საახალწლო საჩუქრების არჩევაში დიდი დრო მიდის. LUTECIA-მ ამ საქმის გასამარტივებლად სასაჩუქრე იდეები გაგიმზადათ. იცით თქვენი საჩუქრის ადრესატის ჰოროსკოპის ნიშანი? მაშინ ეს გზამკვლევი ნამდვილად დაგეხმარებათ.
ვერძი
დაბადებულია მოგებისთვის, ძალიან აქტიური და კომუნიკაბელურია. არის თავმოყვარე, თავდაჯერებული, უშიშარი. მას მართავს გრძნობები, ჯერ აკეთებს და შემდეგ ფიქრობს. იმპულსურია. იზიდავს მისტიკა და სწორედ რომ Amouage Epic ამოგზაურებს თქვენს ვერძს უდაბნოს ღამეში… ვარდისფერი წიწაკისა და გერანიუმის დახვეწილი ნოტების კომბინაცია გამოხატავს უდაბნოს იდუმალებით მოცულ უვარსკვლავო, თუმცა ამქვეყნად ყველაზე მიმზიდველ ცას…
კურო
პრაქტიკული, რეალისტი, პრაგმატული, პესიმისტი. უყვართ და პატივს სცემენ სიმდიდრეს. იზიდავთ გართობა და სიამოვნება. სულის სიღრმეში თავი სამყაროს ღერძებად მიაჩნიათ. სწორედ ამიტომ V CANTO − F. DA MONTEFELTRO ზედგამოჭრილია საახალწლო საჩუქრად. გაჟღენთილია შინაგანი სიმტკიცის არისტოკრატიული ესენციით, სურნელად აღქმადი იდუმალი და მაცდური ექოების ნაკადში სამეფო სულით შთაგონებული.
ტყუპები
მათ შეიძლება შეხვდეთ ყველგან. გონებამახვილი, ცოცხალი, კომუნიკაბელური, მჭევრმეტყველი… ეს ყველაფერი ტყუპებზეა ნათქვამი. მათთან არ მოიწყენ. მიისწრაფვიან სრულყოფილებისკენ, რათა ყველას თავი მოაწონონ. უყვართ ზაფხული. სწორედ ამიტომ TIZIANA TERENZI – Andromeda განსაკუთრებულად გაახარებთ მათ. მისი სურნელი ზაფხულის ღამეებს მოგაგონებთ, ტკაცუნა კოცონს, ცეცხლის წითელ ნაკვერჩხალს, თავზე გადაშლილ მოკიაფე, ვარსკვლავებით მოჭედილ ცას.
კირჩხიბი
რომანტიკული, პასუხისმგებლობიანი, ეჭვიანი და სენტიმენტალური, ცოტა კონსერვატორი, მესაკუთრე და მგრძნობიარე. აქვთ მდიდარი ფანტაზია და კარგი ინტუიცია. ასეთი ადამიანისთვის INITIO PARFUMS PRIVES − OUD FOR GREATNESS შეუცვლელია. მომნუსხველი, ამაღელვებელი სუნამო, რომელიც ყოველ ჩვენს ოცნებას სიდიადის შესახებ შესაძლებელს ხდის. ბუნებრივი უდის ხე, აგარის ხის ზეთი, ლავანდა, ზაფრანა, პაჩული, მუშკი.
ლომი
მამაცი, შეუპოვარი და გულუხვი. ცნობისმოყვარე, გავლენიანი, ცეცხლოვანი, უყვარს მართვა, საკუთარ თავზე შეყვარებული, ეგოცენტრიკი; პრესტიჟი მათთვის ყველაფერია. მიმზიდველი, არტისტული, მაგნიტური; დაბადებულია ლიდერად; რომანტიკული, ქარიზმატული, უყვართ ყურადღების ცენტრში ყოფნა და ხშირად იმსახურებენ კიდეც. Amouage Material ქალის არომატი − ცოცხალი, ნათელი ენერგია, რომელიც გამდიდრებულია ტონკას მარცვლებით და პაპირუსის ხის დახვეწილი ნოტებით. ველური ბუნების მარგალიტი − ისეთივე ჯადოსნური და მიუღწეველი, როგორიც თავად ეს გარემოა!
ქალწული
თავშეკავებული, პედანტური, ანალიტიკური გონება; კრიტიკოსი, ყურადღებას აქცევს წვრილმანებს; რაციონალურია, გამოთვლილი და დაგეგმილი აქვს ყველაფერი. პრაქტიკოსი, მომთხოვნი, საღი გონების პატრონი, აუცილებლად დააფასებს GOUTAL − FOLIE D’UN SOIR-ის არომატს, რომელიც მის რომანტიკულ ბუნებას ესადაგება. უეცარი იმპულსის ძალა, ერთი ნახვით შეყვარების ჯადოსნურობა. ხისებრი, პიკანტური, უზომოდ მიმზიდველი არომატი ვარდისფერი წიწაკის ნოტებით!
სასწორი
გაუბედავი, ჰარმონიული, პაციფისტი, დამთმობი, გაურბის კონფლიქტებს; დიპლომატი, რომანტიკოსი, მიმზიდველი; უყვარს ხელოვნება. სიბნელის და სინათლის მომხიბლავი კომბინაცია, ერთი არომატის ორი საპირისპირო მხარე. PARFUMS de MARLY HALTANE – მისი კომპოზიცია წარმოადგენს იშვიათი და კეთილშობილი ინგრედიენტების ნაზავს, რომელიც მე-18 საუკუნის ფრანგული პარფიუმერიის დამზადების ტრადიციას ხელახლა სტუმრობს. თვალისმომჭრელად ცინცხალი ბუნება და მცენარეული ზედა ნოტები სწრაფად აღვივებს ტყავის თბილ და გლუვ შეგრძნებას ძვირფასი ხეების სიმფონიით.
მორიელი
მიდრეკილია დაპყრობისკენ, მისი დევიზია „ყველაფერი ან არაფერი“; ვნებიანია, მოსწონს მისტიკა, არღვევს ტაბუებს, თავდაჯერებული და მესაკუთრეა. ჯიუტი, რისკიანი, ემოციური, სექსუალური. TIZIANA TERENZI – Porpora შთაგონებულია განთქმული წითელი მთვარის დიდებულებით, რომელიც დროდადრო, სინათლის უეცარი ცეცხლოვანი ბურთივით, ჰორიზონტის მიღმიერიდან ნახტომს ასრულებს.
მშვილდოსანი
პირდაპირი, სამართლიანი, აგრესიული ოპტიმისტი. უყვარს ძებნა და პოვნა, არ აქვს ზომიერების შეგრძნება. მუდამ მოძრაობს, აქვს ფლობის ფარული სურვილი, იმპულსურია. მისთვის ROSE D’AMALFI შეარჩიეთ. იდუმალი და მგრძნობიარე არომატი იტალიური ბერგამოტის ნოტებით − TOM FORD. კომპოზიციაში ნაზი ვარდი ერწყმის იტალიურ ბერგამოტსა და მანდარინს. პიკანტური ვარდისფერი წიწაკის კომბინაცია ჰელიოტროპის მზიანი ნუშის ნოტებთან კი იწვევს ნაზი შეხების შეგრძნებას და ამალფის სანაპიროს მომხიბვლელი ატმოსფეროს მოგონებას. ROSE D’AMALFI-ის გამჭვირვალე ფლაკონი მქრქალი თეთრი ეტიკეტით, შავი აქცენტებით, ხოლო შიგნით მგრძნობიარე ღია ვარდისფერი ელფერის არომატით, შესრულებულია Private Blend კოლექციის სტილში.
თხის რქა
თავმოყვარე, სიმდიდრის მოყვარული, ფრთხილი და პრაგმატული. მის ამბიციებს TOM FORD Bois Marocain ნამდვილად დააკმაყოფილებს. არომატი, რომელიც მისტიკურ სამყაროში გამოგზაურებთ. „მინდოდა აღმომეჩინა მასტიმულირებელი ხის სურნელი და სწორედ ამიტომ დავინტერესდი ტუაის ხით − ეს წიწვოვანი მცენარეა, რომელიც განსაკუთრებული და იშვიათია“, − ამბობს Tom Ford.
მერწყული
ორიგინალური, ალტრუისტი, იდეალისტი, იდეალური მებრძოლი. უყვარს პუბლიკის შოკურ მდგომარეობამდე მიყვანა. თბილი და ინტელექტუალი მერწყულები ნამდვილად დააფასებენ CASAMORATI – ITALICA-ს. თბილი და გრძნობებით სავსე, Italica იშლება ნუშისა და რძის კრემისებრი ზედა ნოტებით, პიკანტური ზაფრანას ელფერით რომ თბებიან და უძღვებიან გზას ბურბონის, ვანილისა და მიმზიდველი ტოფის ტკბილი შუაგულისკენ. ღრმა სანდლის ხისა და თეთრი მუშკის ნოტები კლასიკურ ბაზას ქმნიან.
თევზები
მგრძნობიარე მეოცნებეები, მდიდარი ფანტაზიით, არტისტულები, რომლებასც ძალიან სჭირდებათ სიმყარე. სწორედ ამიტომ GIARDINO BENESSERE – ARGE შევურჩიეთ. მთელი ქმნილება ეყრდნობა მტკიცე, ძლევამოსილი ტყის ფუძეს, სადაც ძირითადად ავსტრალიური სანდლის ხე და ატლასის კედარი აღმოცენდება. სინგაპურის პაჩულის იდუმალი კონტრასტით გარემოცული, მადაგასკარის ვანილის ყვავილებთან შერწყმული, იტალიური ტყავის დახვეწილი და მომაჯადოებელი ცდუნების სურნელით წარმოქმნილი ვნების მორევი, რასაც საბოლოოდ ამბერგრისის სურნელებანი, იშვიათი მუშკი უსვამს ხაზს.
