როგორია თქვენი თვალით დანახული სილამაზე?
ღრმა მზერა, ინდივიდუალური ხასიათი, არაიდეალურობა, არასწორობა სახის ნაკვთებში, სიმარტივე, ზომიერად მოვლილობა.
რატომ პორტრეტები?
მომწონს გარკვეული ემოციების ამოცნობა, რომლებსაც ცხოვრებაში თითქოს ვერ ხედავს ადამიანი. აზარტულია ამ მომენტის დაჭერა და გამოხატვა კადრში.
გაქვთ კონკრეტული კრიტერიუმები, რომლის მიხედვითაც იღებთ პორტრეტებს?
არ არის არავითარი კრიტერიუმები. მთავარია ბუნებრიობა, სიმსუბუქე, გულწრფელობა.
ვინ არიან ადამიანები, რომლებსაც იღებთ? რატომ მოხვდნენ თქვენს ობიექტივში?
მე ვუღებ ყველას: ნაცნობებს, უცნობებს, გამვლელებს, მეგობრებს და ასე შემდეგ… მთავარი კრიტერიუმი, გამიჩნდეს ადამიანის გადაღების სურვილი, არის მზერა, იმიტომ, რომ ვიღებ თვალებს.
რა არის საჭირო წარმატებული კადრისთვის?
წარმატებული კადრისთვის საჭიროა კარგი დღის შუქი, შემდეგ უკვე განწყობა.
რამდენად რთულია ადამიანის განწყობის კადრში გადმოტანა?
ზოგჯერ ძნელია, ზოგჯერ ადვილი. მთავარია, პერსონაჟი განვაწყო გადაღებისთვის.
