ყველა ქალბატონისთვის საყვარელი კომპანია More Beauty გთავაზობთ უმაღლესი ხარისხის თავის მოვლის საშუალებებსა და პროფესიონალურ კონსულტაციას სასურველი პროდუქციის შეძენის წინ. პანდემიის ფონზე, მთელ მსოფლიოში ძალიან ტრენდული და მოთხოვნადი გახდა თავის მოვლა სახლის პირობებში, More Beauty-ის მეშვეობით კი ქალბატონები მივხვდით, რომ სილამაზე მსხვერპლს აღარ მოითხოვს. ონლაინ მაღაზიაში ბევრ საჭირო, სასარგებლო და სასურველ პროდუქციას აღმოაჩენთ, რომელიც თქვენს ყოველდღიურობას გაამარტივებს და თან გაახალისებს. დეტალური ინფორმაციისთვის OK! გაესაუბრა More Beauty-ის დირექტორ მარიამ ვაზაგაშვილს.
როდის და რა მიზნით გაჩნდა More Beauty-ს შექმნის იდეა?
პროდუქცია, რომელსაც More Beauty სთავაზობს მომხმარებელს, ჩვენთვის ნაცნობი და გამორჩეული იყო. ბევრ მათგანს წლების მანძილზე ვიყენებდით ოჯახსა და ახლობლების წრეში. ყველა აღნიშნავდა, რომ ძალიან ეფექტური და მარტივი გამოსაყენებელია. რაც მთავარია, იძლევა მყისიერ და პროფესიონალურ შედეგს სახლიდან გაუსვლელად. განსაკუთრებით დაკავებული ქალბატონები, ვისთვისაც დრო, ყოველი წუთი და წამი მნიშვნელოვანია, მიხვდებიან რამდენად კომფორტულია სასურველ დროს და ადგილას პროდუქციის გამოყენება და ამასთანავე სასურველი შედეგის მიღება, რომელიც მოლოდინს აჭარბებს. აქედან გაჩნდა იდეა, რომ ეს ჯადოსნური პროდუქცია ფართო მასებისთვის ხელმისაწვდომი გაგვეხადა. გულით გვინდოდა, რომ ადამიანებს ბედნიერება მიეღოთ ჩვენგან, მათ მიერ გადახდილი თითოეული თეთრი გამართლებული ყოფილიყო და ვფიქრობ, გამოგვივიდა კიდეც.
რა სახის პროდუქციას სთავაზობთ მომხმარებელს და რით გამოირჩევა More Beauty-ს მომსახურების სერვისი?
More Beauty ქართველ მომხმარებელს სანდო ევროპული ბრენდების თავის მოვლის საშუალებებს სთავაზობს. აქ ყველაფერია თავის სრულყოფილი მოვლისთვის სახლის პირობებში. პროდუქცია მსოფლიოს მოწინავე ქვეყნებში იწარმოება, სადაც ამ სფეროს უმაღლესი სტანდარტებია დანერგილი. ესენია: შვეიცარია, საფრანგეთი, იტალია, სამხრეთი კორეა. დაარსების დღიდან კომპანიის უმთავრესი მიზანი საქართველოში უმაღლესი ხარისხის პროდუქტისა და სერვისის სტანდარტების დანერგვაა. თამამად ვიტყვი, რომ გვაქვს სწორი კომუნიკაცია თითოეულ მომხმარებელთან. დახვეწილი, გამართული სერვისი და განსხვავებული მიდგომა, რაც გულისხმობს პერსონალურ კონსულტაციას შეძენამდე, მომხმარებლების განებივრებას საჩუქრებით, გათამაშებებით, მხიარული აქტივობებითა და ღონისძიებებით. ეს ყველაფერი კიდევ უფრო მეტად გვაახლოებს მომხმარებელთან.
გვესაუბრეთ პანდემიით გამოწვეულ სირთულეებზე.
პანდემიას ჰქონდა ძირითადად უარყოფითი მხარეები. მთავარი ამ შემთხვევაში მომავლისადმი სკეპტიკური დამოკიდებულება და გაურკვევლობაა, რაც ნეგატიურად ისახება ფინანსურ მდგომარეობაზე. თუმცა მეორეს მხრივ მანამდე სკეპტიკურად განწყობილმა მომხმარებელმა სწორედ შეაფასა შექმნილი მდგომარეობა და გამოიყენა შესაძლებლობა სახლის პირობებში თავის პროფესიონალური მოვლისათვის. პანდემიამ დამატებით მისცა ადამიანებს შანსი დარწმუნებულიყვნენ ჩვენი პროდუქციის მნიშვნელობაში და ეს პროდუქცია გახადა აუცილებელიც კი ყოველი ქალის თავის მოვლის რუტინაში. შედეგმა მოლოდინს გადააჭარბა, ყოველ დღე უამრავ დადებით შეფასებას ვიღებდით. ე.წ word of mouth-ის საშუალებით ხმები ვირუსულად გავრცელდა და დაინტერესებულ მომხმარებელთა რიცხვი სწრაფად გაიზარდა. ზოგადად მთელ მსოფლიოში ძალიან აქტიურად წამოვიდა სახლის პირობებში თავის მოვლის ტენდენცია. რა თქმა უნდა, გვქონდა გამოწვევები, სირთულეები, რომლებიც სწორი მიდგომით მარტივად გადავლახეთ, ასევე მთელი გუნდი ძალიან ყოჩაღად გადავერთეთ ონლაინ, დისტანციურ რეჟიმზე ყოველგვარი დაბრკოლების გარეშე. ასევე, ამ პერიოდში დამატებითი სირთულე შექმნა ეროვნული ვალუტის დევალვაციამ. ეს დიდი დარტყმა იყო ყველასთვის და ცხადია ძალიან უარყოფითად აისახა კომპანიაზე. ასევე ლოგისტიკური თვალსაზრისით ძალიან დიდ სირთულეებს გადავეყარეთ, ესენი იყო: ტარიფების ზრდა, ჩამოტანის ვადების ზრდა, გაურკვევლობა. არავის ჰქონდა პასუხი რა იქნებოდა ხვალ, ამიტომ ძალიან ფრთხილი, ზუსტი და დროული, თუმცა სარისკო გადაწყვეტილებების მიღება იყო საჭირო. მიუხედავად ამისა, მაქსიმალურად ვეცადეთ და ფასები შევინარჩუნეთ არა სახარბიელო ეკონომიკური მდგომარეობის გათვალისწინებით.
თქვენი აზრით, რა სჭირდება ქალს პროფესიული მიზნის მისაღწევად?
მჯერა, რომ ქალებს ყველაზე მაღალი მწვერვალების დაპყრობა შეგვიძლია. შესაბამისად, ყველაფერი შესაძლებელია, რასაც მოვისურვებთ. მთავარია გვჯეროდეს ჩვენი თავის, ჩვენი შესაძლებლობების, ჩვენი მიზნების, ოცნებების და არასდროს დავნებდეთ, რაც არ უნდა მოხდეს. შეცდომას ბუნებრივია დაუშვებ, მისი გამოსწორება და განვითარება ბუნებრივი პროცესია, რომელიც უდიდეს შრომასა და ნებისყოფას მოითხოვს. წარმატებას ბევრი ფაქტორი განსაზღვრავს. მთავარია, სიყვარულითა და ენთუზიაზმით აკეთებდე საქმეს და ბოლომდე გჯეროდეს შენი თავისა და იმ იდეის, რომელსაც ემსახურები. ეს იდეა კი ყოველთვის არის შინაგანი მოთხოვნილება განვითარებისა, რათა შენი მოქმედებით სიკეთე მოუტანო სხვა ადამიანებს.
3 მიზეზი, თუ რატომ უნდა იყოს სამსახურში ქალი წამყვან პოზიციაზე.
- თავდაჯერებული ქალები კარგი ლიდერები არიან;
- ქალებს შეუძლიათ თვითკონტროლი, ცივი გონებით ფიქრი, სიტუაციის სხვადასხვა რაკურსით დანახვა და ოპტიმალური გადაწყვეტილებების მიღება;
- ქალების გარეშე ყველაფერი უბრალოდ მოსაწყენია.
გვესაუბრეთ სამომავლო გეგმების შესახებ.
მარტის თვე ამ თვალსაზრისით ნამდვილად განსაკუთრებული და გამორჩეულია. დაგეგმილია უამრავი ძალიან მნიშვნელოვანი კამპანია, სახალისო, საინტერესო სიახლეები, სოციალურად დაუცველი ქალებისა და მრავალშვილიანი დედებისაკენ მიმართული საქველმოქმედო აქტივობები და გრანდიოზული გათამაშებები, რომელსაც უფრო ვრცლად ჩვენს სოც. ქსელებში გაეცნობით. ასევე მოუთმენლად ველოდებით, რომ გამოსწორდეს ქვეყანაში არსებული მდგომარეობა, მოიხსნას შეზღუდვები და კვლავ გვქონდეს შანსი მოვაწყოთ ღონისძიებები, სადაც ჩვენს ახალ ერთგულ მომხმარებლებს სხვა ამპლუაში გავიცნობთ.
ტექსტი: მარიამ მთივლიშვილი
