“ლუტეცია ჯგუფი“ საქართველოს სილამაზის ინდუსტრიის ერთ-ერთი წამყვანი ბრენდია, რომელიც არა მხოლოდ სიახლეებისა და განვითარებისკენ სწრაფვას, არამედ მშვენიერებისა და ახალი პერსპექტივების შემოტანას ემსახურება. კომპანიის დამფუძნებელი და მთავარი იდეოლოგი, ვახტანგ ფხაკაძე გახლდათ, რომელიც სამწუხაროდ 2020 წელს გარდაიცვალა.
ვახტანგ ფხაკაძე ბიზნეს საქმიანობის მიღმა აქტიურად გატაცებული იყო ქველმოქმედებით, სწორედ მისი ხედვის და საქმის გასაგრძელებლად ჩამოყალიბდა “ლუტეციის ჯგუფის“ ფონდი, რომლის მთავარი მიზანი ნიჭიერი და მოტივირებული ახალგაზრდების აღმოჩენა და მათი განათლების ხელშეწყობაა.
ამასთან ერთად ფონდი მიზნად ისახავს საზოგადოების და ბიზნესების ყურადღების გამახვილებას განათლების ხელშეწყობაზე, რათა მოტივაცია მისცეს რაც შეიძლება მეტ ადამიანს, რომ მომავალი თაობის განათლებაში მოახდინონ ინვესტირება.
საქველმოქმედო ფონდი სიმბოლურად ვახტანგ ფხაკაძის დაბადების დღეს, 23 აპრილს დაარსდა. „ლუტეცია ჯგუფი“ საკუთარი მოგების ნაწილს რეგულარულად სწორედ ამ ფონდში გადარიცხავს. ფონდის კარი ღია იქნება ნებისმიერი ქველმოქმედი მსურველისთვის და ყოველ წელს, 23 აპრილს საზოგადოებას ისინი წარუდგენენ ანგარიშს თუ რა გაკეთდა წლის განმავლობაში.
