ქართველი მეცოსოპრანოს, ქეთევან ქემოკლიძის “კარმენის” სპექტაკლები მისივე სამშობლოში – სევილიაში ტრიუმფით მიმდინარეობს. 30 წლის შემდეგ, სევილიის მაესტრინცას ოპერაში “კარმენი” სწორედ ქართველი მომღერალით დაბრუნდა.
მსოფლიოში “კარმენის” როლის ერთ-ერთმა საუკეთესო ქართველმა შემსრულებლმა ესპანური პრესის დიდი აღფრთოვანება დაიმსახურა. ის გამოსახეს არა მარტო ესპანეთის ყველაზე ცნობილი საოპერო ჟურნალის “ოპერა აქტუალის” ყდაზე, არამედ ასევე აღიარეს “კვირის არტისტად”.
“კარმენის” ეს თანამედროვე დადგმა ეკუთვნის ესპანელ რეჟისორს კალიქსტო ბიეიტოს, რომელიც წარმატებით იდგმევა მსოფლიოს წამყვან სცენებზე. აღსანიშნავია, რომ სპექტაკლს დირიჟორობდა ესტონელი ქალი დირიჟორი ანუ ტალი.
ქეთევან ქემოკლიძის “კარმენი” სევილიურმა პუბლიკამ განსაკუთრებული აპლოდისმენტებით ფლამენკოს რიტმში დააჯილდოვა (las palmas de bulerías), რაც ფარდის დახურვისასაც არ შეწყვეტილა.
