით გავსებული კონტეინერები არ ჩამოგვაქვს. ყოველ კოლექციას დიდი ყურადღებითა და დაკვირვებით ვარჩევთ. ცოდნასა და გამოცდილებაზე დამყარებული შერჩევის შედეგია ის უნიკალური, უცხო და გამორჩეული ნივთები, რომლებიც ჩვენს შოურუმში ხშირად დაგხვდებათ. შესაძლოა ეს იყოს „ბაუჰაუზის“ სტილის სავარძლები ან XX საუკუნის 50-60-იანი წლების მოდერნის სხვადასხვა საავტორო ნივთი.
რა სახის პროდუქციას სთავაზობთ მომხმარებლებს?
ჩვენთან დაგხვდებათ სახლისა თუ სხვა ნებისმიერი სივრცის მოსაწყობად საჭირო ნივთები. წვრილმანებით დაწყებული, სავარძლებითა და კარადებით დამთავრებული. ახალ კოლექციაში ფაეტონსაც კი შეხვდებით. ფაეტონების დიდი, უნიკალური კოლექცია წელს შევიძინე და ნელ-ნელა ვაჩენ. სტუდიაში ნივთებს თანდათანობით ვამატებ, როგორც მუზეუმის ექსპონატებს. მომხმარებლებს studio 995-ის ნივთების შეძენა ონლაინ, ჩვენი ვებგვერდის www.studio995.ge საშუალებითაც შეუძლიათ. რაც შეეხება მიწოდების სერვისს და არეალს, სასურველი ნივთის შეძენასა და მიწოდებას საქართველოს ფარგლებს გარეთაც უზრუნველყოფთ. ბევრი ადამიანი ჩვენს შოურუმს უბრალოდ დასათვალიერებლად ან ფოტოების გადასაღებად სტუმრობს, მე კი ჩემი აღმოჩენებით მათი გაოცება ძალიან მიყვარს და დიდ სიამოვნებას მანიჭებს.
ვინ არიან თქვენი ძირითადი მომხმარებლები?
ვთანამშრომლობთ ინტერიერის დიზაინერებთან, არქიტექტორებთან, კაფე-ბარებისა და რესტორნების დამფუძნებლებთან. ზოგი კომერციული ფართისთვის ყიდულობს ავეჯს, ზოგი − სახლისთვის. ასევე გვსტუმრობენ კოლექციონერებიც, ხშირად მოდიან ფოტოგრაფები და რეჟისორები. თუ პროექტი ჩვენთვის საინტერესოა, მზად ვართ სივრცე გადაღებებისთვისაც დავუთმოთ.
ძირითადად რომელი ქვეყნის პროდუქციაა წარმოდგენილი თქვენს შოურუმში?
ავეჯი ძირითადად დასავლეთ ევროპიდან ჩამომაქვს. ჩავდივარ ჰოლანდიაში, ბელგიაში, საფრანგეთში და იქ პირადად ვეძებ საინტერესო ნივთებს. ვცდილობ, კოლექცია წელიწადში რამდენიმეჯერ განვაახლო.
სად მდებარეობს Studio995?
ჩვენი სივრცე ვერ წარმომედგინა ვერცერთ თანამედროვე მოლში ან მოლის ტიპის მსგავს ობიექტში. შოურუმის სივრცე, ჩვენი პროფილის შესაბამისად, შევარჩიე ყოფილ ელექტროავტომატების ქარხანაში. აქ ჩვენს განკარგულებაში უზარმაზარი ტერიტორიაა, რომელსაც რამდენადაც შესაძლებელი იყო ხელი შევავლეთ, თანამშრომლებისა და მომხმარებლების კომფორტისათვის. ჩვენი მისამართია ვახტანგ გორგასლის 115. ადრე უჭირდათ ამ ადგილის პოვნა, მაგრამ დღეს უკვე ძალიან ბევრმა იცის ჩვენი შოურუმის მდებარეობა და მარტივად გვპოულობს.
როგორია თქვენი სამომავლო გეგმები?
ახლახან ჩამოვაყალიბეთ არქიტექტურისა და ინტერიერის დიზაინის სტუდია − Factory 995, რომელიც შოურუმის ტერიტორიაზე მდებარეობს. დიდი სურვილი გვაქვს, ახალგაზრდა არქიტექტორების გუნდთან ერთად თავიდან ბოლომდე ვიმუშაოთ კერძო სახლების, ბინების პროექტებზე, და აშენების შემდეგ, ინტერიერის მოწყობაზეც ვიზრუნოთ. ამ მიმართულებით ახლა ბევრს ვმუშაობთ და იმედია ჩვენი მომხმარებლები ზუსტად ისევე მოგვენდობიან ამ საკითხში, როგორც ავეჯის შერჩევაში გვენდობიან უკვე ბევრი წელია.
Facebook: Studio995
www. Studio995.ge
Adress: Vakhtang Gorgasali street #115
Telephone: 599 61 21 66
