4 აგვისტოს სასექსის ჰერცოგინია – მეგან მარკლი 40 წლის გახდა! სადღესასწაულო განწყობა კი, მან კვლავ საქმეში ჩააქსოვა და მოკლე ვიდეორგოლი გამოაქვეყნა, რომელშიც საუბრობს ახალ პროექტზე, რომელიც იმ ქალბატონების დასახმარებლად შეიქმნა, რომლებმაც კოვიდ-პანდემიის ფონზე სამსახური დაკარგეს.
“ჩემი 40 წლის დაბადების დღის აღსანიშნავად, ვთხოვე 40 მეგობარს, აქტივისტსა თუ სპორტსმენს გლობალურ კამპანიაში მიეღოთ მონაწილეობა, რათა ქალბატონების სამსახურებში დაბრუნებას შევუწყოთ ხელი. იმედი მაქვს, თითოეული მათგანი შეძლებს ვინმეს კარიერულ წარმატებაში წვლილის შეტანას,”-აღნიშნა მან.
გარდა ამისა, ვიდეოჩართვის დროს, კადრში მოულოდნელად პრინცი ჰარიც გამოჩნდა, რომელმაც მეუღლე ჟონგლიორული ილეთებით გაახალისა.
ვიდეორგოლის ბოლოს, მარკლმა დაბადების დღის სანთელიც ჩააქრო და სურვილიც ჩაიფიქრა.
