თუ გვსურს დავისვენოთ, შევიგრძნოთ ძველი ბათუმის მყუდროება და მრავალფეროვნება, სასტუმრო Old Batumi-ზე ჯობია გავაკეთოთ არჩევანი, გვირჩევს აღნიშნული სასტუმროს მენეჯერი ლიზა დუმბაძე და დასძენს, რომ ჩვენ წინ გველოდება უგემრიელესი სამზარეულოს დაგემოვნება, რომელიც საკუთარ სახლში, ჩვენი ბებიებისა და მშობლების მიერ დიდი სიყვარულით მომზადებულ კერძებს მოგვაგონებს.
მოგვიყევით „Old Batumi-ზე, როდის გაიხსნა და რა გზა გამოიარა დღემდე…
ჩვენი სასტუმრო Old Batumi გაიხსნა 2020 წელს, თუმცა კოვიდის პერიოდმა მოგვისწრო და რამდენიმე თვით დაიხურა. მუშაობა განვაახლეთ 2021 წლის მაისში და მას შემდეგ შეუჩერებლად ვმუშაობთ.
რა ტიპის სერვისებს სთავაზობთ მომხმარებელს?
ჩვენთვის პრიორიტეტი მომხმარებლისთვის კომფორტული გარემოს შექმნაა. მათ ყოველდღიურად ასევე ვთავაზობთ ე.წ შვედური ტიპის უგემრიელეს და მრავალფეროვან საუზმეს. აღსანიშნავია, რომ ჩვენი სასტუმროდან უკმაყოფილო ჯერ არავინ წასულა, ისინი განსაკუთრებით ამახვილებენ ყურადღებას Old Batumi-ს გემრიელ სამზარეულოზე და მადლობას გვიხდიან გულთბილი მასპინძლობისათვის. უთქვამთ ისიც, რომ ჩვენთან დაგემოვნებულმა კერძებმა „სახლური“ საჭმლის გემოები გაახსენათ. სასტუმროში ასევე გვაქვს საკონფერენციო დარბაზი,სადაც აქტიურად იმართება სხვადასხვა კომპანიის ტრენინგი, თათბირი თუ სხვა საინტერესო ღონისძიება, რომელიც ხშირად სილამაზის სფეროს მასტერკლასებს მოიცავს.
ბათუმში არაერთი კარგი სასტუმროა, ამ მხრივ ქალაქის ვიზიტორებს დიდი არჩევანი აქვთ. როგორ ფიქრობთ, რატომ უნდა გააკეთონ არჩევანი Old Batumi-ზე, რა გამოგარჩევთ…
გეთანხმებით, ბათუმში მართლაც არაერთი კარგი სასტუმროა, ამ მხრივ კონკურენცია დიდია, თუმცა, მიმაჩნია, რომ Old Batumi-ს შედარებით მეტი პლუსი აქვს. თუნდაც დავიწყოთ იქიდან, რომ ძველ ბათუმში მდებარეობს, ქალაქის ყველაზე საინტერესო მხარეს, რაც მომხმარებლისთვის მნიშვნელოვანი და ამავდროულად ხელმისაწვდომია.ზუსტად ხუთი წუთი სჭირდებათ ადამიანებს ჩვენი სასტუმროდან სანაპიროზე გასასვლელად, სადაც ალისა და ნინოს ცნობილი ქანდაკება მდებარეობს. იმავე დრო სჭირდებათ მათ ბათუმში ერთ-ერთი კოლორიტული ადგილის, პიაცას მოსანახულებლად. სასტუმრო Old Batumi-ს მდებარეობა იმითაც არის გამორჩეული, რომ ვიზიტორებს აქვთ საშუალება, განთავსდნენ სასტუმროში და დატკბნენ მყუდრო და ულამაზესი ქუჩებით, რომელიც განსაკუთრებით ატარებს ბათუმურ სულსა და ხასიათს. სასტუმროს მომხმარებლების 80 პროცენტი ტურისტები არიან მსოფლიოს სხვადასხვა ქვეყნიდან, ასევე საქმიან ვიზიტებზე ჩამოსული სხვადასხვა ბიზნესის წარმომადგენლები, რომლებიც იმიტომ ირჩევენ ჩვენს სასტუმროს, რომ წყნარი გარემო სურთ როგორც სამუშაოდ, ასევე დასასვენებლად.
მომხმარებლისთვის ასევე მნიშვნელოვანია ფასები, აღნიშნული კუთხით რა შეთავაზებები გაქვთ მათთვის?
ჩვენი ფასები მაქსიმალურად მორგებულია მომხმარებლის ბიუჯეტზე. ყოველკვირეულად გვაქვს სააქციო დღეები, ფასდაკლებები როგორც სატელეფონო ჯავშანზე, ასევე დაჯავშნის სხვადასხვა პლატფორმაზე, რომლის შესახებაც საზოგადოებას ინფორმაციას ვაწვდით. მაგალითად, ხშირად გვაქვს 1+1 აქცია, რომელიც აქტუალურია ჩვენს სასტუმროში და სტუმრების დიდ მოწონებას იმსახურებს.
რას მიიჩნევთ სასტუმროს სფეროს მთავარ გამოწვევად და როგორ ფიქრობთ, რა რეკომენდაციების გათვალისწინებას მოაქვს წარმატება აღნიშნული მიმართულებით.
მიმაჩნია, რომ სასტუმროს სფეროს მთავარი გამოწვევაა მოიზიდო უფრო მეტი მომხმარებელი და შეინარჩუნო მაღალი სტანდარტი. რა თქმა უნდა, რთულია შენარჩუნება და ლიდერობის მოპოვება, თუმცა სასტუმრო old batumi ცდილობს და დარწმუნებული ვარ, შევძლებთ ბათუმის ერთ- ერთ წამყვან სასტუმროს წარმოვადგენდეთ.
როგორია Old Batumi-ის სამომავლო გეგმები, რა სიახლეებს უნდა ველოდოთ თქვენგან?
old Batumi-ის ერთ-ერთი პრიორიტეტული გეგმაა ქართულ ბაზარზე უფრო დიდი ცნობადობა მოვიპოვოთ. რა თქმა უნდა, ამ მოკლე პერიოდშიც შევძელით მომხმარებლის სიყვარულისა და ნდობის დამსახურება, თუმცა გვსურს უფრო ცნობილი სასტუმრო გავხდეთ. სამომავლო ნაბიჯებზე რთულია საუბარი, თუმცა დარწმუნებული ვარ, ჩვენს მომხმარებელს არაერთ სიახლეს შევთავაზებთ.
ფოტო: გიორგი კალანდაძე
ჟურნალისტი: ნანა აბულაძე
