კოვიდ-19 პანდემიასთან ბრძოლის გაგრძელებასთან ერთად მსოფლიოს ერთ-ერთი ყველაზე მსხვილი კომპანიები Facebook, Google და Netflix აყალიბებენ პოლიტიკას, რომლის მიხედვითაც თანამშრომლებს სამუშაო ადგილებზე დასაბრუნებლად სავალდებულო ვაქცინაციას უწესებენ. არსებული ინფორმაციით, გამონაკლისი შემთხვევები მხოლოდ კონკრეტულ ადამიანებზე დაიშვება, აცრაზე უარის თქმა კი თანამშრომლებს მხოლოდ სამედიცინო ან რელიგიური მიზეზების გამო შეეძლებათ.
ინტერნეტ ტელევიზიის ერთ-ერთი უმსხვილესი ქსელი “ნეტფლიქსი” აღნიშნავს, რომ მაქსიმალურ ზომებს იღებენ იმისთვის, რომ შემოქმედებითმა ჯგუფმა და მსახიობებმა დაცულად იგრძნონ თავი, ამიტომ ნებისმიერი თანამშრომელი, რომელსაც მათთან გადასაღებ მოედანზე აქვთ შეხება აუცილებლად უნდა აიცრან.
28 ივლისს Google-ის CEO-მ სუნდარ პიჩაიმ ოფიციალურად განაცხადა, რომ კომპანიის თანამშრომლები ოფისებში დასაბრუნებლად აუცილებლად უნდა აიცრან. არსებული ინფორმაციით, პერსონალს ონლაინ რეჟიმში მუშაობა 18 ოქტომბრამდე შეეძლება. ვაქცინაციასთან დაკავშირებით ანალოგიური ღონისძიებების გატარებას ასევე აპირებს Facebook.
