გერმანული ხარისხიანი ბრენდი თქვენი ოჯახისათვის
გერმანულმა ბრენდმა SEBAMED-მა კომპანია PSP-სთან პარტნიორობის 10 წელი აღნიშნა. 2012 წლიდან საქართველოში გერმანულ კომპანია „სებაფარმასა“ და ფარმაცევტულ კომპანია PSP-ს შორის თანამშრომლობის შედეგად, საქართველოს მომხმარებლის ყოველდღიურობაში გამოჩნდა ბრენდი SEBAMED-ი. ამ ხნის განმავლობაში, აღნიშნული ბრენდი აქტიურად ვითარდებოდა და ორიენტირებული იყო ხარისხზე. „სებამედის“ პროდუქცია განკუთვნილია მთელი ოჯახისთვის, აქვს თავის მოვლის საშუალებები ოჯახის ყველა წევრისთვის. 2022 წლის გაყიდვების მაჩვენებლებით, თამამად შეიძლება ითქვას, რომ „სებამედის“ ერთი პროდუქტი მაინც გვხვდება წლის განმავლობაში საქართველოს თითქმის ყველა ოჯახში. აღნიშნულ თემაზე უფრო დეტალურად ჟურნალ OK!-ის ესაუბრა ბრენდის მენეჯერი საქართველოში სოფო რევია და „სებამედის“ რეგიონული გაყიდვების ხელმძღვანელი − სებასტიან ვრობელი.
სოფო რევია: „ძალიან დიდი შრომაა გაწეული ბრენდის განვითარებაში, მისი საქართველოში შემოსვლის დღიდან დღემდე, რათა „სებამედი“ ყველასათვის საყვარელი ბრენდი გამხდარიყო. ჩვენ მომხმარებელს შევთავაზეთ ხარისხიანი პროდუქცია და ფასისა და ხარისხის ძალიან კარგი თანხვედრა. „სებამედი“ გამოირჩევა ხშირი და კარგი აქტივობებით, გვაქვს საინტერესო შეთავაზებები და ბრენდის დღეები ჩვენი ერთგული მომხმარებლისთვის. ეს არის გერმანული ხარისხის ბრენდი, რომელიც ორიენტირებულია მუდმივ სიახლეზე და მაღალ ხარისხზე“.
როგორ დაახასიათებდით „სებამედისა“ და PSP-ს პარტნიორობის 10 წელს?
ჩვენი ბრენდის პროდუქცია ექსკლუზიურად PSP-შია წარმოდგენილი. გაყიდვების ზრდა და წარმატება დიდწილად იმ პარტნიორობის შედეგია, რომელიც „სებაფარმასა“ და PSP-ს შორის ჯერ კიდევ 10 წლის წინ ჩამოყალიბდა. ინოვაციური პროდუქტი, რომელსაც ყოველწლიურად გვაწვდის ჩვენი გერმანელი პარტნიორი და განსაკუთრებული მიდგომა ქართველ მომხმარებელთან, რათა მათი ყველა მოთხოვნა დაკმაყოფილდეს, არის ძირითადი ამოსავალი იმ წარმატებისა, რაც ბრენდს საქართველოში აქვს.
გაამართლა თუ არა ქართველმა მომხმარებელმა თქვენი მოლოდინი?
მინდა აღვნიშნო, რომ „სებაფარმა“ 1967 წელს გერმანიაში დაფუძნებული კომპანიაა, რომლის 50 წელზე მეტი ხნის საქმიანობა პროდუქციის მაღალ ხარისხსა და მუდმივ განვითარებაში აისახება. რაც შეეხება ქართველ მომხმარებელს და PSP-ს, მათ ჩვენს მოლოდინს გადააჭარბეს. PSP არის ძლიერი და სანდო პარტნიორი. ყოველთვის სასიამოვნოა ასეთ დიდ პარტნიორთან მუშაობა. ჩვენ თავს იღბლიანად მივიჩნევთ, რომ ვიპოვეთ ასეთი პარტნიორი. სწორედ PSP-ს დახმარებით ვცდილობთ თითოეულ ქართველ მომხმარებელს შევთავაზოთ ჩვენი ბრენდის ხარისხიანი კანის მოვლის საშუალებები.
სამომავლო გეგმები…
რა თქმა უნდა, ჩვენი და PSP-ს თანამშრომლობა გრძელდება. კიდევ ერთხელ აღვნიშნავ, რომ „პსპ“ ჩვენთვის არის ძალიან მნიშვნელოვანი და სტრატეგიული პარტნიორი. ჩვენ ვიმედოვნებთ, რომ „სებამედი“ გახდება კიდევ უფრო აღიარებული ბრენდი საქართველოში. მე ძალიან ოპტიმისტურად ვარ განწყობილი და მადლიერიც, რომ ვთანამშრომლობ ასეთ ფარმაცევტულ კომპანიასთან.
სოფო რევია: ჩვენთვის ყველაზე მნიშვნელოვანია კმაყოფილი მომხმარებელი. ხარისხი, მუდმივი განვითარება და ინოვაციები − ეს არის ის, რასაც თქვენი ოჯახის საყვარელი ბრენდი − „სებამედი“ გპირდებათ.
