სამშენებლო დეველოპერული ბაზარი მთელ მსოფლიოში და მათ შორის საქართველოშიც ძალიან სწრაფი ტემპით ვითარდება. იმისათვის, რომ ამ ტემპს არ ჩამორჩე და ბაზარზე კონკურენტუნარიანი იყო, მნიშვნელოვანია მოხმარებელს შესთავაზო ახალი, გამორჩეული, მრავალფეროვანი და მაქსიმალურად მასზე მორგებული გადაწყვეტები.
დეველოპერული კომპანია „მოდერნ სითი“ მრავალი წელია ოპერირებს ბაზარზე და არაერთი საინტერესო პროექტი აქვს შექმნილი. ამჟამად კომპანია ორ მიმდინარე პროექტზე მუშაობს, რომლებიც ლისის ტბასთან რამდენიმე მეტრში და დიღომში ამერიკის საელჩოს მიმდებარედ ხორციელდება.
სწორედ ამ პროექტების შესახებ ვისაუბრებთ დღეს „მოდერნ სითის“ დირექტორ ბექა თეზელაშვილთან.
ბექა, მოგვიყევით კომპანიის შესახებ.
„მოდერნ სითი“ მრავალი წელია ოპერირებს ბაზარზე უძრავი ქონების მიმართულებით და როგორც თბილისში, ისე მის შემოგარენში არაერთი საინტერესო და წარმატებული პროექტი გვაქვს განხორციელებული. კომპანიის გუნდი დაკომპლექტებულია საქმის პროფესიონალებით და უძრავ ქონებაში მუშაობის დიდი გამოცდილებით, სწორედ ეს განაპირობებს, რომ ჩვენი შესრულებული პროექტები განსაკუთრებული ხარისხით გამოირჩევა.
„მოდერნ სითიში“ რამდენიმე თვის წინ განვახორციელეთ რებრენდინგი, რომლის ფარგლებშიც ჩამოყალიბდა ჩვენი კომპანიის ახალი და თანამედროვე ვიზუალური იდენტობა. სრულიად შეიცვალა ლოგო და კორპორაციული სტილი, განახლდა ვებგვერდი და სოციალური ქსელები.
მიმდინარე პროექტებზე რომ მოგვიყვეთ?
ამჟამად ორ მიმდინარე პროექტზე ვმუშაობთ: „მოდერნ სითი“ ლისი და „მოდერნ სითი“ დიღომი.
ლისის პროექტი ლისის ტბიდან რამდენიმე მეტრში, ფერმწერთა ქუჩაზე, სკოლა „მილენიუმთან“ მდებარეობს.
ქალაქის ხმაურისა და გამონაბოლქვისგან თავისუფალი, დაბალსართულიანი კომპლექსი, რომელიც შენდება ენერგოეფექტური და უმაღლესი ხარისხის სერტიფიცირებული სამშენებლო მასალებით 14000 კვ.მ-ზე ვითარდება და ოთხ დაბალსართულიან საცხოვრებელ ბლოკს მოიცავს.
ეს არის დახურული და დაცული უბნური სტილის საცხოვრებელი, სადაც ასევე განთავსდება: კეთილმოწყობილი და გამწვანებული შიდა ეზო, საბავშვო და გასართობი ინფრასტრუქტურა და მიწისქვეშა და მიწისზედა ავტოსადგომები.
რაც შეეხება დიღმის პროექტს, კომპლექსი ოლიმპიური აუზისა და ამერიკის საელჩოს მიმდებარედ, კ. გოგიაშვილის ქუჩაზე მშვიდ და მოსახერხებელ ადგილას მდებარეობს, რომელიც, ქალაქის ცენტრისგან მოშორებით და თან ძალიან ახლოს ქალაქთან, ქმნის მშვიდი და კომფორტული ცხოვრებისთვის საჭირო ყველა პირობას, სადაც ნაფიქრია როგორც უფროსებზე, ისე ოჯახის პატარა წევრებზეც.
კომპლექსი 10000 კვ.მ-ზე ვითარდება და სამი 13-სართულიანი საცხოვრებელი ბლოკისგან შედგება.
„მოდერნ სითი“ დიღომში ტერიტორიის დიდი ნაწილი ეთმობა რეკრეაციასა და კეთილმოწყობილ ეზოს, სადაც განთავსდება: საბავშვო გასართობი სივრცეები, სპორტული მოედანი, ღია საცურაო აუზი როგორც უფროსებისთვის, ასევე ბავშვებისთვის, მიწისქვეშა და მიწისზედა ავტოსადგომები.
„მოდერნ სითი“ დიღომის ადგილმდებარეობა მისი ერთ-ერთი მთავარი უპირატესობაა, კომპლექსის გარშემო მდებარეობს უნივერსიტეტები, კაფეები, რესტორნები, მაღაზიები, სავაჭრო ცენტრი, აფთიაქები, საავადმყოფოები, ოლიმპიური ქალაქი, ასტრაპარკი. ყველა სამომხმარებლო საჭიროების ობიექტი 5კმ რადიუსში.
ორივე პროექტში სამშენებლო სამუშაოები აქტიურად, გრაფიკის სრული დაცვით მიმდინარეობს და კომპლექსში ცხოვრება 2025 წლის გაზაფხულიდან იქნება შესაძლებელი.
ჩვენი პროექტები მიმზიდველია არა მხოლოდ საცხოვრებლად, არამედ საინვესტიციოდაც, ვინაიდან უძრავი ქონების ბაზარი თბილისში ძალიან სწრაფად ვითარდება. „მოდერნ სითის“ კომპლექსების ადგილმდებარეობა და ინფრასტრუქტურა კი იძლევა პოზიტიურ პროგნოზს როგორც გასაქირავებელი, ისე გასაყიდი ფასის გრძელვადიან ზრდასთან დაკავშირებით.
ჩვენი კომპანიის მიზანია, შევქმნათ ადამიანსა და მათ კომფორტულ ცხოვრებაზე მაქსიმალურად მორგებული, ჰარმონიული საცხოვრებელი გარემო.
web: www.moderncity.ge
ტექსტი: სალომე სიხარულიძე
ფოტო: ალექსეი სეროვი
