საქორწილო კაბების ტენდენციები გაზაფხული/ზაფხული 2022
1. განსაკუთრებული ბაფთები
საქორწილო კაბისთვის ბაფთა განსაკუთრებული დეტალია, რომელიც კაბას ქალურობას, სინაზეს სძენს. ბაფთამ შეიძლება ყველაზე სადა და უბრალო კაბაც კი გამორჩეული და პომპეზური გახადოს. დიზაინერებმა 2022 წლის გაზაფხული/ზაფხულის საქორწილო კოლექციებში ძირითადად დიდი ზომის ბაფთები შემოგვთავაზეს.
2. თანამედროვე პატარძალი
წლევანდელი წელი საქორწილო ორეულებმა და შარვლიანმა პატარძლებმა დაიპყრეს. თუ გსურთ სტუმრებზე შთაბეჭდილება მოახდინოთ, გარისკეთ იყოთ ორიგინალურები და სტანდარტული ფრიალა კაბის ნაცვლად შარვალი და ტოპი მოირგეთ. თანაც, ამ შემთხვევაში, თავს გაცილებით კომფორტულადაც იგრძნობთ.
3.გაბერილი მკლავები
სერიალ Bridgerton-ის გავლენა საქორწილო კაბების კოლექციებზეც აისახა. ვიქტორიანული სტილის კაბები კვლავ აქტუალურია, თუმცა ამჯერად დიზაინერებმა მათი თანამედროვე ვერსიები შემოგვთავაზეს. კაბების მთავარი შტრიხი გაბერილი მკლავებია. თუ გსურთ თავი ნამდვილ პრინცესად იგრძნოთ, არჩევანი ასეთი სტილის კაბაზე უნდა შეაჩეროთ.
4.ყვავილებში ჩაძირული პატარძალი
გაზაფხული და ყვავილები რომ ერთმანეთის განუყოფელი ნაწილებია, ისედაც ვიცით. ასე რომ, ამ სეზონზე ყვავილებით გაფორმებული საქორწილო კაბები ერთ-ერთი მთავარი ჰიტია. დიზაინერებმა თავიანთ კოლექციებში შემოგვთავაზეს 3D-ყვავილები, რომლებიც კაბებს საოცარ ჰაეროვნებას სძენენ. ვიხილეთ ფერადი ყვავილებით გაფორმებული კაბებიც, რომლებიც ნამდვილად გამორჩეულ პატარძლად გაქცევთ.
