მაღაზიათა ქსელი ,,ნავნე” ახალ, რიგით 24-ე ფილიალს ხსნის. ახალი ფილიალი 3 მარტს დიდ დიღომში გაიხსნება.კომპანიის საზოგადოებასთან ურთიერთობის დეპარტამენტის ხელმძღვანელის ნათია ფარცხალაძის თქმით, უკრაინაში არსებული მოვლენების გათვალისწინებით, ახალი ფილიალის გახსნა პომპეზურობის გარეშე ჩაივლის.
,,სწრაფად ცვალებადი ასორტიმენტი, ბრენდის, მოდის, ფასისა და ხარისხის სწორი კომბინაცია, ჩვენს მაღაზიებს ბაზარზე უალტერნატივოს ხდის. სწორედ ეს არის, აუთლეტ კონცეფციის მთავარი ხიბლი რომელსაც, კომპანია ‘’ნავნე’’ თავის მომხმარებლებს სთავაზობს.’’- აღნიშნა ნათია ფარცხალაძემ.
„ნავნე“ 10 წელზე მეტია რაც საქართველოს ბაზარზე ოპერირებს. ნავნეს მაღაზიებში წარმოდგენილი წამყვანი მას-ბრენდების შეძენა ქართველ მომხმარებლებს 40% -იდან 60% -ამდე ნაკლებ ფასად შეუძლიათ.
