სვანეთი საქართველოს ერთ–ერთი უძველესი, გამორჩეული და საინტერესო კუთხეა თავისი ტრადიციებით და ისტორიით, რომელიც აუცილებლად უნდა მოინახულოს როგორც ნებისმიერმა ქართველმა, ასევე ჩამოსულმა ტურისტმა.
სვანეთში დღემდეა შემორჩენილი საუკუნოვანი სახალხო დღესასწაულები, რომელთა მონაწილეც აუცილებლად უნდა გახდეთ.
გარდა ამისა ცნობილია, რომ საქართველოს თითოეული კუთხე ცნობილია თავისი სტუმარ–მასპინძლობით და ერთ–ერთ საპატიო ადგილს რა საკვირველია სვანეთი იკავებს. ამიტომ თუ გსურთ, რომ უკეთ გაიცნოთ და ამავდროულად კომფორტულად დაისვენოთ, აუცილებლად უნდა ეწვიოთ სასტუმრო „გისტოლას“, სადაც უკვე დაიწყეს ზამთრის სეზონისთვის მზადება და არსებულ სიახლეებსა და სამზადისზე მარკეტინგის ხელმძღვანელი ანა ჭინჭარაული მოგვიყვება.
ანა, უპირველესად გაგვაცანით სასტუმრო. რამდენი ხანია რაც ქართულ ბაზარზე გამოჩნდა და რატომ მაინც და მაინც სვანეთი?
პრემიუმ კლასის სასტუმრო “გისტოლა” მესტიის ტურისტულ რუკაზე 2021 წელს გაჩნდა და უკვე მეორე წელია, რაც ჩვენს სტუმრებს მყუდრო და კომფორტულ გარემოს ვთავაზობთ საქართველოს ერთ–ერთ ყველაზე გამორჩეულ და ტრადიციულ კუთხეში.
რაც შეეხება სახელწოდებას – „გისტოლა“ მწვერვალის სახელია ზემო სვანეთის მხარეში, მესტიის მუნიციპალიტეტში, რომელიც თეთნულდზე 150 მეტრით მაღალია.
სწორედ ამიტომ გადავწყვიტეთ შეგვერჩია ეს კონკრეტული სახელწოდება.
რას სახის მომსახურებას სთავაზობთ საზოგადოებას, რამდენი და რა ტიპის ნომრებისგან შედგება სასტუმრო?
სასტუმრო შედგება 45 ნომრისგან და ყველა ასაკობრივი კატეგორიის მოთხოვნას პასუხობს.
გვაქვს რესტორანი, ლაუნჯი, სკი დეპო, ბავშვთა გასართობი სივრცე ეზოშო, ფინური საუნა, საკონფერენციო დარბაზი, რომელიც ბიზნეს სექტორისთვისაც ძალიან საინტერესოა. ასევე მესტიაში პირველი ღამის გასართობი კლუბი, რომელიც ადგილობრივებს და დამსვენებლებს ძალიან სასიამოვნო საღამოებს სთავაზობს.
სად მდებარეობს ტერიტორიულად? გვესაუბრეთ გარემოზე.
მოგეხსენებათ სვანეთის ბუნება უდავოდ მომნუსხველია ალპური მდელოებით, კლდეებით, მწვერვალებით, ჩანჩქერებითა თუ ულამაზესი ალპური ტბებით. ეს მხარე ერთნაირად მიზიდველია კულტურით დაინტერესებული ადამიანებისთვის, მთამსვლელებისთვის, მოთხილემურეებისთვისა და უბრალოდ ხეტიალის, მთაში დასვენების და მასშტაბური ხედების მოყვარულთათვის.
უშუალოდ სასტუმროს მდებარეობას რაც შეეხება, “გისტოლა” პრაქტიკულად მესტიის ცენტრშია, სვანური კოშკების გარემოცვაში და ახლოს არის სასრიალო ტრასებთან.
სასტუმროს აქვს ტრანსპორტირების სერვისი, ტური სვანეთის სხვადასხვა მიმართულებით, ტრანსფერი სვენეთის აეროპორტიდან. მათთვის კი, ვინც ელექტორო მანქანებით სარგებლობს მოვაწყეთ შესაბამისი სივრცე ელექტრო მანქანების დასამუხტად.
გვესაუბრეთ გუნდზე.
პირველ რიგში, აუცილებლად მინდა აღვნიშნო, რომ დასაქმებულთა უმეტესობას ადგილობრივი მოსახლეობა შეადგენს და სასტუმროს გახსნის დღიდან გისტოლას გუნდის წევრები არიან. გვყავს ძალიან მეგობრული გუნდი, ჩვენთვის მნიშვნელოვანია თითოეული თანამშრომელი და მათთვის მაქსიმალურად კარგი პირობების შექმნა, რადგან ვფიქრობთ, ხარისხიანი მომსახურებას მხოლოდ კეთილგანწყობილი მომსახურე პერსონალი ქმნის.
გვესაუბრეთ სამზარეულოზე და კერძებზე, რომელიც დამსვენებლებს სასტუმროში დახვდებათ.
სასტუმრო გისტოლას რესტორანი ჩვენთვის მართლაც საამაყო მიმართულებაა, რადგან გვაქვს ძალიან გემრიელი როგორც ქართული, ასევე ევროპული სამზარეულო. გვყავს პროფესიონალი შეფ მზარეული და კონდიტერი მრავალწლიანი გამოცდილებით, სწორედ მათი დამსახურებაა გისტოლას მრავალფეროვანი საუზმე და ზოგადად მენიუ, რომელსაც ვთავაზობთ ჩვენს სტუმრებს.
როგორც ვიცით სასტუმრო „გისტოლამ“ უკვე დაიწყო ზამთრის სეზონისთვის მზადება. რას შესთავაზებთ დამსვენებლებს ზამთრის სეზონზე?
დიახ, უკვე დავიწყეთ ზამთრის სეზონისთვის მზადება და ახლა სწორედ ახალი წლის ღონისძიების დაგეგმვის პროცესში ვართ იმისთვის, რომ არამხოლოდ „გისტოლაში“, არამედ სვანეთში ჩამოსულ სტუმრებს ახალი წლის ღამეს საინტერესო და მხიარული საღამო შევუქმნათ. დეტალურ ინფორმაციას ღონისძიების შესახებ უახლოეს პერიოდში ჩვენს სოციალურ ქსელებში განვათავსებთ და მათ, ვინც ახალი წლის გატარებას სვანეთში აპირებს წინასწარი ჯავშნის შესაძლებლობა ექნებათ.
ბოლოს გაგვიზიარეთ სამომავლო გეგმები.
ზოგადად, ჩვენი მიზანია გისტოლაში გატარებული დღეები სტუმრებისთვის სასიამოვნოდ დასამახსოვრებელი იყოს, აქედან გამომდინარე, სამომავლო გეგმებიც შესაბამისია და უკვე დავიწყეთ ამ მიმართულებით აქტიური მუშაობა.
მომავალი წლის ზაფხულის სეზონზე „გისტოლაში“ ჩამოსულ სტუმრებს დახვდებათ ღია და დახურული აუზი, სატრენაჟორო დარბაზი, სპა ცენტრი და კიდევ უფრო მრავალფეროვანი გასართობი სივრცე.
