მსოფლიოს გარშემო უამრავი გამოკითხვა და კვლევა ტარდება, რათა საზოგადოებამ ყოველწლიურად გაიგოს მოხვდნენ თუ არა მათი საყვარელი მსახიობები და მომღერლები ყველაზე სიმპატიური ვარსკვლავების სიაში.
ჟურნალმა People-მა ტრადიციულად, წლის ყველაზე სექსუალური მამაკაცების სია გამოაქვეყნა, რომელშიც პირველ ადგილს ამერიკელი მსახიობი პატრიკ დემპსი იკავებს, 57 წლის ამერიკელი მსახიობი და მრბოლელი, რომელიც ფართო საზოგადოებამ “გრეის ანატომიაში” შესრულებული როლით გაიცნო, მას მოპოვებული აქვს ნომინაციები ისეთ დაჯილდოებებზე, როგორებიცაა Primetime Emmy Awards და Golden Globe Awards.
თვლით თუ არა საკუთარ თავს მიმზიდველ მამაკაცად? რადგან, სანამ People პლანეტის ყველაზე სექსუალურ მამაკაცად დაგასახელებდათ, თქვენს გულშემატკივრებში მანამდეც იყო გავრცელებული ეს მოსაზრება, თითქოს წინასწარ იცოდნენ რა მოხდებოდა.
მე საკუთარ თავს მიმზიდველ ადამიანად არც კი ვთვლი, ეს არის ტყუილი, რომელიც მედიის მოგონილია (იცინის). თითქოს ამითი ჩემი პერსონაჟების მანიპულაციას ახდენენ შოუებში. მე ყოველთვის ვცდილობ, რომ ვიპოვო განსხვავებული რაღაცები, ის, რაც გამორჩეულად წარმომაჩენს. ჩემი ნამუშევრით კმაყოფილი არასდროს ვარ, ვფიქრობ, თუ კმაყოფილი დავრჩი, მეტად ვეღარ განვვითარდები. ასე რომ, იმედგაცრუება პერიოდულად მოდის და მახსენებს იმას, რომ მეტის გაკეთება შემიძლია.
როგორ უმკლავდებით ამ გრძნობას?
მენტალურად და ფიზიკურად ვისვენებ მაშინ, როდესაც Le Mans-ის რბოლებს ვუყურებ, ფსიქოლოგიურად Le Mans-ზე სიარულმა ძალიან შემცვალა, პიროვნულადაც განმავითარა.
როგორც მსახიობს, კინო გირჩევნიათ თუ თეატრი?
ალბათ გაგიკვირდებათ, მაგრამ კინო, რადგან თეატრის დიდი სიყვარულისდა მიუხედავად, სცენა ჩემთვის არ არის, მე უფრო ფართო მიქმედება მიყვარს, სამოქმედო არეალი, სადაც შემიძლია თავისუფლად ვიმოქმედო და პერსონაჟის მრავალმხრივ განვითარებაზე ვიფიქრო.
საყვარელი საქმიანობა, რომელსაც ოჯახთან ერთად აკეთებთ?
მოგზაურობა, რაც განათლების მიღების საუკეთესო საშუალებაა, ამ დროს ბავშვები ძალიან ბევრ რამეს სწავლობენ. კი, როდესაც წიგნს კითხულობ, ინფორმაციას ხედავ, თუმცა, როდესაც პარალელურად ამ ყველაფერს რეალურად ნახულობ, სწავლის პროცესი უფრო მარტივი, სასიამოვნო და შემეცნებითი ხდება.
მაგალითად, რა საოცრება იქნებოდა, ახლა მოგვევლო ევროპა და თან მასწავლებელი დაგვექირავებინა? სკოლაში მიღებული ფორმალური განათლების მიღების შემდევ იწყება ნამდვილი სწავლა-განათლება და შემეცნება.
რატომ არჩიეთ საცხოვრებლად ქალაქგარეთ გადასვლა? რა უპირატესობები აქვს ამას?
დიახ, ჩვენ გადავწყვიტეთ დაგვეტოვებინა დიდი ქალაქი და გვეცხოვრა მიწაზე, ფერმაზე, სადაც ჩვენ გავზრდიდით საკუთარ დათესილ ბოსტნეულს. ჩვენ გვყავს ცხოველები და ქათმები. აი, მაგალითად, როდესაც ჩემი ქალიშვილი რაღაცას თესავს, შემდეგ მოსავალს იღებს და ამ ყველაფერს იყენებს სამზარეულოში, რომ საჭმელი მოამზადოს, სწორედ ეს მაბედნიერებს, ის ხედავს იმას, თუ ცხოვრება როგორ მუშაობს. ეს ლამაზი გაკვეთილია, რომელიც მას მიწასთან აკავშირებს. მიწა რელიგიაა, ეკლესიაა ჩემთვის, სიწმინდე, რომელიც აე უნდა დავივიწყოთ.
თქვენ ასევე ჩართული ხართ გლობალურ დათბობასთან საბრძოლველად შექმნილი ორგანიზაციების საქმიანობებში.
რა თქმა უნდა, მხოლოდ მიწის სიყვარული საკმარისი არ არია, უნდა გადავარჩინოთ ისიც და პლანეტაც, რომელზეც ჩვენ ვცხოვრობთ, ამასთა ერთად ბევრი პრობლემაა ბუნებაში, რომელსაც ზოგჯერ ადამიანები უგულებელყოფენ.
მე გავიზარდე Maine-ში, პატარა ქალაქში, პატარაობაში სეირნობის დროს ხშირად ვიკარგებოდი, შემდეგ კი ჩემთვის უცნობ ადგილებში ვიკარგებოდი და აქეთ-იქით უაზროდ დავდიოდი. ამ სიარულში იმდენ რამეს ვნახულობდი და ვსწავლობდი, რომ სულაც არ იყო ეს პროცესი ჩემთვის დამღლელი ან მოსაწყენი. მინდა, რომ მომავალ თაობებსაც ჰქონდეთ იმის ბედნიერება, რომ დატკბნენ ბუნების სილამაზით, უნდა ვეცადოთ, რომ ტყეები ნაკლებად გავჩეხოთ, პლასტმასი ნაკლებად მოვიხმაროთ და ნარჩენები გადავამუშავოთ.
Patrick Dempsey
GQ Men of the Year Awards, Berlin, Germany – 08 Nov 2018
როგორ პოულობთ ბალანსს კარგ მეღლეს, კარგ მამასა და კარგ მსახიობს შორის?
ვფიქრობ, დღეს ამ ბალანსის პოვნა ჩემთვის ყველაზე მნიშვნელოვანია. კარიერა და პირადი ცხოვრება ერთმანეთისგან ყოველთვის უნდა გამიჯნოს ადამიანმა. მე სამი შვილი მყავს და მათ ყოველთვის ვეუბნები, რომ მათი პირადი ბედნიერება ყველაზე მნიშვნელოვანია, რომ ყოველთვის უნდა მოუსმინონ თავიანთი გულის თქმას, ისინი ძალიან ზრდილობიანები და კარგი მანერების მქონე ბავშვები არიან, რაც ჩემთვის, როგორც მამისთვის ყველაზე საამაყოა.
