ESMOD International, მსოფლიოში წამყვანი ფრანგული მოდის სკოლა ბიზნესის და ტექნოლოგიების უნივერსიტეტთან (BTU) გაფორმებული ხელშეკრულების საფუძველზე საქმიანობას საქართველოში იწყებს. ESMOD International სტუდენტებს შესთავაზებს საერთაშორისო სერტიფიცირებულ კურსებს ისეთ სფეროებში, როგორიცაა მოდა და ინოვაცია, მოდის მარკეტინგი და მენეჯმენტი, თანამედროვე ტექნოლოგიები და სხვა.
პარტნიორობის ხელშეკრულება პარიზში, ESMOD-ის კამპუსში, 2025 წლის 18 თებერვალს გაფორმდა.
კურსებს გაუძღვებიან ESMOD-ის ლექტორები, ტრენერები, საერთაშორისო მოდის ექსპერტები, მოწინავე კურსდამთავრებულები და წარმატებული პროფესიონალები მოდის ინდუსტრიიდან. მათ შორის არიან ცნობილი ქართველი მოდელი, თაკო ნაცვლიშვილი, და დიზაინერი ნინა გავაშელი, რომლებიც BTU-სთან ერთად პროექტის ინიციატორები არიან. მათი მონაწილეობა სტუდენტებს მისცემს შესაძლებლობას, უკეთ გაიგონ მოდის ინდუსტრიის გლობალური გამოწვევები და პერსპექტივები. გარდა ამისა, სტუდენტებს მუდმივად ექნებათ მხარდაჭერა სტაჟირებისა და დასაქმების კუთხით.
აღსანიშნავია, რომ ამ კურსების ფარგლებში სტუდენტებს მიეცემათ უნიკალური გამოცდილების მიღების შესაძლებლობა არა მხოლოდ ქართულ მოდის სახლებსა და საცალო ვაჭრობის სფეროში, არამედ საერთაშორისო მოდის დედაქალაქებში, სადაც ისინი გამოცდილი ლექტორების ხელმძღვანელობით გაივლიან სტაჟირებებს.
ESMOD არის მსოფლიო მასშტაბით აღიარებული ინსტიტუტი, რომელიც 180 წელზე მეტია, რაც ფორმირებას აძლევს მოდის ინდუსტრიას. მისი ქსელი მოიცავს 12 ქვეყანაში 18 სკოლას. მისი გამოჩენილი კურსდამთავრებულები არიან ისეთი ცნობილი დიზაინერები, როგორებიც არიან Jacquemus, Olivier Rousteing, Alexandre Vauthier და Sophie Hersan – Vestiaire Collective-ის თანადამფუძნებელი.
საერთაშორისო სერტიფიცირებული კურსები საქართველოში დაიწყება 2025 წლის გაზაფხულიდან. რეგისტრაცია უკვე გახსნილია The Fashion Market პროგრამაზე, რომელიც 60-საათიანია და მოიცავს ხუთ მოდულს:
- ტრენდები
- მოდის კულტურა
- მარკეტინგი – Storytelling
- მარკეტინგი – პოზიციონირება
- პროდუქტის ტიპოლოგია
ESMOD International-ის შესახებ
დაარსებული 1841 წელს პარიზში, ESMOD International არის პირველი ფრანგული მოდის სკოლა, რომელიც თავდაპირველად მოდის დიზაინზე იყო ორიენტირებული და 1989 წლიდან მოდის ბიზნესსაც მოიცავს. დღეს, ჯგუფი აერთიანებს 18 სკოლას 12 ქვეყანაში, მათ შორის საფრანგეთში – პარიზში, პანტინში, ბორდოში, ლიონში, რენში და რუბეში.
მისმა დამფუძნებელმა, ალექსის ლავინმა, შექმნა ცნობილი „Méthode du Tailleur“ და გამოიგონა ისეთი აუცილებელი ინსტრუმენტები, როგორებიცაა რბილი საზომი ლენტი და მანეკენის ბიუსტი, რომლებიც დღემდე ფართოდ გამოიყენება მოდის ინდუსტრიაში.
რეგისტრაციის ბმული
BTU x ESMOD კურსების შესახებ მეტი ინფორმაცია იხილეთ ბმულზე
