რუბრიკა OK! მენეჯერი კიდევ ერთ საინტერესო ადამიანს წარმოგიდგენთ, რომელსაც ჩვენი მკითხველი უკვე იცნობს OK! ქუთაისის ფურცლებიდან. ამჯერად სულ სხვა ამპლუით და არაერთი სიახლით დაგვიბრუნდა, რომელთა შესახებაც თათია მოსეშვილი თავად გვიამბობს.
უპირველესად გაგვეცნით და გვიამბეთ თქვენი საქმიანობის შესახებ.
მოგესალმებით. მე ვარ თათია მოსეშვილი, ეკონომისტი, PR/SMM მენეჯერი, ასევე ბარ-რესტორანი Umbrella- ს მენეჯერი. მოკლედ რომ ვთქვათ ჩემი საქმიანობა საკმაოდ მრავალმხრივია.
გზა რომელიც დღევანდელ დღემდე გაიარეთ. თქვენი სამუშაო გამოცდილებების შესახებ გვიამბეთ.
9 წელი ვმუშაობდი საბანკო სექტორში ადამიანური რესურსების მართვის კუთხით. პანდემიის პერიოდში აღმოვაჩინე, რომ სხვა კუთხით მინდოდა განვითარება და ჰობი ვაქციე საყვარელ საქმიანობად.
როგორ ფიქრობთ რა არის მთავარი წარმატების მისაღწევად? როგორ ვიპოვოთ საყვარელი საქმე?
მიუხედავად იმისა, რომ ჩემი ძირითადი პროფესია ძალიან მომწონდა და დღესაც მომწონს რომელიც მეხმარება ამჟამინდელ საქმეში სწორი ნაბიჯები გადავდგა გულმა მაინც იმ საქმისკენ გამიწია, რაც ყოველთვის მომწონდა. ერთ მშვენიერ დღეს ჩემს თავს დავუსვი კითხვა თუ რა გამაბედნიერებდა და მაშინ დაიწყო ჩემი ცხოვრების ყველაზე მნიშვენლოვანი თავგადასავალი. მნიშვნელოვანია ყოველ დილით გვიხაროდეს წასვლა სამსახურში და ეს არ იყოს მხოლოდ მოვალეობა, ვიღებდეთ სიამოვნებას ყველა წუთით და ვიზრდებოდეთ ყოველ დღე.
რა გაძლევთ მოტივაციას?
მოტივაციას მაძლევს ყოველი დილა, რომელიც ვიცი, რომ სავსე იქნება იმ ადამიანებთან კომუნიკაციითმ ვისგანაც ბევრი მისწავლია და მომავალშიც ბევრს ვისწავლი, ისეთ ადამიანებთან კომუნკაცია მაძლევს მოტივაციას, ვინც დამწყებია და შემიძლია დავეხმარო. მოტივაციას მაძლევს ყველა ბედნიერი ღიმილიმ რაც ჩემს სწორად და გულით გაკეთებულ საქმეს მოყვება, ყველა ის მადლობა, რასაც ვიღებ და ყველა ის შენიშვნა და უკუკავშირი, რასაც ჩემი ერთგული დამკვეთებისგან ვისმენ.
რას ურჩევდი მათ, ვინც ახლა იწყებენ კარიერას?
მთავარია სწორად განვსაზღვროთ რისი მიღება გვსურს ცხოვრებისგან, მთავარია სწორად და მკაფიოდ დავაფიქსიროთ სურვილები ჩვენს თავთან, დავსახოთ მიზნები და შევუდგეთ მათ შესრულებას, მოგვიწევს ბევრი ღამის გადათენება, გვექნება ბევრი იმედგაცრუება, თუმცა სულ უნდა ვიფიქროთ იმაზე რომ ჩვენი ყველა გულით შესრულებული საქმე აუცილებლად დაფასდება.
როგორია თქვენი მიზნები და სამომავლო გეგმები?
ვემზადები ჩემი ბავშვობის ოცნების ასასრულებლად, სულ მალე განსხვავებული კონცეფციის რესტორანი შეემატება ჩვენს ქალაქს, რომელშიც ვდებ სულს და გულს მთელს ჩემს ემოციას. ეს იქნება ჩემი მომავალი ცხოვრების მთავარი მამოძრავებელი საქმე და ძალა განსხვავებული სტილი და ძველი ტრადიციების გაცოცხლებით. რა თქმა უნდა გავაგრძელებს ჩემს თანამშრომლობას სხვადასხვა ბიზნესის წარმომადგენლებთან და ვიქნების ისევ ისეთი აქტიური როგორც აქამდე.
