ქართული კომპანია „ლინქსი“ უკვე წელიწადზე მეტია საზოგადოებას ხის ავეჯის მრავალფეროვან არჩევანს სთავაზობს. კომპანიის უპირატესობა ხარისხი და ეკოლოგიურად უსაფრთხო პროდუქციის გამოყენებაა. როგორია „ლინქსის“ მუშაობის სპეციფიკა, სად შეგვიძლია პროდუქციის შეძენა, და სხვა საინტერესო საკითხების შესახებ, მარკეტინგის ხელმძღვანელი − ინა ალავიძე გვიამბობს.
გაგვაცანით კომპანია. რამდენი ხანია, რაც ავეჯს აწარმოებთ?
ეს არის კომპანია, რომლის ძირითადი მიმართულებაა მასიური ხის ავეჯის წარმოება. „ლინქსს“ აქვს საკუთარი საწარმო და სადემონსტრაციო შოურუმი. საქმიანობა გასული წლის მარტში დავიწყეთ. ეს არის მზარდი, განვითარებადი კომპანია და ვცდილობთ მოკლე ვადებში შევძინოთ მას კიდევ უფრო დიდი მასშტაბები.
როგორ გაგიჩნდათ ავეჯის მწარმოებელი კომპანიის დაარსების იდეა?
რაც შეეხება იდეას, მიგვაჩნია, რომ საქართველოში დეფიციტურია ინდივიდუალური, განსხვავებული ავეჯის წარმოება და მით უფრო − ავეჯი, რომელიც წარმოებს ეკოლოგიურად უსაფრთხო პროდუქციისგან და დიზაინერულად არის განსხვავებული და საინტერესო. ამ კონკრეტულ შემთხვევაში, მივიჩნიეთ, რომ ჩვენს ბაზარს სჭირდება არასტანდარტული ავეჯი, რომელსაც ექნებოდა დიზაინისა და ფერების მრავალფეროვანი არჩევანი და ამასთან ერთად, ძალიან მნიშვნელოვანია, ეს ავეჯი წარმოებული იყოს ნატურალური მასალებისგან. შესაბამისად, ამ მიმართულების არჩევაც ჩვენი მხრიდან ბაზარზე არსებულმა დეფიციტმა განაპირობა.
რა სახის ავეჯს სთავაზობთ მომხმარებლებს?
ამ ეტაპისთვის წარმოება მოიცავს ყველა სახეობის ავეჯის დამზადებას, გარდა რბილი ავეჯისა, მათ შორის სამზარეულოს, სასადილო მაგიდებს, ჟურნალის მაგიდებს, კარადებს, გარდერობებს, საძინებლის კომპლექტებს, ხის დეკორაციებს, განათებას − ყველაფერს, რაც სახლის ავეჯში მოიაზრება. ათვისებული გვაქვს ყველა მიმართულება, გარდა რბილი ავეჯისა.
გვესაუბრეთ ხარისხზე.
ჩვენი წარმოებული პროდუქცია, გარდა იმისა, რომ ხის მასალებით წარმოებს, მზადდება სუფთა, მაღალი ხარისხის საღებავებით, რომლებიც ასევე უსაფრთხოა ჯანმრთელობისთვის. ქართული წარმოების ავეჯთან დაკავშირებით, ყოველთვის სკეპტიკური დამოკიდებულება იყო და ჩვენი ამოცანაა, ეს მიდგომა შევცვალოთ, რასაც მაღალი ხარისხის პროდუქციის წარმოებით ვახერხებთ. ჩვენი წარმოება კონსტრუქციულად აბსოლუტურად გამართულია და მაღალი სტანდარტისაა.
სად შეგვიძლია პროდუქციის შეძენა?
პროდუქციის შეძენა შესაძლებელია ჩვენს შოურუმში, რომელიც მდებარეობს თბილისის პავილიონში, მისამართზე: აღმაშენებლის ხეივანი, N68. მომხმარებლებს შესაძლებლობა აქვთ დაათვალიერონ ჩვენი პროდუქციის კატალოგი ჩვენსავე ვებგვერდზე და შეძენის შემთხვევაში, მოემსახურებათ კომპანიის კურიერი მთელი საქართველოს მასშტაბით.
გარდა იმისა, რომ მომხმარებლებს შესაძლებლობა აქვთ შეიძინონ ის ავეჯი, რომელიც წარმოდგენილია ჩვენს შოურუმში, ასევე შეუძლიათ შეგვიკვეთონ მათთვის სასურველი დიზაინის პროდუქცია.
როგორია კომპანიის სამომავლო გეგმები?
რაც შეეხება სამომავლო გეგმებს, გვსურს, კიდევ უფრო მეტად გავზარდოთ მასშტაბები და საზოგადოებას შევთავაზოთ ბევრად დიდი და მრავალფეროვანი არჩევანი.
