ლონდონში ფილმის „მშვიდობით, ჯუნ“ პრემიერა შედგა. ეს ქეით უინსლეტის რეჟისორული დებიუტია, რომელშიც მთავარი როლიც თავად შეასრულა. 50 წლის მსახიობმა ფილმი 21 წლის შვილთან, ჯო ანდერსთან ერთად წარადგინა, რომელმაც დედის ფილმისთვის სცენარი დაწერა და კინოინდუსტრიაში კარიერის დაწყების შესახებ განაცხადა.
უინსლეტი წითელ ხალიჩაზე შავი Elie Saab-ის კაბით პოზირებდა, ჯოს კი კლასიკური კოსტიუმი და თეთრი პერანგი ეცვა.
ფილმი „მშვიდობით, ჯუნ“, რომელზეც დედა-შვილმა ერთად იმუშავა, მრავალშვილიანი, ხანდაზმული დედის, შესახებ გვიამბობს, რომელმაც შობის წინა დღეს თავისი მძიმე ავადმყოფობის შესახებ გაიგო. ქალის ოთხი შვილი და ქმარი ცდილობენ ურთიერთობებში გაერკვიონ და გარდაუვალი დანაკარგისთვის მოემზადონ, თუმცა, ჯუნი გადაწყვეტს, საკუთარი სიცოცხლის დასასრული თავად, იუმორისა და სიყვარულის ატმოსფეროში მოაწყოს.
ქეით უინსლეტს სხვადასხვა ქორწინებიდან სამი შვილი ჰყავს. ჯო ანდერსი მსახიობის რეჟისორ სემ მენდესთან ქორწინებაში დაიბადა. ქეითის და სემის ქორწინება 2003 – დან 2010 წლამდე გაგრძელდა. მანამდე, მსახიობი სამი წლის განმავლობაში, რეჟისორ ჯეიმს ტრიპლტონზე იყო დაქორწინებული, რომელთანაც ქალიშვილი, მია ჰყავს. 2012 წლიდან ქეით უინსლეტი დაქორწინებულია მილიონერ ნედ როკენროლზე. წყვილს ვაჟი – ბეარი ჰყავს.
50 წლის ვარსკვლავი მრავალი ჯილდოს, მათ შორის ოქროს გლობუსის, British Academy Film Awards-ის, Screen Actors Guild Awards-ის, Primetime Emmy Awards-ისა და მუსიკალური სამყაროს ერთ-ერთი ყველაზე პრესტიჟული ჯილდოს Grammy Award-ის მფლობელია.
ასევე დაგაინტერესებთ
#OK! ქეით უინსლეტი 46 წლის გახდა: 7 ყველაზე პოპულარული როლი მსახიობის შემოქმედებიდან
