როგორც იცით, 34 წლის ინგლისელი მოდელი როუზი ჰანტინგტონი და მისი მეუღლე, 54 წლის ინგლისელი მსახიობი ჯეისონ სტეტჰემი მეორე შვილს ელოდებიან.
ორსულმა ლამაზმანმა რამდენიმე დღის წინ The Sun-თან ინტერვიუს დროს ცხოვრების ახალი ეტაპისთვის მზადებაზე გულახდილად ისაუბრა.
“ჯეისონი და მე ძალიან ამბიციურები ვართ და მოუთმენლად ველოდებით ცხოვრების ახალი ეტაპის დაწყებას. ჯეისონი ყოველთვის ყველაფრისგან მიცავს, ის ჩემი საუკეთესო დამცველია და დარწმუნებული ვარ თავადაც იმავეს იტყვის ჩემზე. როდესაც რთული გადაწყვეტილებების მიღება მიწევს, ყოველთვის მხარს მიჭერს.”
“ხშირად ადამიანებს უკვირთ ხოლმე, თუმცა ჯეისონი ოჯახზე კონცენტრირებული ადამიანია, მას თითოეული დეტალი აინტერესებს და მონდომებით მუშაობს ყველა წვრილმანზე. ასევე მას აქვს ძალიან კარგი გემოვნება, როდესაც საქმე არქიტექტურას და სახლის დეკორაციას ეხება, მისგან ბევრ რამეს ვსწავლობ.”
