OK! გაგაცნობთ თმის სტილისტს – ირმა ისაღაშვილს, რომელიც წლებია უკვე ამ სფეროში საქმიანობს. თუ როგორ მოვუაროთ შეღებილ თმას იმისათვის, რომ არ დაკარგოს ბუნებრივი ბზინვარება და სილამაზე, ამ თემაზე რჩევებს ირმა გვიზიარებს.
სანამ უშუალოდ მთავარ თემაზე გადავიდოდეთ, გვითხარით, თუ რატომ აირჩიეთ ეს პროფესია?
ბავშვობიდან მიყვარს ხატვა, დიზაინი და ხელოვნება. შემდეგ კი გადავწყვიტე, მესწავლა თმის სტილისტის განხრით. შევისწავლე და ეტაპობრივად ავითვისე როგორც ქალბატონების ისე მამაკაცების ხაზი.
ჩემი პროფესია ძალიან მიყვარს და კმაყოფილი ვარ, რომ შემიძლია გავალამაზო მომხმარებელი და ვიზრუნო მათ თმაზე და არა მხოლოდ. მათზე. ყოველდღიურად ვცდილობ, მათ შევუქმნა კომფორტი, კარგი ატმოსფერო, ღიმილიანი და სასიამოვნო გარემო, რითაც ვფიქრობ, რომ დღეს დიდად არ ვართ განებივრებულები. თითოეულ მომხმარებლის მეშვეობით, მეძლევა საშუალება ჩემივე წინსვლის და განვითარების. მადლობელი ვარ ყველა ჩემი მომხმარებლის და პატივს ვცემ ამთ.
გვესაუბრეთ ტენდეციებზე, როგორი ვარცხნილობა დღეს ყველაზე მოთხოვნადი?
წელს ტრენდულია ,,რეტრო სტილი’’ – მოკელ კარე. თინეიჯერებში ,,wolf cut’’ გრძელი აჩეხლი და მსუბუქად დახვეული თმა. პირადად მე კი ვფიქრობ, რომ მთავარია გიხდებოდეს ესა თუ ის ვარცხნილობა თუ ფერი.
ზაფხული მოვიდა და გაგიზიარეთ თმის მოვლაზე რჩევები:
მზეზე თმას დაცვა ისევე სჭირდება როგორც კანს. არსებობს ბიუჯეტური სპრეები და ნიღბები, რაც დაიცავს თმას დაზიანებისგან.
შეღებილ თმას სჭირდება სათუთი და განსხვავებული მოვლა, როგორიცაა ნანო-პლასტიკა, ფილერო-თერაპია, კერატინით აღდგენითი პროცედურა. ასევე, აუცილებელია 2-3 თვეში ერთხელ თმის ბოლოების შესწორება მაკრატლით ან პოლირებით., გაყოფილი ბოლოების მოვლა, აღდგენა სასიამოვნო აპარატურით – ორთქლზე მცენარეების სწორად შერჩეული თერაპიით, რაც თმას ანიჭებს ბზინვარებას. აღნიშნული პროცედურა იწვევს თმის ცვენის შეჩერებას და ჯანსაღი თმის ზრდას.