ავტომობილის შეძენა არცთუ ისე მარტივი პროცესია. მანამ, სანამ შენაძენი ჩვენამდე მოვა, საკმაოდ ვრცელ გზას გადის, რაც უამრავი დეტალის გათვალისწინებას მოითხოვს – უპირველესად კი უსაფრთხოებას. გაგაცნობთ კომპანიას, რომელიც ამ პროცესს გაგიმარტივებთ და ავტომობილს თქვენამდე უმოკლეს ვადაში, სრული უსაფრთხოების ნორმების დაცვით თქვენამდე მოიყვანს. ამ და სხვა საინტერესო საკითხებთან დაკავშირებით კომპანია „ქარგო ექსპრესის“ დამფუძნებელსა და გენერალურ დირექტორს, ბექა მარგველაშვილს ვესაუბრეთ.
ბექა, გაგვაცანით კომპანია. რამდენი ხანია, რაც დაარსდა?
კომპანია „ქარგო ექსპრესი“, რომლის დამფუძნებელი და გენერალური დირექტორი ვარ, ქართულ ბაზარზე სულ რაღაც ორი წელია, რაც გამოჩნდა. კომპანია დაკომპლექტებულია გამოცდილი კადრებით, რომლებიც წლების განმავლობაში ამავე ტიპის სხვადასხვა კომპანიაში მუშაობდნენ.
რას მოიცავს კომპანიის საქმიანობა? რას სთავაზობთ საზოგადოებას?
ჩვენი კომპანიის ძირითად საქმიანობას ავტოიმპორტი წარმოადგენს. მომხმარებლებს ვთავაზობთ ავტომობილების შერჩევას, შეძენას, ტრანსპორტირებას აშშ-დან, ევროპის ნებისმიერი წერტილიდან და კორეიდან.
ვემსახურებით როგორც საცალო ინდივიდუალურ მომხმარებლებს, ასევე ავტოდილერებს. ჩვენი მეშვეობით მათ აქვთ საშუალება, მიიღონ წვდომა აშშ-ის წამყვან აუქციონებზე სრულიად უფასოდ.
რა გზას გადის კომპანიის მიერ შეძენილი ავტომობილი ამერიკიდან საქართველომდე?
თავდაპირველად შერჩეული და უკვე დეტალურად დათვალიერებული ავტომობილი ჩვენი ლოჯისტიკის გუნდის მეშვეობით კვლავ გადის ინსპექტირებას შესაბამის საწყობში, შემდეგ დაცულ სადგომზე იტვირთება კონტეინერში და თავსდება გემზე.
საქართველოში ჩამოყვანილ ავტომობილს ისევ ინსპექტირება უტარდება და მფლობელს აქვს უფლება, ყოველივე ამის შემდეგ ავტომობილი ტერმინალიდან გაიყვანოს.
ტრანსპორტირების უსაფრთხოებაზე გვიამბეთ.
უსაფრთხოება ჩვენი კომპანიის მთავარი და მეტად მნიშვნელოვანი პრიორიტეტია. ჩვენი გუნდი მაქსიმალურად ცდილობს კონკრეტული შენაძენი უსაფრთხოდ და დაუზიანებლად მიაწოდოს მომხმარებელს.
დაახლოებით რა დროა განსაზღვრული შეძენილი ავტომობილის ადრესატამდე მისასვლელად?
ავტომობილის ჩამოსვლის დრო დამოკიდებულია რამდენიმე ფაქტორზე:
- რომელი შტატიდან იგზავნება;
- რამდენად წესრიგშია ავტომობილის დოკუმენტაცია;
- საზღვაო ხაზების შეუფერხებელი და გამართული მუშაობა.
საშუალოდ ეს დრო განისაზღვრება 45-დან 70 დღემდე.
რა უნდა გავითვალისწინოთ მანამ, სანამ ავტომობილს შევიძენთ?
აუცილებელია ავტომობილის ისტორიის ზედმიწევნით გადამოწმება. ნახვა და გარკვევა იმისა, თუ რამდენი მეპატრონე ჰყავდა, რა სერვისებს გადიოდა, ჰქონდა თუ არა საგზაო შემთხვევა და ა.შ. მხოლოდ ამის შემდეგ შეიძლება ავტომობილის შეძენა, რაშიც ჩვენი გამოცდილი გუნდი დაგეხმარებათ.
ტექსტი: ციაკო ღამბაშიძე
ფოტო: ლანა ვახტანგაძე
