ესთეტიკური მედიცინის ცენტრი „მედინი“ 2018 წლიდან ფუნქციონირებს ქართულ ბაზარზე. მას აქვს ფილიალები ქუთაისში, ბათუმსა და ფოთში. ეს არის სივრცე, სადაც დაგხვდებათ პროფესიონალთა გუნდი, რომლისთვისაც პაციენტთან გულწრფელი მიდგომა უმთავრესია. იმისათვის, რომ უკეთ გაგაცნოთ „მედინი“, მის დამფუძნებელს − ინგა ელიაშვილს ვესაუბრეთ.
უპირველესად, გაგვეცანით.
პროფესიით ვარ ლაზეროთერაპევტი, მაქვს 8-წლიანი გამოცდილება. 2018 წელს გავხსენი ჩემი ესთეტიკის ცენტრი, რომელსაც ვახარჯავ დიდ შრომასა და სიყვარულს. ჩემი მთავარი მიზანი იყო, საზოგადოებისთვის შემეთავაზებინა ხარისხიანი მომსახურება და გვყოლოდა ბევრი კმაყოფილი მომხმარებელი. ვცდილობ არ დავაგდო ტემპი, მუდმივად განვვითარდე და ინოვაციები დავნერგო „მედინში“.
რა სახის პროცედურებს სთავაზობს „მედინი“ საზოგადოებას?
პაციენტებს ვთავაზობ სხვადასხვა პროცედურას, როგორიცაა ბოტოქსით ინიექცია − ნაოჭების საწინააღმდეგო; ფილერით ინიექცია − ტუჩის შევსება/გალამაზება; ყვრიმალების შევსება, ნაიარევებისა და ნაოჭების შევსება. ასევე, კანის გამაჯანსაღებელი, გასაახალგაზრდავებელი პროცედურები და ლაზერული ეპილაციით მომსახურება. „მედინი“ ცდილობს არ ჩამორჩეს ესთეტიკის თანამედროვე ტენდენციებს და სიახლეები შესთავაზოს მომხმარებელს.
გვესაუბრეთ „მედინის“ უპირატესობებზე.
ხარისხი, რომელსაც ჩვენი უამრავი ერთგული მომხმარებელიც მოწმობს. ასევე, ხელმისაწვდომი ფასები და შედეგი. ჩვენი პროფესიონალთა გუნდი ორიენტირებულია, რომ თითოეულმა ჩვენმა მომხმარებელმა მიიღოს კარგი შედეგი, რაც განაპირობებს მათ კმაყოფილებას.
გვესაუბრეთ აპარატურაზე და პრეპარატებზე, რომლებიც „მედინშია“ წარმოდგენილი.
მაქსიმალურად ვცდილობთ ჩვენს მომხმარებელს შევთავაზოთ მხოლოდ საუკეთესო. ვიყენებთ ბაზარზე არსებულ, მაღალი ხარისხის პრეპარატებს. ჩვენ ვმუშაობთ სამსხივიანი დიოდური ლაზერით და წარმოდგენილი გვაქვს გერმანული, Laser Star-ის ბრენდის აპარატები, რომლებიც საუკეთესო შედეგს იძლევა.
რჩევა…
ძალიან მნიშვნელოვანია ქალებმა არ დაკარგონ ზომიერების შეგრძნება. ინდივიდუალიზმი ხომ ის არის, რაც სხვებისგან განგვასხვავებს. ამიტომაც ყველა ქალს ვურჩევდი, გაიკეთონ ის პროცედურები, რომლებიც რეალურად სურთ, თუმცა ზომიერების შეგრძნება არ დაკარგონ.
სამომავლო გეგმები…
ჩვენი ერთგული მომხმარებელი გვაძლევს მოტივაციას, გავაკეთოთ უფრო მეტი წინსვლისა და განვითარებისთვის. გვინდა უფრო მეტად გავფართოვდეთ და რამდენიმე ქალაქში დავამატოთ „მედინის“ ფილიალები. გეგმები დიდი გვაქვს და დარწმუნებული ვარ, ჩემს გუნდთან ერთად ყველაფერი აუცილებლად განხორციელდება.
ტექსტი: სოფიო მალანია
ფოტო: გიორგი კალანდაძე
