მიუხედავად იმისა, რომ შოტლანდიაში დაბადებულმა სესილია სენტ-ვიტემ და ანდრე მაილსმა ერთმანეთი ლონდონში გაიცნეს, შემდეგ კი ნიუ-იორკში ცხოვრობდნენ, მათ ქორწილის ადგილად ბრაზილია აირჩიეს. Saint-Viteux-ის დამფუძნებლის და PR და ბიზნესის განვითარების სააგენტოს Azzi+Co დირექტორის, სესილია სენტ-ვიტეს რჩეული რიოში დაბადებული ბანკირი, ანდრე მაილსი გახდა.
ეს უკანასკნელი ერთი ნახვით მოიხიბლა სესილიათი. გაცნობიდან სამი წლის მერე წყვილი დაინიშნა, ქორწილი კი პანდემიის გამო ბევრჯერ გადაიდო, საბოლოოდ კი 2022 წლის 1 აპრილს ჩატარდა.
ეს უფრო მეტი იყო ვიდრე ქორწილი, წვეულება ნამდვილ ბრაზილიურ დღესასწაულს გავდა.
,,ჩვენ გვინდოდა სტუმრებს თავი ისე ეგრძნოთ, როგორც კარნავალზე,’’-აღნიშნა სესილიამ.
ქორწილში ბრაზილიური და ფრანგული მუსიკის მიქსი ჟღერდა. საღამო ნამდვილად იყო შთაგონებული კარნავალით, პატარძალი კი კარნავალის ნამდვილ დედოფალს გავდა.
„ჩემს მეჯვარეებს ერთადერთი ვთხოვე, რომ მათი კაბა გრძელი ყოფილიყო, დანარჩენი კი მათ მივანდე. მინდოდა თვითონ შეერჩიათ საკუთარი სტილი და თავი მაქსიამლურად კომფორტულად და ლამაზად ეგრძნოთ,’’- ამბობს სენტ-ვიტე.
პატარძალს Silvia Tcherassi-ის კაბა ეცვა, რომელმაც არაერთი ტრანსფორმაცია განიცადა. სესილია ჯერ კიდევ 2019 წელს სულ სხვა დიზაინს გეგმავდა, პანდემიის პერიოდში კი რამდენიმეჯერ შეცვალა დიზაინი. საბოლოოდ კი, მან არჩევანი კლასიკურ და ელეგანტურ სტილზე შეაჩერა.
„ამ დღის ყველაზე განსაკუთრებული ნაწილი იყო ის ადამიანები, რომლებიც ჩემს გარშემო იყვნენ, ყველა ჩემი საყვარელი ადამიანი ერთად. ქორწილს იმდენი ხანი ვგეგმავდით, რომ ვერ ვიჯერებდი, რომ ეს რეალურად ხდებოდა,’’
