Made by ნართი • Narti ქართული ტანისამოსის ბრენდია, რომელიც თავის მომხმარებლებს მუდმივად ანებივრებს სიახლეებითა და ფასდაკლებებით. მისი პროდუქცია გამოირჩევა ხელმისაწვდომი ფასითა და მაღალი ხარისხით. სულ მალე გაიხსნება Narti-ის შვილობილი ბრენდი „კოფთა“, სადაც წარმოდგენილი იქნება თვალისმომჭრელი და ელეგანტური ტანისამოსი. დეტალური ინფორმაციისთვის OK! გაესაუბრა Made by ნართი • Narti-ის შემქმნელ თათა დემურიშვილს.
გვიამბეთ Made by ნართი • Narti‑ის შექმნის შესახებ.
კომპანია „ნართის“ შექმნის იდეა დაიბადა გასული წლის გაზაფხულზე. მანამდე მქონდა ჩემი სახელობითი ხაზი − Made by tata, რომელიც ინდივიდუალურ კერვაზე გახლდათ გათვლილი. პანდემია ახალი დაწყებული იყო და ყველა გადავედით დისტანციურ მუშაობაზე. აქედან გამომდინარე, მოთხოვნა ჩვენს პროდუქციაზე შემცირდა, ვინაიდან ყველაფერი დაიკეტა და გამოსასვლელი ტანისამოსი აღარ იყო მოთხოვნადი. სამაგიეროდ, დიდი მოთხოვნა გაჩნდა სპორტულ ტანისამოსზე და გადავწყვიტეთ ახალი კომპანიის დაარსება, სახელად Made by ნართი • Narti, სადაც იკერება ყველასთვის ხელმისაწვდომი საკმაოდ ხარისხიანი და დახვეწილი სამოსი.
რა სახის პროდუქციას სთავაზობთ მომხმარებელს?
თავდაპირველად, მხოლოდ ქალბატონებისთვის ვქმნიდით სამოსს. ახლა უკვე საბავშვო და მამაკაცის ხაზებიც გვაქვს.
მთავარი ნიშა, რომელიც Made by ნართი • Narti-ის გამოარჩევს?
ჩვენი მთავარი მიზანია, Made by ნართი • Narti-ის სამოსი იყოს ხელმისაწვდომი ყველასთვის, თუმცა დაბალი ფასი არ აისახება პროდუქციის ხარისხზე. მაქსიმალურად ვცდილობთ, ქსოვილი იყოს ნატურალური.
სად შეუძლია მომხმარებელს თქვენი პროდუქციის შეძენა?
ჩვენი პროდუქციის შეძენა შესაძლებელია ჩვენს მაღაზიებში: სულხან ცინცაძის ქ. N7; „თბილისი მოლის“ ცენტრალური ატრიუმი; დავით გურამიშვილის გამზ. N17; აგრეთვე Facebook-ის გვერდზე Made by ნართი • Narti და ასევე Instagram-ზე − by narti-ის საშუალებით.
გვესაუბრეთ იმ ფასდაკლებებთან დაკავშირებით, რომლებსაც მომხმარებლებს სთავაზობთ.
საკმაოდ ხშირად ვანებივრებთ ჩვენს მომხმარებლებს ფასდაკლებებით. აღსანიშნავია, რომ ყოველთვის გვაქვს ერთ პროდუქტზე ფასდაკლება.
სამომავლო გეგმები.
ძალიან მალე იგეგმება ჩვენი საბურთალოს მეორე ფილიალის გახსნა. რამდენიმე დღეში უკვე ბათუმის „მეტრო სითიშიც“ გაიხსნება ახალი ფილიალი. Made by ნართი • Narti-ის ძირითადი მიმართულება სპორტული ყოველდღიური სამოსია. სულ მალე კი ელოდეთ ჩვენს ახალ ბრენდს „კოფთა“, რომლის დასახელება ჩემში დახვეწილი ელეგანტური ქალბატონის ასოციაციას იწვევს.
