შეშა ყველაზე პოპულარული ბიოენერგეტიკული რესურსია საქართველოში, გამოიყენება როგორც გათბობისთვის, ისე საჭმლის მოსამზადებლად. ზოგადად, მას ძალიან არაეფექტიანად წვავენ, რადგან არ ხდება შეშის წინასწარი გაშრობა, ღუმელები დაბალეფექტიანია, რის გამოც იკარგება დიდი რაოდენობის ენერგია. დატვირთვა მოდის ადგილობრივ სატყეო რესურსებზე, რაც იწვევს ტყეების გაჩეხას, ნიადაგის დეგრადაციასა და ბიომრავალფეროვნების შემცირებას. ეს ყველაფერი კი პირდაპირ აისახება როგორც ადამიანების ცხოვრების პირობებზე, ისე მათ ჯანმრთელობაზე.
ზაალ ხელაძე, ბაზალეთის „მწვანე ინჟინერიის ცენტრის“ ხელმძღვანელი:
კლიმატის ცვლილების გავლენა ისეთ მნიშვნელოვან მოწყვლად სექტორებზე, როგორიცაა: სატყეო სექტორი, ენერგეტიკა, ჯანდაცვა, ბიომრავალფეროვნება, გრუნტის წყლები… აგრეთვე სიღარიბის დაძლევა და ბედნიერი მომავალი თაობა – საგრძნობლად მაღალია. ეს ის გარემოებებია, რამაც ადამიანების ერთი ჯგუფი სლოგანის – „დაიცავი გარემო და ადამიანები“ – გარშემო გაგვაერთიანა.
დაგვაფიქრა იმ ფაქტმა, რომ საქართველოს ტყეებში მერქნის რაოდენობა ყოველწლიურად 1,8 მილიონი კუბური მეტრით ვანდალური მეთოდებით მცირდება. ეს, თავის მხრივ, პირდაპირ დამოკიდებულებაშია ოზონის ფენის სიმკვრივის ცვლილებასთან, რაც მნიშვნელოვან ზეგავლენას ახდენს ადამიანის საცხოვრებელ გარემოსა და მის ჯანმრთელობაზე, რადგან ამცირებს დედამიწის ფილტვის, ანუ ტყის მასივების ფართობებს. რიგი დაავადებები: ფილტვის ქრონიკული ობსტრუქციული სინდრომი, ასთმა და სხვა, კლიმატის ცვლილებასთან შეიძლება იყოს დაკავშირებული. ისინი სიკვდილიანობის მიზეზთა შორის სტაბილურად წამყვან პოზიციებზეა წარმოდგენილი.
რატომ ენერგოეფექტური ღუმელი?!
მე ასე ვიტყოდი – დაბალი ეფექტურობის ღუმელები. ნედლი შეშის გამოყენება, საცხოვრებელი სახლების დაბალი ენერგოეფექტურობა მოსახლეობას სხვადასხვა გამოწვევის წინაშე აყენებს, რომელთა გადაჭრის გზა თანამედროვე ენერგოეფექტური ღუმელებია. ამით დაიზოგება არა მარტო ტყე, არამედ მოსახლეობის ფულადი სახსრებიც.
საქართველოში მოქმედებს სპეციალური პროგრამა, რომელიც სოფელ ჩანადირთკარში წარმოებული ენერგოეფექტური ღუმელების 50%-იან თანადაფინანსებას გულისხმობს და მოსახლეობისთვის ხელმისაწვდომს ხდის.
ჩვენ მაღალი სოციალური პასუხისმგებლობის მქონე კომპანიებთან და გაეროს განვითარების სააგენტოსთან ერთად, ეს პროექტი გავაძლიერეთ და შევძელით წამოგვეწყო სოციალური კამპანია და მყარი ბიომასის ღუმელები უფასოდ გადაგვეცა სოციალურად დაუცველი 57 ოჯახისთვის საქართველოს მაღალმთიან თემებში.
შემოგვიერთდით!!!
- ოთარ შამუგია, გარემოს დაცვისა და სოფლის მეურნეობის მინისტრი: ჩვენთვის მნიშვნელოვანია ხელი შევუწყოთ ენერგოეფექტური ტექნოლოგიების დანერგვას ქვეყანაში და შევამციროთ გარემოზე ზეწოლა. ძალიან გვახარებს ის ფაქტი, რომ უკვე ორასზე მეტმა ოჯახმა ისარგებლა თანადაფინანსების პროგრამით და შეისყიდა ენერგოეფექტური ღუმელი. მადლობა ბიზნესსაც გვერდში დგომისთვის..
- არსენ გვენეტაძე, ზურაბ საბახტარაშვილის რეპროდუქციული კლინიკა: გათბობის იმ მეთოდებზე დამოკიდებულება, როგორიცაა არაეფექტური ღუმელები, ხელს უწყობს შიდა ჰაერის დაბინძურებას, რაც იწვევს ჯანმრთელობის მძიმე პრობლემებს. სერტიფიცირებული ბიომასის ღუმელები მნიშვნელოვნად ამცირებს მავნე გამონაბოლქვს საცხოვრისებში და უზრუნველყოფს უფრო სუფთა და ჯანსაღ შიდა გარემოს.
შემოგვიერთდით!!!
- ირმა დაუშვილი, კომპანია „დიო“: შენობების ენერგოეფექტიანობა სოფლად ძალიან დაბალია, სიტუაციის გამოსასწორებლად უმარტივესი და უიაფესი ზომებიც კი არ მიიღება.
შემოგვიერთდით!!!!
- ნათია ხაბეიშვილი, „პსპ“: ეს ღუმელები სუფთა და ეფექტური გათბობის ალტერნატივაა. მცირდება შიდა ჰაერის დაბინძურება. გაძლიერებული თერმული კომფორტი კი მოსახლეობის ცხოვრების ხარისხს აუმჯობესებს.
შემოგვიერთდით!!!
- დეა პაპასკირი, კლინიკა „დეამედი“: ენერგოეფექტური ღუმელები მოიხმარს ბევრად უფრო ნაკლებ შეშას. ეს დამატებით გამოთავისუფლებული თანხაა ოჯახებისთვის, რასაც სხვა აუცილებელ სოციალურ საჭიროებებზე გამოიყენებენ და ტყესაც განადგურებისგან დაიცავენ.
შემოგვიერთდით!!!
- აპოლონ გოლეთიანი, კომპანია „სუფთა სამყარო“: შევცვალოთ ძველი ახლით! ერთად დავიცვათ გარემო და ადამიანები!
შემოგვიერთდით!!!
- იგრძენი განსხვავება ბუნებაში!
- შეცვალე ძველი ახლით!
- შეაჩერე სიღარიბე!
- შექმენი ჯანსაღი საცხოვრისი!
- უსაფრთხო სითბო და კომფორტი ყველას!
- დაიცავით გარემო და ადამიანები!
